Moderator.az xəbər verir ki, bu barədə "Forbes" nəşri yazıb.

 

Nəşr qeyd edir ki, iyunun ortalarında Vladimir Putin Pxenyanı ziyarət edərək Şimali Koreya lideri Kim Çen Inla görüşüb və müdafiə paktı imzalayıb. Altı həftədən sonra Ukrayna cəbhəsində Şimali Koreya raketləri peyda olub.

 

 

Rusiya ilə Şimali Koreya arasında daha sıx hərbi əlaqələr, nəhayət, döyüş əməliyyatlarına həqiqətən təsir göstərib.

 

Əgər Şimali Koreya həqiqətən Rusiyaya tankəleyhinə texnika veribsə, bu, Rusiyanın döyüş meydanında ən böyük problemlərindən olan döyüş maşınlarının çatışmazlığı problemini həll etməyə kömək edə bilər.

 

Çərşənbə axşamı Ukrayna pilotsuz uçuş aparatı Xarkov vilayətinin Volçansk şəhəri yaxınlığında qəribə bir obyekt aşkar edib. Diqqətlə nəzərdən keçiriləndə bunun "Bulsae-4" altıtəkərli tank əleyhinə raket qurğusu olduğu aydınlaşır.

 

Ukrayna PUA-nın operatoru Kriqsforşerin sözlərinə görə, bu maşın "altı raket buraxmağa macal tapıb".

 

"Bulsae-4" Şimali Koreyanın unikal raket kompleksidir. O, Rusiyanın BTR-80 zirehli transportyorunun Şimali Koreya versiyasının şassilərinə səkkiz idarəedilən raketi olan böyük qüllə əlavə edib.

 

"Bulsae-4" Ukrayna və Rusiyanın desant tankəleyhinə raket qruplarının icra etdiyi missiyanı yerinə yetirir, bu da düşmən tanklarının məhv edilməsidir, lakin bunu daha böyük sürət, mobillik və müdafiə ilə edir.

 

 

Rusiyalılar üçün bu kompleks artan tələbatları ödəyir. Rusiya ordusu 2022-ci ilin fevralında Ukrayna ilə müharibəyə, ehtimal ki, bir neçə yüz "Şturm" və "Kornet" tankəleyhinə komplekslərlə daxil olub. 

 

Ukraynalılar tez bir zamanda onlardan təxminən 50 ədədini məhv edib. Son zamanlar cəbhə xəttində raket texnikası, mümkündür ki, bu səbəbdən o qədər də çox qalmayıb.

 

Rusiya ilə Şimali Koreya arasında təhlükəsizlik müqaviləsinin təfərrüatları bəlli deyil, lakin bu müqavilənin şərtlərində xeyli sayda Şimali Koreya istehsalı olan avtomobillərin verilməsini özündə ehtiva etməsi tamamilə mümkündür.

 

Heç kimə sirr deyil ki, rusiyalılar hər ay Ukraynada itirdiyi təxminən 600 döyüş maşınını kompensasiya etmək üçün kifayət qədər miqdarda belə maşınları istehsal etməyə və ya bərpa etməyə cəhd göstərir.

 

"Rusiyalılar xüsusilə müasir tanklar və zirehli transportyorlardan korluq çəkir, ona görə də nəticə etibarilə cəbhə xəttində Rusiya tərəfindən "Pokpung-ho" və M2010 ZTR görsəniz, təəccüblənməyin. M2010 və "Bulsae-4"-ün şassilərinin eyni olması kömək edə bilər", - nəşr yazıb.

 

Burada Cənubi Koreyanın nə edəcəyi böyük məsələdir. Əvvəllər Şimali Koreya və Cənubi Koreya sakitcə də olsa müxtəlif tərəflərə dəstək verib. KXDR Rusiyaya artilleriya mərmiləri və ballistik raketlər verib. Cənubi Koreya isə Birləşmiş Ştatlara mərmilər satıb, sonradan bu mərmilər Ukraynaya verilib.

 

İndi isə Şimali Koreya açıq şəkildə Rusiyanın hərbi səylərinə dəstək verdiyi zaman Cənubi Koreya da Ukraynaya belə dəstək verə bilər.

 

Qeyd edək ki, Cənubi Koreya dünyada ən yaxşı silah növlərindən birini, özü də Şimali Koreya da daxil olmaqla istənilən başqa ölkədən daha çox miqdarda istehsal edir. "Mən ümid edirəm ki, Cənubi Koreya buna cavab verəcək", - Kriqsforşer yazıb.

 

 

Xəbər verildiyi kimi, Rusiya işğalçıları döyüş meydanında KXDR-in verdiyi "Bulsae-4" özüyeriyən tankəleyhinə raket kompleksindən istifadə etməyə başlayıb. 

 

Eyni zamanda "Xarkov" opetativ-taktiki qruplaşmasının nümayəndəsi Vitali Sarantsev bəyan edib ki, hazırda Rusiya bu kompleksləri tətbiq etmir. Onun sözlərinə görə, bu məlumat yoxlanılır.