Moderator.az xəbər verir ki, bu barədə "Anadolu Ajansı" agentliyi məlumat yayıb.

 

İranın BMT-də daimi nümayəndəsi Əmir Səid İrəvani bəyan edib ki, İranın HƏMAS Siyasi Bürosu rəhbərinin qətlinə zəruri və məqsədyönlü hesab etdiyi zaman beynəlxalq hüquqa uyğun olaraq cavab vermək hüququna malikdir.

 

O, vurğulayıb ki, Haniyə suonist, işğalçı İsrail rejiminin terrorçu fəaliyyəti nəticəsində qətlə yetirilib.

 

Onun sözlərinə görə, bu hücum İsrailin regionda terrorçu və diversiya fəaliyyətinin davamıdır.

 

İrəvani bəyan edib ki, İsrail həmçinin siyasi məqsəd güdərək regionda sülh və sabitliyə üstünlük verən İranın yeni hökumətinin ilk iş gününə kölgə salmaq istəyib.

 

İrəvani İranın beynəlxalq hüququn və BMT Nizamnaməsinin prinsiplərinə sadiq olduğunu və İsrailin cinayətkar və terrorçu fəaliyyətinə qətiyyətli cavab verəcəyini təsdiq edib. Regionda sühə yalnız bu prinsiplərə riayət etməklə nail olmaq mümkündür.

 

İrəvani vurğulayıb ki, beynəlxalq birlik və BMT Təhlükəsizlik Şurası dəhşətli cinayətlər qarşısında susmamalıdır.

 

"10 ay ərzində BMT Təhlükəsizlik Şurasında təxminınən 10 olkə, xüsusilə ABŞ İsrailin Qəzza bölgəsində qətliamına və regionda cinayətkar fəaliyyətinə görə məsuliyyətə cəlb edilməsinin qarşısını alıb", - İran nümayəndəsi deyib.

 

Onun fikrincə, bu ölkələr nəinki Fələstinin özünümüdafiə hüququna mane olur, həm də İsrailin Fələstin xalqına qarşı qətliamı və soyqırımını qanuniləşdirməyə cəhd edir.

 

O, BMT Təhlükəsizlik Şurasından İsrailin bu təcavüz aktına görə məsuliyyətə cəlb edilməsini üçün təcili addımlar atılmasına çağırış edib.

 

İrəvani hesab edir ki, bu addımlar sanksiyalar və digər tədbirləri özündə ehtiva etməlidir və yalnız bu yolla beynəlxalq birlik İsrailin xaincəsinə hücumlarının qarşısını ala bilər.

 

 

Fələstinin BMT-dəki daimi nümayəndəsi Fəda Əbdül Hadi diqqəti ona cəlb edib ki, Fələstinin mülki əhalisi işğalçı dövlət tərəfindən hər gün böyük təhlükəyə, ağrılara və itkilərə məruz qalır.

 

Əbdül Hadi bəyan edib ki, İsrail terrorçuluğu və zorakılığı beynəlxalq hüquq, diplomatiya və insan həyatına hörmət edilməsindən üstün tutur. "İsrail üçün qırmızı xətt mövcud deyil. Onun pozmadığı qanun və ya qaydalar mövcud deyil", - o, bəyan edib.

 

Onun sözlərinə görə, İsrail liderləri öz cinayətlərinə görə cəzasız qalacağını hesab edir. "Onlar buna inanır, çünki heç vaxt bunun bədəlini ödəməyib", - o, əlavə edib.

 

O, bəyan edib ki, beynəlxalq birlik bu gerçəkliyi, nəhayət, görməli və İsrailin cinayətlərinı və hücumlarını dayandırmalıdır. "İsrail hər-hansı hüquq adı altında öz müharibəsini və insanlığa qarşı cinayətlərini qanuniləşdirə bilməz", - o, vurğulayıb.

 

 

Öz növbəsində Livanın BMT-dəki daimi nümayəndəsinin müvəqqəti işlər vəkili Hadı Həşim bəyan edib ki, Livan hökuməti və xalqı müharibə istəmir. "Livan əvvəlkitək BMT Təhlükəsizlik Şurasının 1701 TŞ qətnaməsinə sadiqdir", - o, deyib.

 

"Hazırkı vəziyyət ağrılıdır. Gələcək qaranlıqdır. Əgər Yaxın Şərqdə nəsə başlasa, bu, bütün dünyaya yayılacaq", - Həşim xəbərdarlıq edib.