Moderator.az xəbər verir ki, bu barədə "The Wall Street Journal" nəşri yazıb.

 

İran hakimiyyəti ərəb diplomatlarına deyib ki, İsrailə cavabın müharibəyə təhrik edəcəyi onların vecinə də deyil, nəşr yazıb.

 

Vaşinqton Avropa və digər tərəfdaş ölkələrin hökumətlərinə Tehrana eskalasiyadan imtina etmək siqnalını çatdırmağı xahiş edib.

 

Onlar xəbərdar edib ki, ciddi hücum cavab reaksiyası doğuracaq, hərçənd, təmkinlik göstərilməsi yeni prezidentə Qərblə münasibətlərin yaxşılaşmasına daha çox şans verəcək. Müraciətdə həmçinin deyilir ki, Ağ Ev bu məsələdə İsrailə də təzyiq edir.

 

Dünən İordaniya XİN rəhbəri Ayman Safadi Tehranı ziyarət edib. O, məlumat verib ki, ölkəsi bu dəfə də İordaniyanın hava məkanından İsrailə uçacaq hava hədəflərini vuracaq.

 

Britaniyanın "The Guardian" qəzeti bu səfəri İran hakimiyyətini Haniyənin qətlinə cavab olaraq İsrailə hücumdan yan keçməyə inandırmaq üçün "son cəhd" adlandırıb. 

 

Qeyd edilir ki, bu, İordaniya XİN rəhbərinin son 20 ildə İrana ilk səfəridir və bu, "tərəflər arasında məsələnin diplomatik həllinin axtarılması məqsədilə telefon danışıqlarının uğursuz olduğunu əks etdirir".

 

"Lakin görünən odur ki, bu səfər iflasa uğrayacaq, çünki İran son bəyanatlarında güzəştlərə yer olmadığını və İsrailə qətiyyətli cavab veriləcəyini vurğulayıb", - qəzet yazıb.

 

Jurnalistlər xatırladıb ki, aprel ayında İranın İsrailə hücumu zamanı İordaniya öz hava məkanından uçan bəzi raketləri vurub. 

 

Sonradan Safadi izah edib ki, İordaniya HHM qüvvələri "Krallığın hava məkanından keçən istənilən hərbi hədəfləri vurub və vuracaq". Bundan başqa, İordaniya Fransa donanmasına öz radarlarını yerləşdirməyə icazə verib.

 

HƏMAS siyasi liderinin qətlindən sonra Krallıqda İsrail əleyhinə nümayişlər keçirilib və Binyamin Netanyahuya qarşı qəzəbli şüarlar səsləndirilib.

 

İordaniya XİN öz tərəfindən bu qətli "eskalasiya cinayəti və beynəlxalq hüququn kobud şəkildə pozulması" adlandırıb. 

 

Lakin İordaniya öz təhlükəsizliyi və İranın istənilən hücumunun nəticələrini minimuma endirmək üçün, böyük ehtimalla, Qərb alyansı ilə birləşmək baxımından ABŞ-dan çox asılıdır, britaniyalı jurnalistlər qeyd edib.

 

İranda HƏMAS Siyasi Bürosunun rəhbəri İsmayıl Haniyənin qətlinin təhqiqatı başlanılıb. İstintaq kimin "səhlənkarlıq etdiyini və ya İsrail ilə əməkdaşlıq etdiyini" aydınlaşdırmağa cəhd edir.

 

Nəşrin mənbələri məlumat verib ki, xüsusi xidmətlərin bəzi əməkdaşları artıq dindirilib. Tehran siyasətçiləri deyir ki, son hücum İranın təhlükəsizlik xidmətlərində kəşfiyyatın işində uğursuzluqları aşkar edib.

 

 

Xatırladaq ki, Tehran HƏMAS Siyasi Bürosunun rəhbəri İsmayıl Haniyənin qətlində İsraili ittiham edir. Onlar sərt cavab veriləcəyini anons edib, ona görə də İsrail mümkün hücuma hazırlaşır.

 

Bir sıra ölkələrin səfirlikləri öz vətəndaşlarına Livanı tərk etməyə və İsrailə səfərlərini təxirə salmağa çağırış edib. Ukrayna həmçinin Livandan 30 nəfər vətəndaşını təxliyə edib.

 

İsrailin müttəfiqi olan ABŞ artıq Yaxın Şərqə əlavə qırıcılar və hərbi gəmilər göndərib.