“O halda Əsədin çiçəyi “xilaskar” kimi çırtlaya bilər... –O, Putinə buna görə lazımdır...”

 

 “Bir növ Suriyanı idarəetmə mexanizmi olan neft yataqları Türkiyənin vasitəsi ilə ABŞ-nin əlinə keçəcək. Liviyadakı kimi Qəddafini yıxan Türkiyəyə Suruyaya da heç nə qalmayacaq. Pulsuz-parasız qalmış “xilaskarlar” isə xalqı dolandıra bilməyəcəklər. Aclıq baş verəcək”. 

 

Bəşər Əsəd diktaturasından qurtulmuş Suriyanın gələcəyi barədə bu pessimist proqnozları Moderator.az-a açıqlmasında siyasi analitik Tahir Cəfərli dilə gətirib.

 

 

“İsrailin öz ərazisini Suriyanın hesabına artırmasının şahidi olacağıq. Türkiyəni Suriyadan çıxarmaq üçün isə kürd silahlı dəstələrindən istifadə edəcəklər. Nəzərə alsaq ki, Suriyadakı kürdlərin əksəriyyəti dini mənsubiyyətcə ələvilərdir - dini zəmində müharibənin də baş verəcəyi labüddür... Bax, o məqamda, o halda Bəşər Əsədin çiçəyi “xilaskar” kimi çırtlaya bilər. Rusiyaya, Putinə Əsəd  məhz buna görə lazımdır. XX əsrin 50-ci illərində qovulmuş İran şahını ingilislər xalqın alqışları altında Tehrana qaytardıqları kimi Əsədi də alqışlarla Dəməşqə qaytara bilərlər. Hələlik isə Suriya dağılmaq, parçalanmaq ərəfəsindədir”, - deyə davamında analitik diqqətə çatdırıb.

 

Sultan Laçın