Köhnə dilənçidən yeni şüar: “Kiçik ianələr böyük fərq yaradır!”

ABŞ-dakı erməni diasporu Ermənistana yardım məqsədilə yeni ianə kampaniyası elan edib.

Moderator.az xəbər edir ki, uzun illərdir ki, Amerika ictimaiyyətini “məzlum Ermənistan” həqiqətinə inandıraraq onların duyğularını istismar edən erməni diasporu son illər ianələrin kəskin şəkildə azalmasından narahatdır. Getdikcə azalan ianələr buradakı erməni diasporunu köhnə adətini yeni şüarla davam etdirmək məcburiyyəti qarşısında qoyub. İnsanları az da olsa ianə verməyə həvəsləndimək məqsədilə ABŞ erməniləri yeni şüar irəli sürüb. “Kiçik ianələr böyük fərq yaradır” cümləsindən ibarət bu şüarın irəli sürülməsində məqsəd ABŞ insanını az da ola ianə ödəməyə təşviq etməkdir.

Əslində, ABŞ-dakı erməni diasporunun bu şüarı adıçəkilən ölkədə “erməni həqiqətlərinə” olan inamsızlıqla yanaşı, həm də Ermənistanın qəpik-quruş ümidinə qaldığını göstərir.

Qeyd edək ki, yeni çağırış əsasən ABŞ-dakı “erməni ziyalıları” tərəfindən təbliğ və təşviq olunmaqdadır.

Seymur ƏLİYEV