Moderator.az xəbər verir ki, bu barədə "The Economist" nəşri yazıb.

 

"Xaricdə yorğunluq yetişməkdədir. Almaniya və Fransada ifrat sağçılar iddia edir ki, Ukraynaya dəstək verilməsi havayı pul xərcləməkdir. Donald Trampın ABŞ prezident olacağı tamamilə mümkündür. O, hər şeyə qadirdir, lakin onun sözləri Ukraynanı Putinə satmaq istədiyindən xəbər verir.

 

Trampın qalib gəlib-gəlməyəcəyindən asılı olmayaraq, Amerika və Avropanın dəstəyinə və ukraynalıları birləşdirəcəyinə yeganə ümid yeni yanaşmadır. Bu da liderlərin qələbənin nə demək olduğunu səmimi şəkildə bəyan etməsindən başlayır", - məqalədə deyilir.

 

Qeyd edilir ki, Putin Ukraynaya onun ərazilərinə görə deyil, çiçəklənən, Qərbə yönələn demokratiya olmasına mane olmaq üçün hücum edib. Məqalə müəllifləri diqqəti ona yönəldib ki, "bu savaşda ən vacib əlamət" elə Ukraynanın demokratik dəyərlərə can atmasıdır.

 

Nəşr hesab edir ki, hazırda Ukraynada "nə adam, nə də silah var", "Rusiyanı Krım da daxil olmaqla bütün ərazidən qovmaq üçün"' Zelenski "bu acı həqiqəti qəbul etməlidir".

 

Bundan sonra, jurnalın yazdığına görə, Qərb liderləri onun müharibədə əsas məqsədinə nail olması üçün Ukraynanın ehtiyacı olguğu hərbi potensialı və təhlükəsizlik zəmanətlərini təmin etməlidir".

 

Qeyd edilir ki, döyüş əməliyyatlarının dayandırılması və bu təhlükəsizlik zəmanətlərini təmin etməyin yeganə üsulu Rusiyanı bundan sonra da döyüş meydanında irəliləməsi üçün istənilən perspektivdən məhrum etmək, bununla da iri hücumların əbəs olduğunu nümayiş etdirməkdir.

 

"Bu, Zelenskinin xahiş etdiyi çoxlu silah tədarükü tələb edəcək. Ukraynaya Rusiyanın dərinliklərindəki hərbi obyektlərə zərbələr üçün uzaqmənzilli raketlər və öz infrastrukturunu müdafiə etmək üçün HHM vasitələri lazımdır. Ən vacibi isə onun öz silahını istehsal etməsidir", - nəşr yazıb.

 

Ukraynanın müdafiəsinin etibarlı etməyin ikinci üsulu elə indi onu NATO-ya üzv qəbul etməkdir. ABŞ prezidenti belə mövqe sərgiləməlidir.

 

"NATO üzvlüyünə daha möhkəm vəd verilməsi Zelenskiyə qələbəni yenidən müəyyən etməyə kömək edər, gerçək hərbi məqsəd Rusiyanı çəkindirər, NATO Ukraynanın yenilənmiş hərbi sənayesindən uduş əldə edər.

 

Yeni qələbə planının işlənib hazırlanması Zelenski və Qərb liderlərindən çox şeylər tələb edəcək. Lakin əgər onlar buna etiraz etsələr, bu, Ukraynanın məğlubiyyətinə gətirib çıxaracaq. Bu isə daha da pis olacaq", - nəşr yazıb.