Ukrayna ordusu bu strateji şəhəri Rusiya işğalçılarından təmizlədi -"DeepState"

Bizi sosial şəbəkələrdən izləyin:

Bununla belə, düşmən başqa istiqamətlərdə irəliləyir...

Ukrayna hərbçiləri Xarkov vilayətinin Kupyansk şəhərinin Rusiya işğalçılarından təmizlənməsini başa çatdırıb.

Moderator.az "TSN"-ə istinadla xəbər verir ki, bu barədə "DeepState"("Dərin dövlət") layihəsinin analitiklərinin məlumatında deyilir.

"Ukrayna Müdafiə Qüvvələri Kupyanskın təmizlənməsini başa çatdırıb", - mesajda bildirilir.

Bununla belə, "DeepState" ekspertlərinin məlumatına görə, rus işğalçıları Xarkov vilayətində Novomlinsk yaxınlığında, Donetsk vilayətində Dalnıy, Konstantinopolski, Razdolnı, Petrovka və Kuraxovoda irəliləyirlər.

Xatırladılır ki, bundan əvvəl Ukrayna Silahlı Qüvvələrinin Kursk vilayətində 50 min rusiyalının kütləvi hücumuna hazırlaşdığı bildirilirdi.

Bundan əlavə, əvvəllər məlumat verilmişdi ki, günün əvvəlindən düşmən 116 dəfə Ukrayna Silahlı Qüvvələrinin müdafiəsini yarmağa cəhd edib.

Moderator.az xatırladır ki, "DeepState” layihəsi noyabrın 13-də axşam saatlarında zirehli texnikada olan rusiyalı hərbçilərin Xarkov vilayətinin Kupyansk şəhərinin kənarına daxil olduğunu açıqlamışdı. Nəticədə ruslar şəhərin bir neçə kvartalını ələ keçirmişdilər.

Qeyd edək ki, strateji baxımdan çox əhəmiyyətli olan Kupyansk Xarkova gedən yollara nəzarət edir. Kupyanskdan Xarkova hava xətti ilə cəmi 105, avtomobil yoluyla isə 121 km-dir. Bu məntəqəyə nəzarət Xarkov cəbhəsi üçün təhlükə yaratmağa imkan verir. Kupyansk Rusiya qoşunlarının Ukraynaya genişmiqyaslı müdaxiləsinin ilk günlərindən RF ordusunun işğalı altında olub. Ukrayna Silahlı Qüvvələri 2022-ci ilin payızında Xarkov vilayətində keçirdiyi hücum zamanı Kupyanskı azad edib...

S.Laçın