Moderator.az xəbər verir ki, bu barədə "tass.ru" agentliyi məlumat yayıb.

 

Bundan başqa, hüquqşünas Aleksey Pryanişnikovun deməsinə görə, məhkəmə Nevzorovların Rusiyadakı əmlakını-üç torpaq sahəsi, yaşayış evi, avtomobili və MMC-dəki paylarını dövlətin xeyrinə müsadirə edib.

 

"Yalnız anasına məxsus olan yaşayış evi və torpaq sahəsi müsadirə edilməyib", - hüquqşünas izah edib. Pryanişnikovun sözlərinə görə, prokurorluq bu evin də müsadirə edilməsini tələb edib.

 

Rusiyada ailənin "ekstremist birlik" kimi tanınması ilk dəfədir ki, baş verir. Hüquqşünasın fikrincə, bu, sonuncu da deyil. 

 

"Ehtimal ki, Nevzorovlar ilk qaranquşlardır. Onlar üzərində mexanizm işlənib hazırlanacaq və dövriyyəyə buraxılacaq", - o, bu ilin may ayında prokurorluğun məhkəmə iddiasından sonra deyib.

 

Nevzorov deyib ki, onu Rusiyada qalan əmlakı narahat etmir, özü isə bu ölkə ilə heç bir əlaqədə olmaq istəmir.

 

Nevzorov məhkəmənin qərarını belə şərh edib. "Azadlığın çox baha başa gəlir. Maddi olaraq məni hələ də Rusiya ilə bağlayan nə varsa, "dövlətin xeyrinə müsadirə edilib".  Bununla belə, mən Rusiyanın xəyanət etdiyi və məndən oğurladığı birinci adam deyiləm, sonuncu da deyiləm", - Nevzorov özünün "Telegram-kanal"ında yazıb.

 

Jurnalistin sözlərinə görə, iki ay ərzində o, şantaj edilib, müharibə, Ukrayna və "Kreml ölüsü" (Vladimir Putin nəzərdə tutulur-red.) bağlı "mövqeyinə korrektələr etməsi" müqabilində ona "yaxşı məhkəmə qərarı" təklif edilib. Nevzorov qeyd edib ki, belə taktika ölkəni tərk edən digər rusiyalılara qarşı da tətbiq ediləcək.

 

"Kimin çökəcəyi dərhal görünür. Seçim çox sadədir: ya duqinlər-putinlər-milonovların göstərişi ilə yaşamağa razı olmalısan, ya da ən başlıcası, azadlığını qoruyub saxlamalısan", - Nevzorov vurğulayıb.

 

"Mən anlayıram ki, bilavasitə Kreml ölüsü və prezident administrasiyasına mane oluram. Mən cinayətin, qanunsuzluğun, bu müharibənin mənasızlığının gerçək rolunu kifayət qədər tutarlı şəkildə izah edə bilirəm. Rusiyada hazırda yaşayanlar ya qorxub susanlar, ya özünü qoruyanlar, ya da rejimin gerçək qullarıdır", - o, deyib.

 

Nevzorov həmçinin məlumat verib ki, prokurorluğun iddiası və sonradan məhkəmə üçün formal səbəb onun Ukrayna Silahlı Qüvvələrinin yaralıları üçün cəbhəyə göndərdiyi iki reanimobil olub.

 

Qeyd edək ki, Aleksandr və Lidiya Nevzorovlar Rusiyanın Ukraynaya tammiqyaslı hərbi müdaxiləsindən sonra Rusiyanı tərk edib. 

 

2023-cü ilin fevralında jurnalist Rusiya ordusu haqqında "feyklər"lə bağlı iş üzrə səkkiz il həbs cəzasına məhkum edilib. 

 

Həmin ilin aprel ayında Nevzorova qarşı rusiyalılar və keşişlərə qarşı "nifrətin oyadılması" ilə bağlı cinayət işi açılıb. 

 

Bir il sonra isə xarici agent "vəzifələrinin icrasından boyun qaçırması" ilə bağlı daha bir cinayət işi açılıb. Rusiya DİN jurnalisti axtarışa verib.