Şimali Koreya qoşunlarına rəhbərlik edən üç general harada gizlədilir?

Bizi sosial şəbəkələrdən izləyin:

"Rusiyanın hərbi komandanlığı Şimali Koreya hərbçilərini Ukrayna qoşunlarına qarşı döyüşlərə cəlb edib..."

Şimali Koreyanın iki min hərbçisi Rusiya ordusunun döyüş bölmələrinə qoşulub. Onlar dəniz piyadası briqadası və hava-desant qoşunlarının diviziyasına cəlb edilib.

Moderator.az xəbər verir ki, bu barədı Ukrayna Müdafiə Nazirliyi Baş Kəşfiyyat İdarəsinin nümayəndəsi Andrey Çernyak "Donbass Realii" nəşrinə müsahibəsində bəyan edib.

"Hazırda Rusiya ordusunun operativ ehtiyatında Şimali Koreyanın 9 min hərbi qulluqçusu var, 2 min hərbçi döyüş bölmələrinə verilib", - o, deyib.

Çernyak həmçinin qeyd edib ki, bunu nəzərə alaraq əminliklə demək olar ki, KXDR hərbçiləri döyüş əməliyyatlarının aparılmasına cəlb edilib. Ehtimal ki, onların heç də hamısı ön cəbhədə döyüşmür, lakin Ukraynaya qarşı təcavüzündə Rusiyaya kömək edir.

Baş Kəşfiyyat İdarəsinin məlumatına görə, Şimali Koreya qoşunlarının kontingentinə üç general komandanlıq edir. Çernyak qeyd edib ki, "onlar maksimal olaraq gizlədilir, qapalı düşərgələrdədir, onlar üçün hazırlıq keçilir, lakin maksimal olaraq hamıdan gizlədilir".

KXDR qoşunları Ukrayna müharibəsində

Ukrayna Silahlı Qüvvələri Baş Qərargahının məlumatına görə, hazırda Rusiyanın Kursk vilayətində Şimali Koreyanın 11 min hərbi qulluqçu var.

Baş Qərargah rəisi Anatoli Barqileviç məlumat verib ki, Rusiya komandanlığı artıq Şimali Koreya hərbçilərini Ukrayna qoşunlarına qarşı döyüşlərə cəlb edib.