Trampın qızı və yeznəsi Putini dəstəkləyən "XABAD"-a bir milyon dollar bağışlayacaq...

Bizi sosial şəbəkələrdən izləyin:

"Planetin hər yerində tapıla bilən cəmi iki ad var - "Koka-Kola" və "XABAD"!” - İsrailin aparıcı ravvinlərindən biri olmuş Cozef Kaqanman

ABŞ-nin yeni seçilmiş prezidenti Donald Trampın kürəkəni və qızı Cared Kuşner və İvanka Tramp "XABAD" hərəkatının Birləşmiş Ərəb Əmirliklərindəki mərkəzində milyon dollarlıq ianə verəcəklərini açıqlayıblar.

Moderator.az xəbər verir ki, bu haqda İsrail mediası məlumat yayıb.

Bəyanata görə, ianə mərkəzin icmalararası dialoqu və şəbəkələşməni təşviq etməyə davam etməsinə kömək edəcək. Cütlük başqalarını da onlardan nümunə götürməyə və bölgədəki "XABAD" hərəkatının işini dəstəkləməyə təşviq edib

Zəruri arayış:

Rusiyada nəşr olunan "Habad.ru" nəşri yazır:

"XABAD" və ya lyubaviç hasidizmi eyni zamanda fəlsəfi doktrina, ictimai hərəkat və dini təşkilatdır. "XABAD" müasir yəhudi dünyasının ən dinamik və nüfuzlu qüvvəsi hesab olunur.

"XABAD" sözü Kabbala təlimlərində intellektin üç gücünü ifadə edən ibrani sözlərin abbreviaturasıdır: xoxma - hikmət, bina - anlamaq, daat - bilik. Yəhudi dini fəlsəfəsi kimi "XABAD" təlimləri Tövrat müdrikliyinin ən yüksək səviyyələrini ortaya qoyur, insan şüurunu Yaradanı dərk etməyə, dünyanın yaradılış məqsədini dərk etməyə və hər bir məxluqun əhəmiyyətini və xüsusi missiyasını dərk etməyə yönəldir. "XABAD" insana hər bir hərəkətini və hisslərini hikmət, fərasət və biliklə tənzimləməyi öyrədir.

"Lubaviç" adı bir əsrdən çox hərəkatın mərkəzi olan Belarusiyanın Lyubaviçi (indiki Smolensk vilayəti) kəndinin adından gəlir. Rus dilində "məhəbbət" sözü ilə uzlaşan bu ad "XABAD" təlimlərinə xas olan qarşılıqlı məsuliyyət və insanlara sevgi ideyasını mükəmməl şəkildə əks etdirir.

P.S. Bəzi məlumatlara görə, SSRİ-nin dağılmasından sonra Rusiyada fəallaşan "XABAD" yəhudi təşkilatı V.Putinin hakimiyyətə gəlməsində və bu günədək öz postunda qalmasında mühüm rol oynayıb...

Maraqlıdır ki, 2022-ci ilin oktyabrında Putin o vaxt Rusiya Təhıükəsizlik Şurasının katibi olan Nikolay Patruşevin köməkçisi general Aleksey Pavlovu "XABAD"ın Rusiyada sekta kimi fəaliyyətinə həsr etdiyi məqaləsinə görə işdən çıxarmışdı...

Bu günlərdə BƏƏ-də qətlə yetirildiyi bildirilən yəhudi ravvin də "XABAD"-ın üzvü olub...

S.Laçın