"Şimali Koreyanın Ukrayna savaşına cəlb edilməsi dünya üçün təhlükədir" - ISW

Bizi sosial şəbəkələrdən izləyin:

"Pxenyan ümid edir ki, onun əsgərləri müasir savaşda gələcək münaqişələr üçün döyüş təcrübəsi əldə edəcək..."

Rusiyanın Ukraynaya qarşı müharibəsinə Şimali Koreyanın cəlb edilməsinin nəticələri cəbhənin hüdudlarından çox kənara çıxacaq və Koreya yarımadası və Asiya-Sakit okean regionunda sabitliyə uzunmüddətli təsir göstərəcək.

Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) analitikləri bəyan edib.

Analitiklərin fikrincə, rusiyalılar KXDR hərbçilərini döyüş meydanında öz hücumlarına dəstək üçün cəlb edəcək, habelə onların köməyilə Rusiya Silahlı Qüvvələrinin formalaşdırılmasında daxili potensialının tələblərini kompensasiya etməyə cəhd göstərəcək.

Analitiklərin fikrincə, Şimali Koreya rəhbərliyi ümid edir ki, onun əsgərləri müasir müharibə şəraitində döyüş təcrübəsi əldə edəcək və bundan gələcək münaqişələrdə istifadə edəcək.

"Şimali Koreya ilə Rusiya arasında yaxınlaşma Koreya yarımadası və daha geniş Asiya-Sakit okean regionunda uzunmüddətli sabitliyə təhlükə ehtimalı yaradır", - ISW izah edib.

Əlavə edilir ki, KXDR müharibəyə qoşulduğunun bütün sübutlarını qəti şəkildə inkar etsə də, Moskva dəfələrlə iki ölkə arasında əməkdaşlığın, guya, qanuni olduğunu vurğulayıb, ehtimal ki, bunu "Cənubi Koreya ilə münasibətləri nizama salmaq və Seulun Ukraynaya birbaşa yardım göndərməsinə mane olmaq üçün edib".

"Şimali Koreyanın bunu daha dəqiq inkar etməsi Pxenyana qarşı əlavə və ya daha güclü beynəlxalq sanksiyalardan yan keçmək istəyinin əks etdirilməsi ola bilər", - ekspertlər güman edib.

Ukrayna müharibəsinə Şimali Koreyanın cəlb edilməsi

ABŞ-ın dəyərləndirməsinə görə, Rusiyada təxminən 10 min Şimali Koreya əsgəri var, onlardan təxminən 8 mini Kursk vilayətindədir.

Ukraynanın BMT Təhlükəsizlik Şurasında daimi nümayəndəsi bəyan edib ki, Rusiyaya göndərilən 500 Şimali Koreya zabitlərinin ümumi sayının tərkibində Koreya Xalq Ordusunun üç generalı da var.

Prezident Vladimir Zelenski məlumat verib ki, Şimali Koreya əsgərlərinin Ukrayna Müdafiə Qüvvələri ilə döyüş toqquşması bir neçə günün məsələsidir. Eyni zamanda o, hamının Şimali Koreya hərbçilərinin ukraynalılara zərbələr endirəcəyini gözləməsinə etirazını bildirib.

"The Washington Post" nəşri qeyd edib ki, Ukrayna və Qərb Şimali Koreya əsgərlərinin keyfiyyətini əbəs yerə azaldır.