Moderator.az xəbər verir ki, o, bu barədə Texas ştatında L.B. Con Linkoln adına Prezident kitabxanasınsa çıxışı zamanı bəyan edib. Məlumatı "The Washington Post" nəşri yayıb.

 

O cümlədən, o, Konstitusiyaya prezidentlərin federal təqibdən immunitetə malik olmadığını müəyyən edən düzəlişlərə təkid edəcək. 

 

Məlum olduğu kimi, iyulun 1-dən Ali Məhkəmə Donald Trampın işi üzrə prezidentlərin vəzifədə olarkən "rəsmi fəaliyyətinə" görə  məhkəmə təqibindən bəzi immunitetlərdən istifadə etməsi barədə qərar çıxarıb.

 

"Bu gün baş verənlər normal deyil və ictimaiyyətin o cümlədən şəxsi azadlıqlara təsir edən məhkəmə qərarlarına etimadını sarsıdır. İndi biz belə boşluqda dayanmışıq", - Bayden vurğulayıb.

 

Nəşrdəki məqaləsində o, həmçinin əlavə edib ki, ABŞ-da heç kim qanundan üstün deyil.

 

"Millətin sadə, amma dərin prinsipi olub: heç kim qanundan üstün deyil. Nə Birləşmiş Ştatların prezidenti, nə Birləşmiş Ştatların Ali Məhkəməsinin hakimi. 

 

Lakin Ali Məhkəmənin iyulun 1-də prezidentlərə vəzifədə olarkən törətdiyi cinayətlərə görə məhkəmə təqibindən geniş immunitetlər verilməsi barədə qərarı o deməkdir ki, prezidentin edə biləcəklərinə faktiki olaraq heç bir məhdudiyyət mövcud deyil.

 

Yeganə məhdudiyyət Oval kabinetdə oturanın özünün müəyyən etdiyi məhdudiyyətlər olacaq".

 

Eyni zamanda "Politico" nəşri xəbərdarlıq edib ki, belə addımlar Konqres tərəfindən təsdiq edilməsini tələb edir, ona görə də bu il konqresmenlərin bu təklifləri qəbul etməsi şansı azdır.

 

Hətta seçkilərdən sonra demokratlar hər iki palataya nəzarət etsələr belə, onların Senatda bloklanmanın qarşısının alınması üçün tələb edilən 60 səsi qazanacağı sual altlndadır.

 

"Konstitusiyaya düzəliş etmək daha mürəkkəbdir, bu, Konqresin hər iki palatasının və ya ştatların çağırdığı konvensiyanın üçdə ikisinin dəstəyini, habelə ştatların qanunverici toplantılarının dörddə üçünün təsdiqini tələb edir.

 

Lakin belə ideyaların qəbul edilməsi özlüyündə Bayden üçün mühüm irəliləyişdir və  onun prezidentliyi müddətində çoxdankı presedentləri dağıdan və həlledici siyasi prioritetləri əngəlləyən mühafizəkar çoxluqdan məyusluğunun parlaq əlamətidir", - "Politico" əlavə edib.

 

 

Bundan öncə "ABC News" nəşrinin apardığı sorğu göstərib ki, ABŞ vitse-prezidenti Kamala Harris həftə ərzində reytinqlərini xeyli yüksəldib.

 

Yeni sorğu dəstəyin səviyyəsinin dramatikcəsinə dəyişdiyini göstərib. Amerikalıların 43 faizi ona etimad göstərib, 42 faizi etimad göstərməyib.

 

Həmçinin məlumat verilib ki, ABŞ-ın sabiq prezidenti Barak Obama Kamala Harrisin seçkilərdə namizədliyinə dəstək verib. O, qeyd edib ki, Kamala Harris "fantastik prezident" olacaq.