Ukrayna Silahlı Qüvvələrinin nəzarətində olan Kursk vilayətinin Sudja şəhərində yerli sakinlər nəzarətsiz mağaza və aptekləri aktiv şəkildə qarət edirlər. 

 

Moderator.az "UNİAN"-a istinadla xəbər verir ki, müvafiq kadrlar telegram-kanallarında yayımlanır.

 

Videodan göründüyü kimi, talanları Rusiya hakimiyyətinin taleyin ümidinə buraxdığı yaşlı qadınlar həyata keçirir. Özlərinə qidalanmaq üçün mağazalardan yemək götürür və birbaşa alış-veriş arabalarında evlərinə aparırlar.

 

"Yemək və içmək üçün mağazaları qarət etdik. Bəs nə edək? Bir az içməli su və konserv götürdük", - deyə bir Ukrayna əsgərinin şəhərin ortasında saxladığı əlində çantalar olan qadın bildirir.

 

Ukrayna hərbçilərinin bu prosesə müdaxilə etmədiyi də aydın görünür.

 

“Yaxşı, bunların hamısı sizinkidir. Bunlar ki, bizim deyil”, – deyə hərbçi talançılığını etiraf edən qadına deyir.

 

 

"UNİAN"-ın yazdığı kimi, Ukrayna Sudja və Kursk vilayətinin hazırda Ukrayna ordusunun nəzarətində olan digər yaşayış məntəqələrinə humanitar yardım çatdırmağa başlayıb. Bu fakta Sudjaya səfər edən "1+1" kanalının çəkiliş qrupu da şahid olub.

 

Onu da bildirmişdik ki, Ukrayna indi Rusiyanın hakimiyyətinin olmadığı ərazilərdə ictimai asayişi təmin etmək üçün Kursk vilayətində hərbi komendantlıqların yaradılması imkanını nəzərdən keçirir.

 

S.Laçın