"ABŞ İsrailə silah və hərbi texnika alışı üçün 3, 5 milyard dollar köçürəcək" - CNN

Bizi sosial şəbəkələrdən izləyin:

"Bu vəsaitılərin perspektiv tədarük sifarişlərinə yönəldiləcəyi nəzərdə tutulur..."

"İran Qəzzada müharibənin başa çatdırılması üzrə təmaslara mane olmamaq üçün İsrailə "qisas zərbəsini" təxirə salmağa hazıdır..."

ABŞ İranın İsrailə hücum təhlükəsi fonunda silah və hərbi texnika alışı üçün 3, 5 milyard dollar köçürəcək.

Moderator.az xəbər verir ki, bu barədə CNN telekanalı ABŞ Dövlət Departamentinin bəyanatına istinadən məlumat verib.

Məlumatda deyilir ki, söhbət əvvəllər ABŞ Konqresi tərəfindən bir sıra dövlətlərə, o cümlədən Ukrayna və İsrailə birbaşa hərbi yardım üçün ayrılan vəsaitlərdən gedir.

Aprelin 24-də prezident Co Bayden tərəfindən imzalanan qanun ümumi məbləği 95 milyard dollar olan yardımı, o cümlədən 14 milyard dollar məbləğində İsrailə yardımı nəzərdə tutur.

Ayrılan vəsaitlərdən İsrail müasir silah sistemləri və digər avadanlığın yalnız ABŞ-dan satın alınması üçün istifadə edə bilər. Qeyd edilir ki, İsrail bu vəsaitləri dərhal əldə etməyəcək.

Bu vəsaitlərin yaxın 3-5 və daha çox illər üçün perspektiv tədarük sifarişlərinə yönəldiləcəyi nəzərdə tutulur. Pentaqonun öz ehtiyatlarından İsrailə birbaşa göndərə biləcəyi silah onsuz da qısa müddətdə çatdırılır.

Hərbi yardım barədə məlumatlar Amerika administrasiyasının Qəzza bölgəsində regional nizamlanma və atəşkəs üzrə diplomatik səyləri fonunda yayılıb.

İranın BMT-dəki nümayəndəsi artıq anladıb ki, Qəzzada müharibənin başa çatdırılması üzrə təmaslara mane olmamaq üçün İsrailə "qisas zərbəsini" təxirə salmağa hazırdır.

Bu ərəfədə isə ABŞ, Misir və Qətər liderləri birgə və fövqəladə bəyanatla çıxış edərək mübadilə sövdələşməsi və Qəzzada döyüş əməliyyatlarının dayandırılmasına çağırış edib.

Bununla əlaqədar olaraq avqustun 15-də Qətər və ya Misirdə yüksək səviyyədə görüş keçirilməsi təklif edilib.

Öz növbəsində ABŞ prezidentliyinə namizəd Kamala Harris seçkiöncəki mitinqdə bəyan edib ki, prezident Baydenlə birlikdə bütün sutkanı işləyərək bu sövdələşməni yaxınlaşdırır.