Moderator.az xəbər verir ki, bu barədə Ukrayna prezidenti Vladimir Zelenski Fransanın "Le Monde" qəzetinə verdiyi müsahibəsində bəyan edib.

 

"Siz anlamalısınız ki, Ukraynanın ərazi bütövlüyü məsələsi bir prezident, bir adam, dünyanın bütün prezidentıəri tərəfindən həll edilə bilməz. Bunu, sadəcə, etmək olmaz. Bu, Ukrayna Konstitusiyasına ziddir", - o, ərazilərin sülh naminə təhvil verilməsi imkanının nəzərdən keçirib-keçirməməsi ilə bağlı suala cavabında deyib.

 

Zelenskinin sözlərinə görə, "Ukraynanın nəyinsə naminə- təhlükəsizlik zəmanətləri, bəlkə NATO, bəlkə Avropa İttifaqı müqabilində öz ərazilərini təhvil verməsi" barədə kifayət qədər açıq bəyanatlar səsləndirilib. Lakin Ukraynaya heç kim belə bir şey təklif etməyib.

 

"Ukrayna heç vaxt öz ərazilərini təhvil verməyəcək. Hakimiyyətin öz ərazilərindən imtina etmək hüququ yoxdur. Bunun baş verməsi üçün bunu Ukrayna xalqı istəməlidir", - o, deyib.

 

Zelenski qeyd edib ki, Ukrayna ərazilərinin təhvil verilməsi "ən yaxşı variant" deyil və faktiki olaraq Vladimir Putinin qələbəsi demək olacaq. 

 

Həmçinin Ukrayna prezidenti münaqişənin, sadəcə, dondurulması ideyasına heyran deyil, çünki Rusiya sonradan Ukrayna ərazilərini zəbt etməyə yenidən cəhd göstərə bilər.

 

Prezident əlavə edib ki, Ukraynanın bütün ərazilərini silah gücü ilə azad etməli olduğunu düşünmür, çünki bu, "çox zaman və insan itkiləri hesabına başa gələcək".

 

Ukrayna öz ərazilərini diplomatik yolla da işğaldan azad edə bilər, Zelenski hesab edir.

 

 

Xəbər verildiyi kimi, iyun ayında Rusiya diktatoru Vladimir Putin sülh danışıqlarına başlamaq üçün (sülh bağlamaq üçün deyil, məhz danışıqlara başlamaq üçün) şərtlərini açıqlayıb. 

 

Ukrayna öz qoşunlarını Donetsk, Luqansk, Zaporojye və Xerson vilayətlərindən çıxarmalıdır. Bundan başqa, Rusiya diktatoru digər "istəklərini" də səsləndirib.

 

O cümlədən o, Ukraynanın rəsmən Rusiya tərəfindən bütün işğal edilmiş ərazilərindən, o cümlədən Xerson və Zaporojye şəhərlərindən imtina etməlidir.

 

Putin həmçinin Ukraynanın "neytral statusu"nu və Rusiyaya qarşı Qərb tərəfindən tətbiq edilən bütün sanksiyaların ləğv edilməsini tələb edir.