Türkiyənin Vaşinqton Universitetinin Yaxın Şərq Araşdırmalar İnstitutunun direktoru Gönül Tol “Akkuyu” Atom Elektrik Stansiyasının fəaliyyətindən və Rusiyanın bu obyektin qurulmasındakı niyyətlərindən danışıb.

 

Moderator.az  medyascope.tv kanalına istinadla xəbər verir ki, analitik  bu haqda “Financial Times” nəşrindəki məqaləsində bəhs edib.

 

O qeyd edib ki, Rusiya Türkiyənin cənub-qərbində yerləşən Mersin bölgəsində yerləşən AES-in fəaliyyətindən Türkiyəni ondan asılı saxlamaq üçün istifadə edir.

 

Bundan əlavə, G.Tol diqqətə çatdırıb ki, Şimali Atlantika Alyansı (NATO)  üçün “Akkuyu” AES Türkiyənin Rusiyadan “S-400” hava hücumundan müdafiə sistemləri almasından daha böyük problemdir.

 

Tol problemin mahiyyətini də vurğulayıb: “Hərbi analitiklər narahatdırlar ki, Moskva bu radarları idarə etmək və nüvə stansiyasının təhlükəsizliyini təmin etmək üçün Türkiyəyə qoşun gətirə və hərbi mövcudluğu təmin edə bilər”.

 

“Akkuyu AES həmçinin Amerikanın nüvə silahlarına ev sahibliyi edən İncirlik Hava Bazasına və NATO tərəfindən ballistik raket hücumlarına qarşı erkən xəbərdarlıq radarı kimi istifadə edilmək üçün qurulan Kürəcik Radar Bazasına çox yaxındır. “Yap-Sahib ol-İşlət” müqaviləsi Rusiya personalını NATO-nun bu mühüm obyektlərinin yaxınlığında yerləşdirməyə imkan verir. Türkiyə “Akkuyu” AES-i qorumaq üçün daha bir radar inşa edə bilər. Hərbi analitiklər və müdafiə rəsmiləri “Akkuyu” AES Rusiyaya məxsus olduğu üçün Moskvanın bu radarı işlədəcəyindən və təhlükəsizliyi təmin etmək üçün əsgərlər gətirəcəyindən narahatdırlar. Ana müxalifət Cümhuriyyət Xalq Partiyasının (CHP) Müdafiə Nazirliyindən sorumlu sədr müavini, təqaüdçü kontr-admiral Yankı Bağcıoğlu mənə Ərdoğanın buna icazə verməməli olduğunu söylədi”, - deyə analitik vurğulayıb. 

 

Qeyd edək ki, “Akkuyu” AES-in əsas payı da Mokvaya məxsusdur...

 

S.Laçın