Moderator.az xəbər verir ki, bu barədə "BBC News" nəşrinin Rus xidməti yazıb.

 

Tramp respublikaçıların qurultayında öz niqtini yenidən yazaraq tənqid əvəzinə diqqətini millətin birləşməsinə yönəldəcəyini vəd edib.

 

"Biz öz siyasətimizdə hərarəti azaltmalıyıq, - Bayden bəyan edib. - Belə zorakılığın normaya çevrilməsinə yol vermək olmaz. Ölkəmizdə siyasi ritorika çox qaynardır, onu soyutmağın zamanı yetişib. Bunu etmək hamımız üçün məsuliyyətdir".

 

Bayden deyib ki, siyasət "dinc debatlar meydanı" olmalıdır, zorakılıq isə heç vaxt cavab ola bilməz. Siyasi mübarizə "heç vaxt əsl döyüş meydanı və, Allah eləməsin, qətl meydanı olmamalıdır", prezident əlavə edib.

 

"Biz Amerikada ixtilaflarımızı seçki qutularında həll edirilk. Hazırda bunu etməyin zamanı yetişib. Bu da güllələrin köməyilə deyil,  seçki qutularının yanında olmalıdır", - Bayden yeddi dəqiqəlik müraciətində bəyan edib.

 

Prezident Trampa tezliklə sağalmağı arzu edib və Trampın mitinqi zamanı öz ailə üzvlərini güllələrdən qoruyarkən həlak olan 50 yaşlı yanğınsöndürən Kori Komperatoreni qəhrəman adlandırıb.

 

Trampın mitinqində güllələrdən daha iki nəfər-57 yaşlı Devid Datç və 74 yaşlı Ceyms Kopenheyver zərər çəkib. Hər ikisi xəstəxanada kritik vəziyyətdədir. Trampın özü yüngül yaralanıb, ilkin məlumata görə, güllə sabiq prezidentin başının bir-neçə millimetrliyindən keçərək qulağını zədələyib.

 

 

Bayden həmçinin qeyd edib ki, Amerika xüsusi xidmət orqanları hələlik hücum edənin motivləri barədə hər-hansı nəticələrə gəlməyib.

 

Federal Təhqiqat Bürosu (FTB) bəyan edib ki, atəş açan şəxs sui-qəsdin baş verdiyi Batler şəhərindən (Pensilvaniya ştatı) 70 km aralıda yerləşən Betel-Park şəhər sakini, 20 yaşlı Tomas Metyu Kruks olub. 

 

 

Öz müraciətində prezident, hər şeydən göründüyü kimi, dürüst faktların olmaması səbəbindən internetdə çoxsaylı yalan iddialar və sui-qəsd nəzəriyyələri yayılmağa başladığına eyham vurub.

 

Yalan və nifrət. Trampa qarşı sui-qəsddən dərhal sonra sosial şəbəkələri sui-qəsd nəzəriyyələri bürüyüb

 

Bayden həmçinin Trampa zəng edərək baş verənlərlə bağlı öz təəssüfünü bildirib. "The Wall Street Journal" qəzetinin mənbələrinin məlumatına görə, bu zəng "qısa və hörmət əlaməti olub".

 

Bu, Baydenin prezidentliyi müddətində Oval kabinetdən sayca üçüncü müraciəti olub. Belə çıxışlar nadir hallarda edilir və adətən cox ciddi hadisələrə həsr olunur.

 

Bundan öncə Bayden ötən ilin oktyabr ayında HƏMAS-ın İsrailə hücumundan sonra belə müraciətlə çıxış edib. Bundan öncə isə o, 2023-cü ilin iyununda millətə müraciət edərək ABŞ Konqresindən Amerika borcunun həddinin artırılmasına icazə verməyi tələb edib.

 

 

Bu arada isə Donald Tramp sui-qəsddən sonra ilk müsahibə verib. O, "Washington Examiner" qəzetinə müsahibəsində bəyan edib ki, özünün qurultaydakı nitqini yenidən yazmaq və diqqətini Baydenin tənqidinə deyil, milli birliyə yönəltmək qərarına gəlib.

 

"Mənim çıxış etməyə hazırlaşdığım nitqim bomba kimi partlamalı idi", - Tramp deyib. "Əgər bu hadisə baş verməsəydi, mən özümün ən inanılmaz nitqlərimdən biri ilə çıxış edəcəkdim", - o, əlavə edib və izah edib ki, əsasən Baydenin siyasətinin çatışmazlığından danışmaq istəyir.

 

"Düzünü deyəcəyəm, indi bu, tamam başqa nitq olacaq. Bu, ölkəni birləşdirmək imkanıdır. Mənə belə imkan verilib", - sabiq prezident bəyan edib.

 

O, həmçinin etiraf edib ki, bazar günü onunla baş verənləri "hələ indi gerçəkdən anlamağa başlayır".

 

Tramp artıq konfransın keçiriləcəyi Miluoki şəhərinə (Viskonsin ştatı) gəlib.

 

Miluoki şəhərinə yola düşərkən "The New York Post" qəzetinə müsahibəsində o, sui-qəsd cəhdini "sürrealist təcrübə" adlandırıb. "Mən burada olmalı deyildim, mən ölməliydim".

 

"Ən inanılmaz olanı odur ki, mən, sadəcə, başımı döndərmədim, həm də dəqiq zamanda və məhz lazımi istiqamətə döndərdim", - Tramp deyib, əlavə edib ki, onun qulağını zədələyən güllə onu asanlıqla öldürə bilərdi.

 

"Xəstəxanada həkim mənə deyib ki, heç vaxt belə bir şey görməyib, o, bunu möcüzə adlandırıb".

 

"The Washington Examiner" nəşrinə müsahibəsində Donald Tramp ona atəş açıldığını anladığı və kütləyə baxdığı məqamı təsvir edib.

 

"Həmin anda insanlardan gələn enerji...onlar, sadəcə, yerlərində dayanmışdılar. Bunun nə demək olduğunu təsvir etmək çətindir, amma mən bilirdim ki, dünya bunu müşahidə edir".

 

"Mən bilirdim ki, tarix buna qiymət verəcək və mən bilirdim ki, bizdə hər şeyin qaydasında olduğunu onlara bildirməliyəm", - o, deyib.

 

 

Bu arada isə Florida Məhkəməsi Trampa qarşı məxfi sənədlərin qanunsuz saxlanılması ilə bağlı cinayət işinə xitam verib. Səbəb kimi xüsusi prokuror Cek Smitin təyin edilməsi zamanı ABŞ Konstitusiyasının təyinatlar haqqında Maddələrinin pozulması göstərilir.

 

"Məhkəmə əmindir ki, xüsusi prokuror tərəfindən bu iddianın təqibi bizim Konstitusiya sistemimizin iki təməl prinsipini-konstitusiyalı vəzifəli şəxslərin təyinatında Konqresin rolu və qanun üzrə məsrəflərin təsdiqində Konqresin rolunu pozur", - hakim Eylin Kennon özünün 93 səhifəlik qərarında bu nəticəyə gəlib.

 

Bazar ertəsi Tramp sosial şəbəkələrdə yazıb ki, bu işə xitam verilməsi "ilk addım olmalı, bunun ardınca bütün "əcinnə ovlarına" tezliklə son qoyulmalıdır".

 

"Gəlin, bizim ədalət məhkəməsi sistemindən silah kimi istifadə edilməsinə son qoyaq və Amerikanı yenidən böyük dövlətə çevirək!".

 

Bazar günü mitinqdə atəşlərdən sonra Tramp bəyan edib ki, Bayden Ədliyyə Nazirliyindən ona qarşl iki cinayət işinə xitam verilməsini xahiş edə bilər.

 

 

"Atəş açanın motivləri hələlik bizə bəlli deyil. Biz onun baxışlarının necə olduğunu və kimə dəstək verdiyini bilmirik. Biz onun kimlərdənsə yardım aldığını və kimlərləsə təmasda olduğunu bilmirik", - Bayden deyib

 

Bundan öncə FTB bəyan edib ki, ilkin məlumatlara görə, şübhəli bilinən şəxs təkbaşına hərəkət edib və hüquq-mühafizə orqanları  hələlik "onun hər-hansı ideologiya ilə bağlı olduğunu müəyyən etməyib".

 

Oval kabinetdən müraciətdən öncə Bayden jurnalistlərlə söhbətində məlumat verib ki, Trampın mühafizəsi gücləndiriləcək.

 

O, həmçinin bazar günü Trampın rəsmən prezidentliyə namizəd kimi irəli sürüləcəyi Respublikaçılar Partiyasının işə başlayacaq qurultayının mühafizəsinin də gücləndiriləcəyini vəd edib.

 

Bununla yanaşı, ABŞ-ın indiki və əvvəlki prezidentlərinin təhlükəsizliyinə cavabdeh olan Amerika Məxfi Xidməti məlumat verib ki, respublikaçıların qurultayında öz işlərində "hər-hansı opetativ dəyişiklikləri gözləmir".