Moderator.az xəbər verir ki, bu barədə Amerikanın müharibənin öyrənilməsi İnstitutunun (ISW) hesabatında deyilir.

 

Lakin belə genişmiqyaslı üzbəüz hücumlar düşmənin hərbi komandanlığının, demək olar ki, şəffaf döyüş meydanında belə hərəkətlərin çətinliklərindən dərs almadığını nümayiş etdirir.

 

Hesabatda deyilir ki, məhdud taktiki vəzifələrin icrasına bu qədər çoxlu miqdarda zirehli texnikanı sərf etmək uzunmüddətli operativ planlaşdırmanın yalnız pis olduğunu göstərir.

 

Analitiklərin proqnozuna görə, orta və uzunmüddətli perspektivdə texnikaya məhdudiyyət ona gətirib çıxaracaq ki, uğursuz mexanikləşdirilmiş hücumlar rusiyalılar üçün zamanla daha baha başa gələcək.

 

Qəsbkarlar xeyli dərəcədə sovet dönəminin silahlar və texnika ehtiyatlarının bərpasına bel bağlayır.

 

"Əgər rusiyalı hərbçilər orta və uzunmüddətli perspektivdə əməliyyatların indiki templərini qoruyub saxlamaq niyyətindədirsə, Rusiya hökuməti, ehtimal ki, Rusiya iqtisadiyyatı və müdafiə sənayesini əlavə olaraq səfərbər etməli olacaq, çünki Rusiyanın məhdud sovet ehtiyatları tükənməkdədir.

 

Lakin Rusiya müdafiə sənayesinin hətta əlavə iqtisadi səfərbərlik keçiriləcəyi təqdirdə texnika itkisinin yüksək templərinə tab gətirə biləcək kifayət qədər nəqliyyat vasitələrinin istehsal edə biləcəyi aydın deyil", - ISW yazıb.

 

Eyni zamanda, Ukraynanın "Frontelligence İnsight" təşkilatı Rusiya qoşunlarının əsasən T-62 və T-55 tankları kimi yüzlərlə vahid köhnə zirehli maşınlarını iyun və iyulun əvvəlində cəbhəyə yerdəyişmə etdiyini qeydə alıb.

 

Onlar hələlik cəbhədə görünmür, ona görə də düşmən, ehtimal ki, onları ilin sonunda döyüşə göndərmək niyyətindədir. Təşkilat əlavə edir ki, Rusiyanın daxili sənədləri onu göstərir ki, son altı ayda zədələnmiş tankların ehtiyat hissələrinə ehtiyacı var. 

 

Bu zaman mühərriklər qıtlığı təmir işləri üçün daha müasir T-80 tanklarından istifadə edilməsinə gətirib çıxarıb. İşğalçı ordu dövrü olaraq bölük səviyyəsində və daha böyük mexanikləşdirilmiş hücumlar üçün kifayət qədər zirehli texnikaya malikdir.

 

 

İyulun 24-də Ukrayna Silahlı Qüvvələri Donetsk vilayətinin qərbində Rusiya işğalçı ordusunun 2023-cü ilin oktyabrından ən böyük mexanikləşdirilmiş hücumunun qarşısını alıb. 

 

Qəsbkarlar eyni zamanda11 tank, 45 zirehki döyüş maşını, "Terminator" nadir döyüş maşını,12 motosiklet və təxminən 200 nəfər şəxsi heyətdən istifadə edib.

 

Müdafiə Qüvvələrinin hava kəşfiyyatı Rusiyanın mexanikləşdirilmiş kolonlarını məsafədən aşkar edib, bundan sonra ukraynalı döyüşçülər düşmənin hücumunun qarşısının alınması üçün artilleriya, PUA-lar və mina sahələrindən istifadə edib.

 

Rusiyanın 6 tankı, 7 zirehli döyüş maşını və 12 motosikletin hamısı zərərsizləşdirilib. Texnikanın birinci dalğası məhv edildikdən sonra rusiyalılar geri çəkilib.

 

Lakin rusiyalıların hərəkətləri yalnız xeyli irkilərə gətirib çıxarır. Xarkov vilayətinin şimalında hücum başlanandan işğalçı qoşunlar Volçanskda 138-ci briqadanın böyük hissəsini, 83 və 157-ci tank alayını güdaza verib. Bəzi yerlərdə insan tələfatı 40 faizdən çox olub.

 

Tammiqyaslı müharibə başlanandan düşmən 571 mindən çox şəxsi heyətini, 8 mindən çox tank, 16 mindən çox zirehli maşın, 15 mindən çox artilleriya sistemi və bir çox digər texnikasını itirib.