32 yaşlı kişi bu il 100 uşağın atası olacaq: o, buna necə nail olub?.. - FOTO

Bizi sosial şəbəkələrdən izləyin:

"Bu, hələ başlanğıcdır, qadınların mənə ehtiyacı olanadək fəaliyyətimi davam etdirəcəyəm..."

Dünyanın ən məşhur sperma donorlarından biri bu il 100 uşağın atası olacağını açıqlayıb.

Moderator.az xəbər verir ki, bu barədə "Need To Know" nəşri yazıb.

32 yaşlı Kayl Qordi artıq dünya üzrə 87 uşağın bioloji atası kimi tanınır. Lakin 2025-ci il yanvarın 1-də o, tezliklə əlamətdar bir rəqəmə çatacağını təsdiq alıb. Növbəti bir neçə ay ərzində onun rəsmi olaraq dünyanın müxtəlif yerlərində 100 uşağı olacaq, belə bir nailiyyətin yalnız üç başqa kişi tərəfindən əldə edildiyi düşünülür.

Çoxları bu məqamda daha çox uşaq sahibi olmaqdan imtina edərdi, lakin o deyir ki, bu, "hələ başlanğıcdır." "Bu qədər uşağın atası olmaq çox gözəldir, - 3 mindən çox izləyicisi olan Kayl özünün "Instagram" hesabında jurnalistlərə bildirib. - Mən bu qadınlara, xüsusilə də bunun mümkünsüz olduğunu düşündükləri zaman ailə qurmaqda kömək etdiyim üçün xoşbəxtəm", - o, deyib.

"Amma mən hələ dünya əhalisinə ciddi təsir edəcək səviyyədə deyiləm. Bu səbəbdən mən hələ yenicə başlayıram. Düzünü desəm, neçə uşaq sahibi olmaq istədiyimlə bağlı konkret planım yoxdur. Düşünürəm ki, qadınların mənə ehtiyacı olanadək bu fəaliyyətimi davam etdirəcəyəm".

Кайл Горди / Фото: instagram.com/kylegordy1234 / ©

ABŞ-ın Kaliforniya ştatında yaşayan Kayl öz xidmətlərini pulsuz təklif edir və maraqlananlara onunla əlaqə saxlamağı tövsiyə etdiyi "Be Pregnant Now" adlı bir vebsayt idarə edir.

Ötən ilin əvvəlində o, donorluğa qısa fasilədən sonra bu hobbisinə geri dönəcəyini elan edib. O, donorluğa "mikro-pensiyaya çıxmaqla" ara verib ki, öz həyat yoldaşını tapa bilsin. Lakin "90 Day Fiance" şousunda 39 yaşlı Anika Filipə qısa müddətə aşiq olsa da, onların münasibətləri səkkiz aydan sonra bitib.

Hazırda xoşbəxt ailə həyatı qurmaq arzusunda olsa da, Kayl aktiv şəkildə həyat yoldaşı axtarmır və taleyin öz işini görəcəyinə inanır. O, 2025-ci ildə planlaşdırdığı dünya xeyriyyə səfəri zamanı xüsusi bir insanla qarşılaşacağına ümid edir.

Кайл Горди и Аника Филипп / Фото: instagram.com/kylegordy1234 / ©

O, deyib: “Bu il mənim dünyanın müxtəlif yerlərinə bir neçə səfərim planlaşdırılıb. Mən Yaponiyada və İrlandiyada bəzi qadınlarla danışıram, bu ölkələrin heç birində, o cümlədən Böyük Britaniya, ABŞ və Avropanın digər ölkələrində hələ uşağım yoxdur", - o, deyib.

"Mən doğru insan üçün bir az dayana bilərdim, amma artıq bu məsələdə təzyiq göstərmək niyyətində deyiləm. Lakin irlandlı həyat yoldaşım olmasına etiraz etməzdim. Oraya köçməkdən məmnun olardım, çünki bu ölkəni çox sevirəm və dəfələrlə orada olmuşam. Amma donorluq üçün hələ orada olmamışam, ona görə də bu, ilk dəfə olacaq".

"Uşaqlarımdan birinin anası Dublindən gəlir və onlar tez-tez İrlandiyaya gedir. Ən azı bilirəm ki, artıq müəyyən bir ailəm var. Bu, tamamilə köçə biləcəyim bir yerdir, amma bu qərarı kainatın öhdəsinə buraxıram. Əlbəttə ki, əgər uyğunluq doğru olarsa, mən onların hansı ölkədən olduqlarını önəmli saymıram, çünki zərurət olduqda istənilən yerə səyahət etmək və ya köçmək mənim üçün problem deyil".

Hazırda onun İsveç, Norveç, İngiltərə və Şotlandiyada 14 uşağı var. "Hələ Yaponiyada, İrlandiyada və Koreyada uşağım olmayıb, çünki bu ölkələrə xüsusi olaraq donor olmaq üçün hələ səfər edə bilməmişəm. Ola bilsin ki, 2025-ci il bunu həyata keçirdiyim il olacaq. Kim bilir, bəlkə 2026-cı ilə qədər hər ölkədə bir uşağım olacaq", - deyə o, əlavə edib.