"Netanyahu hərbi cinayətkar və sionizmin övladıdır" -"Compact"

“Aygün Kazımova mənə gizlin və aşkarda o qədər jestlər edib ki...”-FOTOSESSİYA

“Gürcü xalqı ağlını başına yığmış xalqdır, ermənilər kimi ağlını itirmiş satqın xalq deyil...”

Xocalıya getmək istəyənlərin NƏZƏRİNƏ

"Ölümsüzlük bitkisi": Əzvay təbii sağlamlıq eliksiridir...

"Netanyahu hərbi cinayətkar və sionizmin övladıdır" -"Compact"

"Ukrayna Avropada Şimali Koreyaya qarşı vuruşmalı olacaq" - Zelenski

Ermənistanın Bərdənin Qarayusifli kəndində törətdiyi terror aktından 4 il ötür

İsrail aviasiyası bu gecə İranda nələri hədəfə alıb? - "The New York Times"

"Netanyahu hərbi cinayətkar və sionizmin övladıdır" -"Compact"

Ekskluziv

Oxunub: 991

27 Oct 2024 | 21:42

"İsrail silahı yerə qoysa, İsrail mövcud olmayacaq, ərəblər silahı yerə qoysa, müharibə olmayacaq..."

"İranla müharibə Netanyahunun ikinci baş nazirlik müddətinin başlıca məqsədidir..."

İsrail baş naziri Binyamin Netanyahu həddən artıq ekstremist baxışlar sərgiləyir. O, Qəzzada uzanan münaqişənin dinc nizamlanmasına yönələn istənilən cəhdləri əngəlləyir.

Moderator.az xəbər verir ki, bu bardə Almaniyanın "Compact" nəşri yazıb.

Bu, unudulmaz səhnə olub. 2011-ci ilin mayında İsrail baş naziri Binyamin Netanyahu Ağ Evdə olub. Kameralar iş başındadır, heç bir öhdəlik yaratmayan diplomatik nəzakət üçün əla fürsətdir.

Lakin Qüdsdən olan qonaq özünün əsas müəllimini vicdansızcasına təqlid edir. "Prezident Barak Obama Oval kabinetdə laqeyd əyləşdiyi zaman İsrail baş naziri Binyamin Netanyahu ona yəhudi tarixi, ərəblərin məkrliliyi və İsrailə ekzistensial təhlükə haqqında uzun-uzadı və bəzən himayədar mühazirə oxuyur", - bunu "Bloomberg"in publisisti Ceffri Qoldberq yazıb və Netanyahunun özünə nəzarəti itirdiyinu təsvir edib.

2009-cu il martın 31-də 63 yaşlı Netanyahu yenidən hökumətə başçılıq edib. O, artıq 1996-cı ilin mayından 1999-ci ilin mayınadək yüksək hökumət postunu tutub, 2002-2003-cü illərdə xarici işlər naziri, daha sonra 2005-ci ilədək maliyyə naziri olub, o zaman baş nazir Ariyel Şaronun qərar verdiyi Qəzza bölgəsinin təxliyəsinə qarşı etiraz əlaməti olaraq istefa verib. Bu, İsrail siyasətində o qədər də qeyri-adi karyera deyil.

Həm dostları, həm də düşmənlərinin adlandırdığı kimi, Bibi artıq çoxdandır ki, öz ölkəsinin gerçək həyatından getdikcə daha da ayrı düşür. Onun sosial siyasəti sürətlə artan icarə haqqı, səhiyyə və sosial təminat sistemində sərt qənaət son onilliklər ərzində 2011-ci ildə 450 min nəfərin iştirak etdiyi etirazlara səbəb olub. Netanyahunu bu, narahat etmir.

Sionizmin övladı

Netanyahu nəsillər dəyişəndə dünyaya göz açıb. O, dövlətin əsası qoyulandan sonra ilk baş nazir olub. Netanyahunun 1990-cı illərdə sələfi Şimon Peres Polşada doğulub və 1947-ci ildə Fələstinə mühacirət edəndən sonra "Xaqan" yəhudi dəstəsində döyüşüb.

Bəllidir ki, 1980-ci və 1990-cı illərdə dəfələrlə baş nazir olan İshaq Şamir almanlar tərəfindən işğal edilən Polşada özünü deportasiya qatarından atıb. Fələstində o, Böyük Britaniyaya qarşı mübarizədə nasional-sosialistlərlə əməkdaşlıq imkanlarını öyrənən "Ştern bandası"nın üzvü olub. Bu adamlar fanatik sionist olub, lakin eyni zamanda anlayıb ki, yəhudi dövləti yalnız bir neçə tarixi imkanlardan biridir.

Binyaminin atası Bension Netanyahu ərəblərlə istənilən güzəştləri rədd edən və qatı sionist olan Vladimir Zeev Jabotinskinin katibi olub. Netanyahunun atası BMT-nin 1948-ci ildə yəhudi dövlətinin yaradılmasına gətirib çıxaran ərazilərin bölünməsi planına qarşı qətiyyətlə çıxış edib.

O və Jabotinski vəd edilən torpaq-Aralıq dənizindən İordan çayınadək ərəblərsiz Böyük İsrail dövlətinə can atıb. Ailəsi İsrailə döndükdən sonra hətta "Likud" partiyasının təsisçisi Menahem Begin Bensionla birgə işləməkdən imtina edib. Çünki o, həddən artıq ekstremist baxışlara malik olub.

Binyamin Netanyahu atasının baxışlarına sadiqdir. O, dövlətin əsasının qoyulması barədə mifi şübhə altına almır. "İakov və onun on iki oğlu həmin İudeya və Samariya təpələrində dörd min il bundan öncə gəzib dolaşıb, o zamandan bu torpaqda daima yəhudi əhalisi olub", - bunu o, 2011-ci ilin sentyabrında BMT Baş Assambleyasında bəyan edib.

Netanyahu hələ gənclik illərində anlayıb ki, müharibədən siyasi arqument kimi istifadə etmək olar. O, "Sayeret Matkal" xüsusi bölməsində kapitan rütbəsinə çatıb. "Sülh zəiflik və ya birtərəfli geriyə çəkilməklə deyil, güclə alınır", - onilliklər sonra o, bunu bəyan edib.

Onun qardaşı Yonatan 4 iyul 1976-cı ildə Uqandanın Entebbe şəhərində "Air France" şirkətinə məxsus təyyarənin israilli girov sərnişinlərinin azad edilməsi əməliyyatına rəhbərlik edərkən həlak olub. O, elə həmin elit bölməyə komandanlıq edib. Qardaşının ölümü İsrailin indiki baş nazirində silinməz izlər buraxıb.

1988-ci ildən sağçı "Likud" partiyasından deputat, sonra xarici işlər nazirinin müavini olan Netanyahu özünü məskunlaşan insanların-qismən dini, qismən də siyasi motivlərlə qanunsuz işğal edilmiş ərazilərdə yəhudi məskənlərini inşa edənlərin adamı kimi göstərib, onlar bu gün də kütləvi şəkildə istənilən sülh prosesinin əleyhinə çıxır.

1990-cı illərin televiziya kadrlarında Netanyahu məskunlaşanların çiyinlərində dayanıb, kütlə isə sanki öz qəhrəmanı kimi "Bibi, Bibi, Netanyahu" şüarları səsləndirir.

1999-cu ilin mayında Netanyahu baş nazirin birbaşa seçkilərində 50, 5 faiz səslə qalib gəlib. Beləliklə, qətlə yetirilən baş nazir İshaq Rabin və Fələstin Azadlıq Hərəkatının lideri Yasir Ərəfatın 1994-cü ildə başladığı sülh prosesi praktiki olaraq sona çatır.

Netanyahu hələ İordan çayının Qərb sahilinin ərazisinin 27 faizinin Fələstin Administrasiyasına verilməsini nəzərdə tutan gerçəkləşməyən Uay-River memorandumuna da həvəssiz razılıq verib. Eyni zamanda o, məskənlərin salınmasının dondurulması barədə qərarı ləğv edib. 2001-ci ildə İordan çayının Qərb sahilində Ofra məntəqəsinə ziyarəti zamanı Netanyahu Osloda süln prosesini dayandırdığı ilə öyünüb.

"Bu iyrənc varlıq saziş bağlanılmasını istəmir", - bunu publisist Erix Follatın sözlərinə görə, ABŞ-ın sabiq prezidenti Bill Klinton deyib. Netanyahunun dünyagörüşündə yalnız ağ və qara var. "Əgər İsrail silahı yerə qoysa, İsrail daha mövcud olmayacaq. Əgər ərəblər silahı yerə qoysa, müharibə olmayacaq", - o, 2006-cı ildə parlamentdə bəyan edib və fələstinlilərdən itaətkarcasına tabe olmağa çağırış edib.

Bir sıra qalmaqallardan, o cümlədən korrupsiya ittihamlarından sonra 1999-cu ildə Netanyahu seçkilərdə 43, 9 faiz səs toplayaraq öz postunu sosial-demokrat Exud Baraka təhvil verib. On ildən sonra Netanyahu siyasətə dönüb.

2009-cu ilin martında o, irqçi Aviqdor Libermanın rəhbərlik etdiyi "İsrail bizim evimizdir" partiyası, ortodoksal ŞAS partiyası və nazir portfelini itirməkdən ehtiyat edən sosial-demokrat Exud Barakından ibarət koalisiya yaradıb.

İranla müharibə

Netanyahunun ikinci baş nazirlik müddətinin başlıca vəzifəsi İranla müharibədir, çünki İranın nüvə proqramını o, dünyanın sonunu gətirə biləcək təhlükə kimi qələmə verir.

Lakin müharibədən yorulan ABŞ danışıqlara köklənib və İsraili çəkindirir, bu da Netanyahu üçün ölümcül günahdır. BMT Təhlükəsizlik Şurasının beş daimi üzvü, Almaniya və İran nüvə problemi ilə bağlı sazış əldə edəndən sonra Netanyahu ABŞ Dövlət katibi Con Kerrinin Təl-Əviv hava limanında 2013-cü ilin noyabrında əllərini sıxmaqdan imtina edib.

İki siyasətçi arasında söz atışmasından sonra hər ikisinin tələbi ilə planlaşdırılan mətbuat konfransı ləğv edilib. Qalmaqallar davakarlığı bir az da artırır.

2012-ci ildə ev qulluqçusu baş nazirin həyat yoldaşı Sara Netanyahunu məhkəməyə verir. Guya o, əmək haqqı və məzuniyyət pullarını verməyib, "açıq şəkildə onu təqib edib, müntəzəm olaraq və amansızcasına onu alçaldıb".

Dəfələrlə güman edilib ki, 1990-cı illərdə qəzəbi və həyasızlığı qeybət predmetinə çevrilən Sara Netanyahunun İsrail siyasətinə böyük təsiri var.

22 yanvar 2013-cü il seçkiləri Netanyahu üçün uğursuz olub. Onun "Likud" partiyasına dəstək 10 faiz azalaraq cəmi 23 faiz təşkil edib. Lakin siyasətçi yenidən koalisiya yaradıb. Bir ildən bir qədər çox müddətdən sonra o, koalisiyanı Qəzzada müharibəyə dəstək verməyə inandırıb.