"Tramp komandası Rusiyanı sülhə məcbur etmək üçün iki strategiya hazırlayır" - "Bloomberg"

Bizi sosial şəbəkələrdən izləyin:

"Tramp Putinə sanksiyalarla bağlı "qamçı" və "kökə" təklif edəcək..."

Donald Tramp Rusiyanı Ukrayna ilə sülh sazişi imzalamağa yönəltmək üçün sanksiyalarla bağlı strategiya üzərində işləyir.

Moderator.az xəbər verir ki, bu barədə "Bloomberg" nəşri məlumat yayıb.

Nəşr qeyd edib ki, Trampın komandası Rusiyaya qarşı genişmiqyaslı sanksiyalar hazırlayır. Məqsəd yaxın aylarda Ukrayna ilə sülh müqaviləsi imzalanmasını təmin etməkdir.

İki əsas yanaşma müzakirə edilir:

1. Əgər münaqişənin sonu yaxın görünərsə, Rusiyanı müəyyən dərəcədə güzəştlərə sövq etmək üçün ABŞ Rusiyanın neft sektoruna qarşı sanksiyaların bir hissəsini yumşalda bilər.

2. Əksinə, münaqişəni bitirmək üçün Rusiyaya sanksiya təzyiqini gücləndirmək də nəzərdə tutulur.

Mənbələrin sözlərinə görə, bu planlar hələ ilkin mərhələdədir və əsasən Trampın qəbul edəcəyi qərarlardan asılı olacaq.

Eyni zamanda, "Bloomberg" qeyd edir ki, Trampın komandası Bayden administrasiyası Rusiyaya təzyiq göstərərkən qlobal neft bazarlarında böyük sarsıntıların qarşısını necə almaq və dolların qlobal rezerv valyutası statusunu necə qorumaq dilemması ilə üz-üzə qalacaq.

Mart ayında qərarlar gözlənilir

Nəşr yazır ki, Tramp komandasının niyyətlərini üzə çıxaracaq ilk göstərici martın ortalarında olacaq. Bu zaman bəzi sanksiyalara istisnalar verən "ümumi lisenziya"nın müddəti bitir. Əgər Tramp administrasiyası bu lisenziyanın müddətini uzatmasa, bu, Kremlə qarşı təzyiqi artıracaq.

İkinci dərəcəli sanksiyalar və yeni məhdudiyyətlər

Mənbələr bildirir ki, Rusiyanın daha aqressiv siyasəti Tramp komandasını neft ticarətinə, xüsusilə Çin və Hindistan şirkətlərinə qarşı ikinci dərəcəli sanksiyaları gücləndirməyə sövq edə bilər.

Digər mümkün yanaşma, Rusiya neftini Danimarka və Türkiyə boğazları ilə daşıyan tankerlərə daha sərt məhdudiyyətlərin tətbiqi ola bilər.

Daha yumşaq ssenari

Rusiya neftinin bir barreli üçün hazırkı 60 dollar qiymət həddinin artırılması nəzərdə tutula bilər.

Rusiyaya qarşı son sanksiyalar:

Xəbər verildiyi kimi, ABŞ-ın yanvarın 10-da tətbiq etdiyi yeni sanksiyalar nəticəsində "kölgə donanmasına" aid olan onlarla neft tankeri, xüsusilə Çin və Rusiya sahillərində fəaliyyətlərini dayandırıb.

Bundan əlavə, ABŞ-ın yeni sanksiyaları Rusiya müdafiə sənayesinə də ciddi zərbə vurub.