İsrail hərbçiləri qətlə yetirdikləri insanların cəsədlərini itlərə yedizdirir...-VƏHŞƏT-FOTO

Bizi sosial şəbəkələrdən izləyin:

"HƏMAS" hərəkatının bəyanatında deyilir ki, Qəzza zolağının öldürülmüş sakinlərinin cəsədlərini sahibsiz itlərin yeməsinə tamaşa edən İsrail hərbçilərinin hərəkətləri ordunun və İsrail rəhbərliyinin qəddarlığının və sadizminin həddini aşan səviyyəsini nümayiş etdirir.

Moderator.az "İslamnews" nəşrinə istinadla xəbər verir ki, bundan əvvəl “Əl-Cəzirə” Qəzzanın şimalında küçə itlərinin öldürülmüş fələstinlinin cəsədini parçaladığı videonu nümayiş etdirib.

"HƏMAS" xatırladıb ki, İsrail əsgərləri təcili yardım və mülki müdafiə qruplarına şəhidlərin cəsədlərini küçələrdən çıxarmağa icazə vermir, hərəkət edən hər şeyi öldürmək üçün atəş açır. Ona görə də fələstinlilərin cəsədləri vəhşi heyvanların yeminə çevrilən soydaşlarını insancasına dəfn etmək imkanı yoxdur. Bundan əlavə, baş verənlər ölümcül yoluxucu xəstəliklərin yayılmasına səbəb ola bilər.

“Bu, Qəzza zolağında törədilən vəhşi soyqırımın səviyyəsini ortaya qoyur və bu terror ordusunun və onun faşist rəhbərliyinin davranışını xarakterizə edən sadizm, cinayətkarlıq və qeyri-insaniliyin dərəcəsini təsdiqləyir”, - deyə bəyanatda bildirilir.

Bundan əlavə, İsrailin "Haaretz" qəzeti 252-ci diviziyanın komandirinin etirafını dərc edib və İsrail hərbçilərinin öldürülən fələstinlilərin sayına görə yarışdığını qeyd edib. Komandirin sözlərinə görə, təhlükəsizlik qüvvələri bütün fələstinliləri Netzarim oxunun şimalında (Qəzza şəhəri ilə anklavın cənubu arasında - red.) güllələyir, hesabat vermək üçün onların meyitlərinin şəklini çəkir, cəsədlərini itlərin parçalanmasına tamaşa edirlər.

O əlavə edib ki, öldürülən 200 qəzzalıdan yalnız 10-nun "HƏMAS" ilə əlaqəsi var. Paralel olaraq, İsrail ordusu Qəzzanın sosial infrastrukturunu, o cümlədən xəstəxana və məktəbləri dağıtmaqla anklavı yaşayış üçün yararsız yerə çevirməkdə davam edir. Bu arada qəzzalıların yaxınları ABŞ Dövlət Departamentini məhkəməyə verib.

S.Laçın