Qeyd edildiyi kimi özünün 99 adından birinin “Əl-Alim” (Əbədi və əzəli elmi ilə sirri və aşkarı, keçmişi, gələcəyi, hər şeyi bilən //tehsil.com.az/allahin-adlari/ ) olan Allah dünyəvi alimlərdən fərqli olaraq, Mütləq Alimdir. Bütün elm və eləcə də Elmi Kəşflər Allahındır, Mütləq Müəllif də yalnız və yalnız Allahdır. Bütün sahələr üzrə elmin və eləcə də Elmi Kəşflərin müəyyən cüzi bir hissəsini Allah dünyəvi alimlərin ixtiyarına vermişdir ki, Qiyamətə qədər məşğul olsunlar və əsas hissəsini isə Allah özünün Qeyb Elmində saxlamışdır. Bütün bu deyilənlər və bütün yaradılış haqqında müfəssəl məlumat bazası isə Allahın dərgahında olan Lövhi-Məhvuz kitabında (“Ana Kitab”da) yerləşdirilmişdir (6.59; 22.70; 27.75; 34.3; 35.11; 36.12; 43.4; 50.4; 51.22; 57.22; 78.29; 85.22 və s ayələr). “Qeybin açarları (Allahın) yanındadır.

 

Onları ancaq O (Allah) bilir. (Allah) suda və quruda nə varsa bilir. Yerə düşən elə bir yarpaq yoxdur ki, (Allah) onu bilməsin. Yerin zülmətləri içində elə bir toxum, (kainatda) yaş-quru elə bir şey yoxdur ki, açıq-aydın kitabda (lövhi-məhfuzda) olmasın!” (6.59). Kainat miqyası Yaradılışin reallaşması, idarə edilməsi və Qiyamətdəki vəziyyəti dialektika qanunları ilə izah oluna bilməyən “Allahın Ol qanunu” ilə Allah tərəfindən Özünün Qeyb Elmi ilə məqsədəuyğun şəkildə idarə edilir //moderator.az/az/ekskluziv/789411/quranda-dialektika-qanunlari-ile-izah-oluna-bilmeyen-allahin-ol-qanunu-gresen-hegelin-xeberi-olubmu/ ).

 

 

 

1992-1993-cü il müddətində Kiyevdə Ukrayna EA-nın Kolloid Kimyası və Su Kimyası İnstitunda doktoranturanı bitirib 10.03.93 tarixində doktorluq dissertasiyası müdafiə edib Bakıya gəlmişdim. 1993-cü ilin mart ayının 20-də yoldaşımın atasıgilə qonaq getmişdik. Eyvanın pəncərəaltı hissəsində olan kitaba diqqət yetirdim, Quran (V.Məmmədəliyev və Z.Bünyadov tərcüməsi), 1992. Əvvəlindən (Bəqərə surəsindən) 1 səhifəyə yaxın oxudum. Heç nə başa düşmədim. Başıma kəskin bir ağrı gəldi. Kitabı yerinə qoydum və heç kimə bir söz demədim... Düz 18 il sonra 2011-ci ilin mart ayının son günlərinin birində SOCAR elektron ünvanıma naməlum “Şəxs”dən qəribə və qeyri-adi məzmunlu bir məktub gəlmişdi. Bu “Şəxs” mənim görünməz qüvvələrə, o cümlədən Allaha böyük inamım olduğuna əsaslanaraq, məni namaza dəvət etməklə məndən cavab gözləyirdi. Əlbətdə mən hələ tələbə olarkən Kant, Hegel fəlsəfəsinə xüsusi rəğbətim olub. Mən özlüyümdə bu dəvəti dərhal qəbul etməyə qərar verdim. O zamankı fəlsəfi anlaşmalarımdan mənə o da aydın idi ki, bu dəvətdə səbəb Allahdır, bu “Şəxs”isə yalnız vəsilədir. Allah ondan da razı olsun. Odur ki, 01.04.2011-ci il tarixindən namaza qovuşmaqla yanaşı, bir zaman oxuyub başa düşmədiyim məhz həmin Quran kitabı düz 18 ildən sonra ən yaxın dostuma çevrildi. Həmin ildən etibarən hər il oruc da tutmağa başladım. Ailələrimizdə yoldaşım, oğlum və yoldaşı, qızım və yoldaşı da hələ məndən qabaq namaz qılır və oruc tuturdular. Quran ayələrini məqsədyönlü şəkildə sistemləşdirməyi qərara aldım və bu addım görülən və görüləcək nəhəng bir işin başlanğıc nöqtəsi oldu. Hiss edirdim ki, məhz bu sistemləşdirmə nəticəsində hansı isə bir nəticələri əldə etmək mümkün olar. 2012-ci ildə ailəvi (yoldaşım və böyük oğlumla birlikdə) həcc ziyarətimiz isə bu işlərə xüsusi bir təkan vermiş oldu...

 

 

Bu dövr bəşəriyyət üçün ağır bir imtahan, - COVİD-19 Pandemiya dövrü kimi hər bir ölkənin, hər bir ailənin, hər bir insanın həyatında müəyyən bir iz buraxmış oldu. Bizim də ailələrimizdə COVİD-19-un acı fəsadları tariximizə yazıldı... Pandemiya dövründə biz ailəlikcə 2 istiqamətdə (Nanokolloid kimyası-Nanomolekulyar fizika və Quranın çoxsaylı (mindən çox) ad altında sistemləşdirilməsi istiqamətlərində) apardığımız intensiv fəaliyyətimizin nəticəsi olaraq, Almaniyada qeydiyyatdan keçmiş 2 Elmi Hipotez və 5 Elmi Kəşfə nail olduq. Bu 5 Elmi Kəşfin birində isə 6 Elmi Kəşf əlamətləri mövcud olmuşdur (//moderator.az/az/cemiyyet/761926/elmi-kesf-tarixinde-nadir-hadise-azerbaycanli-alimin-almaniyada-1-kesf-beyanati-ile-6-elmi-kesf-qeydiyyatdan-kecib/ ). 24.10.2023 tarixində istiqamət üzrə dünya təcrübəsində ilk dəfə olaraq, “Hər bir çətinlikdən sonra asanlığın gəlməsi qanunu” adlı layihəmiz Almaniyada Avropa Təbiət Elmləri Akademiyasında (ATEA) Elmi Hipotez statusu ilə qeydiyyatdan keçmişdir (//moderator.az/az/cemiyyet/703915/azerbaycan-alimlerinin-quran-ayeleri-esasinda-elmi-hipotezi-foto/). Bu nəticə bizim hər birimizi 12 il müddətində başlamış olduğumuz möhtəşəm bir işə daha da möhkəm bağlamış oldu...

 

 

Elmi Hipotezdə formulanın məhz Elmi Kəşfə uyğun tərtib edildiyini və müəlliflərin ATEA rəhbərliyinə müraciəti nəzərə alınaraq, 24.01.2024 tarixində qeyd edilən layihə ATEA Elmi Kəşflərin verilməsi ilə bağlı Beynəlxalq Ekspert Şurasında Elmi Kəşf statusu ilə qeydiyyatdan keçmiş və müəlliflərə ingilis dilində tərtib edilmiş Elmi Kəşf Diplomları təqdim edilmişdir (//teref.az/arasdirma/322950-azerbaycan-alimlerinin-quran-ayeleri-esasinda-elmi-hipotezi-foto.html). Beləliklə, dünya təcrübəsində Quran ayələri əsasında ilk Elmi Kəşf –2024-cü ildə Almaniyada Azərbaycan alimlərinin adına qeydiyyatdan keçmişdir. Lakin müəlliflərin fikrincə bu bir başlanğıcdır. İstiqamətin müasir səviyyəsində Elmi Kəşfin daha geniş zəruri əsaslandırmalarla təsviri ilə yanaşı, isiqamət üzrə perspektiv Elmi Kəşflərdən danışmağa artıq zəruri baza yaradılmışdır və bu baza materialları zaman-zaman Moderator.az saytında dərc edilmiş və cari məlumatın sonunda oxucular üçün müvafiq istinadlar verilmişdir. Quran ayələri əsasında potensial Elmi Kəşflər sırasında bir sıra layihələr üzrə işlər davam etdirilir. Müəlliflərin planlamalarına görə birinci yerdə Quranda dialektika qanunları ilə izah oluna bilməyən “Allahın Ol qanunu” durur. Bu layihə ilə bağlı müəlliflərin ilk prioritet dərci onlar üçün sözün əsl mənasında doğma olan Moderator.az saytında həyata keçirilmişdir (//moderator.az/az/ekskluziv/789411/quranda-dialektika-qanunlari-ile-izah-oluna-bilmeyen-allahin-ol-qanunu-gresen-hegelin-xeberi-olubmu/).

 

Yeri gəlmişkən müəlliflər, başda professor Rahim Daşdiyev olmaqla, ölkə mediasında xüsusi yeri və çəkisi olan Moderator.az saytının yüksək səviyyəli rəhbərliyinə və yaradıcı kollektivinə geniş oxucu auditoriyasında paylaşılan ekskluziv tipli silsilə yazılarla dəstəyə görə öz dərin minnətdarlıqlarını bildirirlər...

 

 

Allahın Özünü vəsf edən, Özünəməxsus mütləq sifətləri ilə əlaqəli, Rəbbin Mütləq kitabında (Quran) söyləmiş olduğu digər hikmətli sözləri, ifadələri, tövsüyələri ilə bağlı insanlar üçün taktiki (dünya həyatı üçün) və strateji (axirət həyatı üçün) əhəmiyyətli olan Quranın ayələrinin çoxsaylı (mindən çox) ad altında sistemləşdirilməsi nəticəsində hər biri üçün işarələrdən (eyhamlardan) ibarət ayələr kompleksi aşkar edilən dialektikanın məlum üç qanununu özündə birləşdirməklə əvvəllər məlum olmayan, hər bir çətinlikdən sonra asanlığın gəlməsi qanunu nəzəri cəhətdən əsaslandırılmış və təcrübi olaraq təsdiqlənmişdir. Quran ayələrinin qeyd edilən sistemləşdirilməsi nəticəsində, hər bir çətinlikdən sonra asanlığın gəlməsi qanunu üçün də həmçinin açıq-aşkar işarələrlə (eyhamlarla) vurğulanan kifayət qədər zəngin ayələr kompleksi aşkar edilmişdir.

 

 

“Hər bir çətinlikdən sonra asanlığın gəlməsi qanunu” bir-birilə əkslik təşkil edən çətinlik və asanlıq baxımından “Əksliklərin vəhdəti və mübarizəsi qanunu”nu açıq aşkar şəkildə özündə əks etdirir. “İnkarı inkar qanunu” “Hər bir çətinlikdən sonra asanlığın gəlməsi qanunu”na əsasən çətinliklə asanlıq arasındakı bütün zaman boyu işləyir. Çətinliklə asanlıq arasındakı zamanın sonunda isə “Kəmiyyət dəyişikliklərinin keyfiyyət dəyişikliklərinə keçməsi qanunu” özünü tamamilə büruzə verir. “Hər bir çətinlikdən sonra asanlığın gəlməsi qanunu” təbiətin və cəmiyyətin inkişafını əhatə edən, dialektikanın məlum qanunlarını özündə birləşdirən daha ümumi məzmunlu qanundur. Təsadüfi deyil ki, Allah Quranda dialektikanın məlum olan 3 qanununun hər birinə düşünən insanlar üçün yalnız işarələr (eyhamlar) verir. Lakin Quranda Allah tərəfindən “Hər bir çətinlikdən sonra asanlığın gəlməsi qanunu” birbaşa və birmənalı olaraq aşağıdakı ayələrdə əks etdirilmişdir:

 

 

2. ... Kim Allahdan qorxsa, Allah ona (hər çətinlikdən) bir çıxış yolu əta edər.

 

4. ... Kim Allahdan qorxsa, Allah onun işini (dünya və axirətdə) asan edər.

 

7. ... Allah hər bir çətinlikdən sonra asanlıq (yoxsulluqdan sonra dövlət) əta edər.

 

 

5.Şübhəsiz ki, hər çətinlikdən sonra bir asanlıq gələr! (Asanlıq yalnız çətinliklə hasil olar!)

 

6.Həqiqətən, hər çətinlikdən sonra bir asanlıq gələr! (Buna görə də çətinliklərə səbirlə dözmək lazımdır!)

 

Digər tərəfdən, Quranda “Hər bir çətinlikdən sonra asanlığın gəlməsi qanunu” ilə bağlı düşünən insanlar üçün işarələr (eyhamlar) olan çoxsaylı ayələr kompleksi də aşkar edilmişdir. Bütün bu deyilənlər haqqında daha müfəssəl məlumat müəlliflər tərəfindən ingilis dilində dərc edilmiş prioritet məqalədə verilmişdir.

 

 

1.Quran (V.Məmmədəliyev və Z.Bünyadov tərcüməsi), 1992.

 

2. Muhammad, M. Kh. The Noble Quran. Translation of meanings, from Arabic / M.Kh. Muhammad, T.D.H. Muhammad, 2011. - 114 surahs. (in English)

 

Prioritet məqalə: Dashdiyeva N.J., Huseynova E.R., Dashdiyev R.A. A new law of dialectics, - “The law of coming of an ease, after every a hardship” / WeyScience 2nd International Scientific and Practical Internet Conference, jule 27-28, 2023/ FOP Marnichenko V.V., Dnipro, Ukraine, p.4-11.

 

Qeyd edək ki, professor R.A.Daşdiyevin Moderator.az saytnda dərc edilən digər aşağıdakı məlumatları da məhz Quran ayələri ilə bağlıdır: “Azərbaycan alimlərinin Quran ayələri əsasında Elmi Hipotezi” adlı məlumat. Ilk dəfə 12.11.2023 tarixində (22:35) Moderator.az saytinda dərc  edilmişdir:  //moderator.az/az/cemiyyet/703915/azerbaycan-alimlerinin-quran-ayeleri-esasinda-elmi-hipotezi-foto/

 

“Əksliklərin vəhdəti və mübarizəsi qanunu ilə bağlı düşünən insanlar üçün işarələr (eyhamlar) - Görəsən Hegelin xəbəri olubmu?” adlı analoji araşdırmaların nəticəsi 16.06.2024 tarixində (10:47) Moderator.az saytinda dərc edilmişdir: //moderator.az/az/ekskluziv/779607/quranda-eksliklerin-vehdeti-ve-mubarizesi-qanunu-ile-bali-dusunen-insanlar-ucun-isareler-eyhamlar-gresen-hegelin-xeberi-olubmu/

 

“Quranda İnkarçıların Allah tərəfindən inkar edilməsi qanunu ilə bağlı düşünən insanlar üçün işarələr (eyhamlar) - Görəsən Hegelin xəbəri olubmu?” adlı analoji araşdırmaların nəticəsi 05.07.2024 tarixində (10:45) Moderator.az saytinda dərc edilmişdir: //moderator.az/az/cemiyyet/785065/quranda-inkarcilarin-allah-terefinden-inkar-edilmesi-qanunu-ile-bali-dusunen-insanlar-ucun-isareler-eyhamlar-gresen-hegelin-xeberi-olubmu/

 

“Quranda dialektika qanunları ilə izah oluna bilməyən Allahın Ol qanunu - Görəsən Hegelin xəbəri olubmu?” adlı analoji araşdırmaların nəticəsi 18.07.2024 tarixində (10:57) Moderator.az saytinda dərc edilmişdir: //moderator.az/az/ekskluziv/789411/quranda-dialektika-qanunlari-ile-izah-oluna-bilmeyen-allahin-ol-qanunu-gresen-hegelin-xeberi-olubmu/

 

“Quranda qeyd edilən 4-cü və 5-ci varlıqların nədən yaradılması bilgiləri yalnız Allahın Qeyb Elminə bəllidir” adlı araşdırma nəticəsi 13.05.2024 tarixində (11:23) Moderator.az saytinda dərc edilmişdir: //moderator.az/az/ekskluziv/768742/quranda-qeyd-edilen-4-cu-ve-5-ci-varliqlarin-neden-yaradilmasi-bilgileri-yalniz-allahin-qeyb-elmine-bellidir/ 

 

“Zəm-Zəm suyunun sirlərinin açılması istiqamətində azərbaycanlı alimin elmi kəşfi” adlı məlumat 07.05.2024 tarixində (17:10) Moderator.az saytinda dərc edilmişdir: //moderator.az/az/elmvetehsil/767480/zem-zem-suyunun-sirlerinin-acilmasi-istiqametinde-azerbaycanli-alimin-elmi-kesfi/