Ekspertlər hesab edir ki, Türkiyə prezidenti Rəcəb Tayyib Ərdoğanın İsraillə mümkün müharibə ilə bağlı ictimaiyyətə açıqlaması qeyri-ciddi qarşılanmamalıdır.

Ərdoğan Türkiyənin ictimai şüuruna “gələcək müharibə” ideyasını daxil edib ki, bu da İsraildən mümkün çağırışlara, xüsusən də hərb-dəniz sahəsində ciddi hazırlaşmağı tələb edir.

 

Moderator.az xəbər verir ki, bu barədə "İsrael Hayom" nəşri yazır.

 

Ərdoğanın bu qədər sərt mövqe tutmasının səbəbləri arasında bir neçə əsas faktor var. Birincisi, İsrail baş nazirinin ABŞ Konqresində ABŞ-İsrail əlaqələrini gücləndirən kimi qəbul edilən uğurlu(guya-S.L.) çıxışı Ərdoğanı açıq-aşkar əsəbiləşdirib.

 

İkincisi, onun Fələstin muxtariyyəti sədrinin Türkiyə parlamentində çıxışı ilə bağlı tələbinin dəstəklənməməsi onun özünü beynəlxalq aləmdə tanıtmaq istəyini artırıb.

 

Ərdoğanın bu hərəkəti onu fələstinliləri kifayət qədər dəstəkləmədiyinə görə tənqid edən Türkiyədə islamçı qüvvələr arasında nüfuzunu qorumaq cəhdi kimi qiymətləndirilə bilər.

 

Politoloqlar müharibə təhdidlərinin ölkədaxili diqqəti ölkənin iqtisadi və sosial problemlərindən yayındırmaq, eləcə də onun Qərbə qarşı dura bilən və müsəlman maraqlarını dəstəkləyən lider kimi mövqeyini gücləndirmək üçün bir üsul olduğunu düşünürlər.

 

İsrailin müdafiə dairələri bu təhdidləri ciddi qəbul edirlər. Hərbi ekspertlər Türkiyə ilə münasibətlərin mümkün pisləşməsi fonunda strateji dəniz obyektlərini qorumaq və milli təhlükəsizliyi təmin etmək üçün müdafiə qabiliyyətini, xüsusilə də hərbi dəniz qüvvələrini gücləndirməyə çağırır.

 

Hərbi dəniz mövcudluğunun gücləndirilməsi artan regional gərginlik şəraitində İsrailin milli təhlükəsizliyin təmin edilməsinin əsas elementi kimi qiymətləndirilir.