"Trampın Ağ Evə dönüşü: Ukrayna "sülh xatirinə sülh" üçün narahatdır" - "The New York Times"

Bizi sosial şəbəkələrdən izləyin:

"Trampın qalib kimi görünmək arzusu nəticədə ona Ukraynanın dəstəyini təmin edəcək..."

Ukrayna güclü bir rəqibə qarşı mübarizə aparır və eyni zamanda ABŞ-ın hərbi dəstəyindən güclü şəkildə asılıdır.

Moderator.az xəbər verir ki, bu barədə "The New York Times" nəşri yazıb.

Nəşr qeyd edir ki, Ukrayna ABŞ-ın yeni prezidenti Donald Tramp administrasiyasının dəyişikliklər gətirəcəyinə inanır. Lakin bir çoxları bu dəyişikliklərin yaxşı olmayacağından, xüsusilə ABŞ-ın hərbi yardımının dayandırılacağından ehtiyatlanır.

Nəşr onlarla ukraynalı - cəbhədəki əsgərlər, məcburi köçkünlər və Rusiya tərəfindən raket hücumlarına məruz qalan şəhərlərin sakinləri ilə söhbət etdikdən sonra bu nəticəyə gəlib.

"Həm əsgərlər, həm də mülki şəxslər bildirir ki, bu qədər itkidən sonra ABŞ-ın yeni prezidenti sülh xatirinə sülh deyil, ədalətli bir həll yoluna çalışmalıdır", - deyə nəşrdə qeyd edilir.

Çoxsaylı ukraynaların Co Bayden administrasiyasının həddindən artıq ehtiyatlı yanaşmasından və Konqresin fəaliyyəti səbəbindən yardımın gecikməsindən məyus olduqları vurğulanır.

"Müharibə hələ də davam edir, Ukrayna güclü bir rəqibə qarşı mübarizə aparır və ABŞ-ın hərbi dəstəyindən güclü şəkildə asılıdır", - nəşr yazıb.

29 yaşlı ukraynalı rəssam Anna qeyd edib ki, "bəzi insanlar bunun Ukrayna üçün son olduğunu deyir": "Lakin mən Trampı sabit bir insan hesab etmədiyim üçün bunu dəqiq deyə bilmirəm. Ədalətə və Rusiyanın etdiyi hər şeyə görə nəticələrlə üzləşəcəyinə ümid edirəm."

128-ci Zakarpatya dağ-hücum briqadasının mayoru Yaroslav Halas hesab edir ki, Trampın qalib kimi görünmək arzusu nəticədə ona Ukraynanın dəstəyini təmin edəcək:

"Tramp başa düşür ki, Rusiyanın qələbəsi və Ukraynanın məğlubiyyəti ABŞ-ın məğlubiyyəti və onun prezident kimi şəxsi məğlubiyyəti olacaq. Dünya bunu belə qəbul edəcək."

Rusiyanın Kursk vilayətində döyüşən hərbi kəşfiyyat zabiti Andrey bildirib ki, hər bir ukraynalı o qədər dəhşət yaşayıb ki, müharibənin sonu tezliklə gəlməlidir:

"Müharibə dəhşətlidir və bu, sona çatmalıdır. Ola bilsin, Tramp bununla bağlı nəsə edəcək." Lakin hərbçi əlavə edib ki, əgər Tramp Kiyevi əlverişsiz bir razılaşmanı qəbul etməyə məcbur etmək üçün hərbi dəstəyi dayandırarsa, bu, onun gözlədiyi kimi nəticə verməyə bilər:

"Bu, pis olacaq. Bu, partizan müharibəsinə çevriləcək. Biz təslim olmayacağıq. Çoxlu yaxşı insanlar həlak olacaq", - deyə döyüşçü bildirib.

Trampın Ukrayna ilə bağlı "sülh planı" - aktual olanlar

"The New York Times" əvvəllər qeyd edib ki, Trampın Ukrayna ilə bağlı gələcək razılaşmasının ilkin konturları artıq müəyyən edilib. Qeyd olunur ki, Rusiya hazırda işğal etdiyi Ukrayna ərazisinin təxminən 20 faizində qoşunlarını saxlaya bilər.

ABŞ-ın istefada olan general-leytenantı və ABŞ Ordusunun Avropa üzrə keçmiş komandanı Ben Hoces hesab edir ki, Tramp Putinin Ukrayna ilə bağlı razılaşmasını imzalamaqdan çəkinməlidir, əks halda yeni bir qlobal müharibə ilə üzləşə bilər.