Moderator.az xəbər verir ki, bu barədə "dw.com" nəşri yazıb.

 

Dünən, iyulun 22-də ölüm cəzası qüvvəyə minib, onun icrası barədə rəsmi məlumat yoxdur.

 

"Alman dalğası" qəzetinin həmsöhbətləri hesab edir ki, Minsk Vilayət Məhkəməsi tərəfindən ölümə məhkum olunmuş Kriger AFR-də sabiq çeçen səhra komandiri, Gürcüstan vətəndaşı Zəlimxan Xanqoşvilinin qətlinə görə ömürlük həbs cəzasına məhkum edilən rusiyalı killer Vadim Krasikovla mübadilə edilməsinə hazırlanır.

 

Hüquq müdafiəçilərin məlumatına görə, Kriger 2023-cü ilin oktyabrın 6-dan Belarus İstintaq Təcridxanasındadır. Onun Belarus, Rusiya və ya Ukrayna ərazisində saxlanıldığı bəlli deyil.

 

"Rusiyanın Z-blogerlərinin yaydığı belə bir nöqteyi-nəzər var ki, o, Rusiyada ələ keçirilib, sonra Belarusa göndərilib", - bunu nəşrə analitik və tarixçi Aleksandr Fridman deyib.

 

Onun fikrincə, Belarus hakimiyyəti Kriger üzərində bütün prosesi onu güllələmək üçün deyil, mübadilə etmək və əvəzində nəsə əldə etmək üçün aparıb və mübadilə versiyası həqiqətə daha uyğundur.

 

"Putin özü deyib ki, onu çıxarmaq istəyir. Bu, şərəf məsələsidir. Buradan Krigerlə bağlı məsələ meydana çıxır, ona ölüm hökmü verilir.

 

Stavkalar maksimum dərəcədə yüksəlir-ya onu mübadilə edin, ya da biz onu güllələyəcəyik, - Fridman deyir. - Məsələ belə qoyularsa, Almaniya, görünür, buna getməli olacaq".

 

Fridmanın fikrini dəstəkləyən BYSOL Həmrəylik Fondunun həmtəsisçisi Andrey Strijak bu yaxınlarda Belarus həbsxanalarında cəza çəkən ukraynalıların faktiki olaraq Rusiya ilə razılaşma üzrə Ukraynaya mübadilə əsasında verilməsi barədə danışıb.

 

"Bu, rusiyalıların Belarus vasitəsilə öz düşmənləri ilə işləmək imkanlarının ilk qaranquşu olub. Münkündür ki, indi də bu, Rusiyanın stakaların artırılması üçün Belarus vasitəsilə həyata keçirdiyi əməliyyatdır. Çünki Rusiyada ölüm cəzasının moratoriumu mövcuddur, Belarusda isə belə moratorium yoxdur", - Strijak hesab edir.

 

"Alman dalğası" qeyd edir ki, Belarus XİN artıq bəyan edib ki, Belarus tərəfi Almaniyaya "hadisələrin mövcud inkişaf variantları üzrə konkret qərarlar" təklif edib.

 

Xatırladaq ki, AFR-də cəza çəkən Vadim Krasikovun və ABŞ-da məhkum edilmiş Vladislav Klyuşinin Rusiyada saxlanılan və məhkum edilən əcnəbi vətəndaşlarla mübadilə məsələsi dəfələrlə müzakirə edilib.

 

Sonuncu dəfə amerikalılar Evan Qerşkoviç və Pol Uilanla yanaşı, Yamal-Nenets ciddi rejimli koloniyasında qəfləti və şübhəli ölümündən öncə müxalif siyasətçi Aleksey Navalnı belə mübadilə siyahısına salınıb.