Artıq 4 saatdır ki, təhlükəsizlik qüvvələri Gürcüstanda etirazları yatıra bilmir...

Bizi sosial şəbəkələrdən izləyin:

"Saxlanılanların və yaralananların sayı hələlik məlum deyil. Görünür, söhbət onlarla insandan gedir. Saxlanılan və yaralananlar arasında KİV əməkdaşları da var..."

Təxminən dörd saatdır ki, Gürcüstan təhlükəsizlik qüvvələri Tiflisin Rustaveli prospektində dinc etiraz aksiyasını yatırmaqda davam edir

Moderator.az xəbər verir ki, "Newsgeorgia" portalının səhər saat 07:11-də yaydığı məlumatda belə deyilir.

"Xüsusi təyinatlılar nümayişçiləri metrostansiyaya sıxışdırıblar. Jurnalistlər baş verənləri “izləmə əməliyyatı” kimi təsvir edirlər. Daxili İşlər Nazirliyinin əməkdaşları mitinq iştirakçılarına yetişir, onları yerə yıxır, bəzilərini təpikləyirlər. Etirazçıların harasa sığınıb-sığınmadığını yoxlamaq üçün mağaza və apteklərə girirlər.

Etirazçılar zibil qutularını yandırıb, skamyalarla barrikadalar qurublar. Zaman-zaman xüsusi təyinatlılar öz irəliləyişlərini və həbslərini bərpa edirlər.

Saxlanılanların və yaralananların sayı hələlik məlum deyil. Görünür, söhbət onlarla insandan gedir. Saxlanılan və yaralananlar arasında KİV əməkdaşları da var.

Bildirilir ki, Daxili İşlər Nazirliyinin əməkdaşları nümayişçilərin döyülməsi faktlarını lentə alan jurnalistlərə qarşı xüsusilə aqressiv olublar", - xəbərdə belə deyilir..

Xatırladılır ki, cümə axşamı axşam baş nazir İrakli Kobaxidzenin Gürcüstanın Avropa İttifaqına daxil olması ilə bağlı danışıqlara başlamaqdan imtina etdiyini elan etdikdən sonra minlərlə vətəndaş Rustavelidə kortəbii etiraz aksiyasına toplaşıb.

Rustaveli prospektində keçirilən etiraz aksiyasının dağıdılması gecə yarısından sonra, təxminən saat 2 radələrində başlayıb. Etirazçılara qarşı su şırnaqları, səs qumbaraları, gözyaşardıcı qaz və digər xüsusi vasitələrdən istifadə olunub. Gürcüstanın Xalq müdafiəçisi Levan İoseliani hesab edir ki, nümayiş dinc şəraitdə keçib və sərbəst toplaşmaq azadlığı pozulub.

S.Laçın