İsrailin Livanın cənubuna zərbəsi nəticəsində 3 nəfər jurnalist həlak olub

Xocalıya getmək istəyənlərin NƏZƏRİNƏ

"Ölümsüzlük bitkisi": Əzvay təbii sağlamlıq eliksiridir...

"Netanyahu hərbi cinayətkar və sionizmin övladıdır" -"Compact"

"Ukrayna Avropada Şimali Koreyaya qarşı vuruşmalı olacaq" - Zelenski

Ermənistanın Bərdənin Qarayusifli kəndində törətdiyi terror aktından 4 il ötür

İsrail aviasiyası bu gecə İranda nələri hədəfə alıb? - "The New York Times"

"Qatillər öz vərdişindən əl çəkmir" - Zelenski Rusiyanın Ukraynaya növbəti zərbəsini şərh edib

Tanınmış aparıcı ailə həyatı qurdu: “Çox xoşbəxtəm, çünki...” - FOTO/VİDEO - ÖZƏL

İsrailin Livanın cənubuna zərbəsi nəticəsində 3 nəfər jurnalist həlak olub

Ekskluziv

Oxunub: 1637

25 Oct 2024 | 16:52

İsrailin Livanın cənubuna zərbəsi nəticəsində 3 nəfər jurnalist həlak olub

"İsrailin Livanda hərbi əməliyyatları nəticəsində 2500 nəfərdən çox adam həlak olub, 1, 2 milyon insan evlərini tərk edib..."

"İsrailin Qəzzada müharibəsi nəticəsində 128 jurnalist həlak olub..."

Livanın cənubunda Hasbaya şəhərinin qonaq evində olan ən azı üç nəfər cümə gününə keçən gecə İsrailin aviasiya zərbəsi nəticəsində həlak olub. Daha bir neçə nəfər yaralanıb.

Moderator.az xəbər verir ki, bu barədə Livan Səhiyyə Nazirliyi və yerli KİV-lər məlumat verib. Məlumatı "golosameriki.com" nəşri yayıb.

Həlak olanlar "Əl-Mayadin" İranyönümlü xəbərlər nəşrinin operatoru Həsən Nəcər və mühəndisi Məhəmməd Rəda, habelə "Hizbullah"a məxsus "Əl-Mənər" telekanalının operatoru Vissəm Qasımdır.

"Reuters" agentliyinin məlumatına görə, bu cümə İsrail hərbçiləri ilə Livanın "Hizbullah" hərəkatı arasında ilboyu davam edən döyüş əməliyyatları ərzində KİV əməkdaşları arasında ən böyük itki verilən gün olub.

İsrail baş verənləri hələlik şərh etməyib, lakin o, adətən, jurnalistlərə hücumların qəsdən edildiyini inkar edir.

İsrailin Livana bundan öncə münaqişə zamanı zərbələri nəticəsində ən azı beş jurnalist həlak olub.

Hasbayada həm müsəlmanlar, həm də xristianlar yaşayır. Son həftələr onun ətrafında hücumlar törədilib, lakin cümə günü şəhərin özünə ilk zərbə endirilib.

"Bu, hərbi cinayətdir", - bunu Livanın informasiya naziri Ziyad Makari bəyan edib. Altı KİV-dən ən azı 18 jurnalist, o cümlədən "Sky News", "Əl-Cəzirə" və Livanın yayım şirkətlərinin jurnalistləri qonaq evlərində yerləşib.

Bir gün əvvəl İsrail Beyrut ətrafında "Əl-Məyadin"in istifadə etdiyi ofisə zərbə endirib. Livan Səhiyyə Nazirliyi məlumat verib ki, bir nəfər həlak olub, daha beş nəfər, o cümlədən bir körpə yaralanıb.

Beyrut hakimiyyəti iddia edir ki, İsrailin hərbi kampaniyası nəticəsində 2500 nəfərdən artıq adam həlak olub, 1, 2 milyondan artıq adam öz evlərini tərk edib, bu da humanitar böhrana səbəv olub.

Livan ordusunun məlumatına görə, cümə axşamı İsrailin zərbəsi nəticəsində Livanın Yater sərhəd kəndindən yaralıları təxliyə edən üç əsgər həlak olub.

ABŞ bəyan edib ki, İsrail dinc əhali arasında qurbanlardan yan keçmək üçün tədbirlər görməli, BMT sülhməramlıları və Livan ordusu hərbi qulluqçularını Qəzza və Livanda öz hücumları zamanı təhlükəyə məruz qoymamalıdır.

Xəstəxana və məktəbləri atəşə tutmaqda ittiham edilən İsrail bəyan edir ki, onun hədəfi HƏMAS və "Hizbullah" yaraqlılarıdır və onları dinc insanlardan qalxan kimi istifadə etməkdə ittiham edir.

Jurnalistlərin Müdafiə Komitəsi bəyan edib ki, Qəzzada müharibə başlanandan ən azı 128 KİV əməkdaşı qətlə yetirilib, bu da 1992-ci ildən bəri jurnalistlər üçün ən ölümcül dövr olub. Bunlardan ikisi israilli, üçü livanlı, qalanları isə fələstinlilərdir.