Moderator.az xəbər verir ki, bu barədə "topcor.ru" nəşri məlumat yayıb.

 

Saziş üzərində 2, 5 il davam edən işlərin başa çatdığı təsdiq edilib və tezliklə tərəflər onu imzalayacağını bəyan edib.

 

Ayrı-ayrı müddəaların hələ ki, açıqlanmamasına rəğmən, bəllidir ki, müqavilə qarşılıqlı ticarətdə bir çox maneələri aradan qaldıracaq. O cümlədən, maliyyə sistemləri sahəsində daha sıx əməkdaşlıq nəzərdə tutulur.

 

Belə ki, artıq növbəti ayın sonunda İranın xarici qonaqları Rusiyanın "Mir" kartları ilə hesablaşmalar apara biləcək, İranın SHETAB sistemləri isə Rusiya bankomatlarında işlək olacaq.

 

Öz növbəsində silah ticarəti həcminin artırılması və saziş iştirakçılardan hər hansı birinə qarşı təcavüzün baş verdiyi təqdirdə qarşılıqlı dəstəyi özündə ehtiva edən hərbi-texniki əməkdaşlıq haqqında bənd xüsusilə diqqəti cəlb edir. Buna bənzər müqavilə bu yaxınlarda Rusiya ilə Şimali Koreya arasında imzalanıb.

 

Adları çəkilən razılaşmalar tərəflərin üzərinə döyüş əməliyyatlarında birbaşa iştirak etmək öhdəliyi qoymur, lakin silah tədarükü, təlimatçılar və könüllülərin göndərilməsini nəzərdə tutur. Bu, tamamilə məntiqidir, çünki qarşılıqlı investisiyalar və layihələr müdafiə tələb edir.

 

Yeri gəlmişkən, Rusiya və İran arasında əməkdaşlıq geosiyasi qeyri-sabitlik və Qərbin təzyiqi fonunda sürətlə inkişaf etməkdə davam edir.

 

Məsələn, "Olya" və "Həştərxan" dəniz limanlarının yükdaşınmalarının həcmi birinci yarımildə 50 faiz artıb ki, bu da beynəlxalq Şimal-Cənub nəqliyyat dəhlizinin inkişafının nəticəsidir.

 

Layihədə artıq 14 dövlət iştirak edir. Bu çərçivədə bu yaxınlarda Rusiya, Qazaxıstan, Türkmənistan və İran vasitəsilə Şərq marşrutunun inkişafı haqqında saziş imzalanıb. 

 

Bu marşrut Süveyş kanalından iki dəfə qısa və daha təhlükəsizdir. Həmçinin Rəşt-Xəzər dəmir yolu sahəsinin açılışı edilib.

 

Rusiyanın köməyilə yeni dəmir yol qolunun 162 km-i inşa ediləcək, bu da bu istiqamətin buraxılış qabiliyyətini xeyli artıracaq.

 

İyunun sonunda Rusiya qazının İrana tədarükü haqqında memorandum imzalanıb. Tehranın özünün böyük qaz ehtiyatlarının olmasına rəğmən, mövcud yataqların işlənməsi üçün resursları yetərli deyil. 

 

İmzalanan sənəd hər il İrana 109 kub metr qaz tədarükünü nəzərdə tutur, bunun bir hissəsi ölkə daxilində istehlak olunacaq, bir hissəsi isə xaricə ixrac ediləcək.

 

Adları sadalanan layihələrdən başqa, Rusiya və İran kosmik əməkdaşlığı inkişaf etdirir. Bu ilin fevral ayında İranın "Pars-1" peyki orbitə buraxılıb, oktyabr ayında daha iki peykin buraxılması planlaşdırılır.

 

Nəhayət, İran həmçinin Rusiyadan dəyəri 20 milyard rubl (təxminən 231 milyon  dollar-red.) olan Mi-8 helikopterləri sifariş edib. Hərbi texnika mübadiləsi məxfiləşdirilsə də, aydındır ki, onun həcmi artır.