Türkiyənin lazer topu daha çox şeyə qadirdir...-POLŞA NƏŞRİ

Bizi sosial şəbəkələrdən izləyin:

"Türkiyə PUA-larla mübarizə aparmaq üçün güclü lazer topu yaradıb. Ancaq məlum olub ki, sözügedən "ALKA" sistemi daha çox şey edə bilər".

Moderator.az "UNİAN"-a istinadla xəbər verir ki, bunu Polşanın "Cyfrowa" nəşri yazır.

Qeyd olunur ki, Türkiyənin "Roketsan" müdafiə şirkəti hava təhlükəsi ilə mübarizə aparmaq üçün lazer topu yaradıb. "ALKA" sistemi düşmənin pilotsuz təyyarələrini və hətta onların bütün dəstələrini məhv etməli idi və bu işi yerinə yetirir. Lakin mühəndislər bu silahın daha çox şey edə biləcəyi qənaətinə gəliblər.

“Sadəcə onu tanklara yönəldin və lazerin zirehləri necə zədələdiyini görün?.. Lazer - ən azı hazırda mövcud texnologiyalar çərçivəsində işləyən - zirehli texnikanı döyüş meydanında tam məhv etməyəcək, lakin göründüyü kimi, onları müdafiəsiz edə bilər", - məqalədə belə deyilir.

Məlumata görə, son sınaqlar 2,5-5 kVt gücündə və 1,5 km-ə qədər atış məsafəsinə malik lazer topunun quru qoşunları üçün təhlükə yaratdığını sübut edib.

Eyni zamanda, silah pilotsuz uçuş aparatları ilə mübarizə üçün nəzərdə tutulmuşdu - o, eyni vaxtda 100-ə qədər hədəfi aşkarlaya, izləyə və məhv edə bilər. Sistem süni intellekt sistemi ilə dəstəklənən radarla təchiz olunub və şüadan istifadə edərək aktiv zireh bölmələrini partlada bilir.

“Lazer, məsələn, yerüstü bölmələrin hücumunu təqlid edərək tank ekipajlarının yönləndirməsini pozmaq üçün istifadə edilə bilər. Bundan əlavə, lazer şüası vasitəsilə aktiv zirehlərin uzaqdan məhv edilməsi tank əleyhinə raketlərdən və ya kamikadze tipli PUA-lardan istifadə etməklə daha effektiv məhvə yol açır”.

Nəşr göstərir ki, ixtiraçılar artıq gücü və atəş məsafəsini artırmaq üçün çalışırlar.

“Mühəndislər bu yaxınmənzilli silaha böyük ümidlər bəsləyirlər. Onun istismarı qənaətlidir (“lazer atəşi raketdən müqayisə olunmayacaq dərəcədə ucuzdur”) və quraşdırmaq asandır (modul dizaynı silahı stasionar sistemlərdə və mobil konfiqurasiyalarda istifadə etməyə imkan verir), - deyə müəlliflər ümumiləşdirir.

S.Laçın