“Bunu əvvəlcədən proqnozlaşdırmaq olmaz. Çünki budəfəki seçki əvvəkilərdən fərqlənməlidir. İlk növbədə, xalqın özünün seçdiyi insanlar olmalıdır. Bu sualı verməyinizin səbəbini onda görürük ki, ötən seçkilərdə ondan əvvəlki seçkilərdə Ramiz Mehdiyevin siyahısı əsasında seçilənlər də deputat kimi qalmışdılar. İnanmırıq ki, bu dəfə belə olacaq. Azərbaycan Prezidenti güclü  şəxsiyyətdir və o, belə  halların qarşısını “dəmir yumruğu” ilə alacaqdır”.

 

Bu fikirləri Moderator.az-a açıqlamasında siyasi analitik Tahir Cəfərli “Necə proqnozlaşdırırsız, növbədənkənar parlament seçkilərindən sonra köhnə deputatlardan neçə faizi yerində qalacaq?” sualını cavablandırarkən ifadə edib.

 

“Seçkilərin şəffaf keçirilməsi Qərbin  Azərbaycan  hökuməti qarşısında qoyduğu tələblərdəndir. Əlbəttə ki, Azərbaycan müstəqil dövlət olsa da, ölkə Prezidenti tərəfindən aparılan istər xarici, istərsə daxili siyasəti dövlət maraqları əsasında qurulsa da, ölkəmizə qarşı bədniyyət dövlətlər burunların imperialist  məqsədləri ilə  Azərbaycana soxmaq üçün bir səbəb, bəhanə axtarırlar. Dövlət başçımızın apardığı balanslaşdırılmış siyasəti pozmaq üçün bu dövlətlər demokratiyanın Azərbaycanda pozulduğunu əsas götürüb ölkəmizə qarşı təcavüz edə bilərlər. Biz öncəki söhbətimizdə belə ölkələri susdurmaq üçün iki demokratik prinsipin həyata keçirilməsinin vacibliyini qeyd etdik.  Əlavə edək ki, YAP-ın bütün bölgələrdə güclü dayaqları var. Yuxarıda göstərdiyimiz regional təmsilçilik prinsipi əsasında öz namizədlərini irəli sürə ilərlər. Bu prinsip əsasında başqa partiya və qurumlar da öz namizədlərini irəli surərlərsə, Azərbaycandakı növbəti seçkilərdə deputatlar demokratik prinsiplərin əsasında seçilərsə,  heç bir ölkə bizə qarşı bir söz deyə bilməz. İnanırıq ki, Qarabağın fatehi, son 100 il əzində İslam dünyasında xristianların işğal etdiyi torpaqları qaytara bilmiş ilk ölkə başçısı olan İlham Əliyev Qazaxıstan rəhbəri Tokayev kimi seçki prosesində ciddi qayda-qanun yaradacaq, respublikamıza şərəf gətirməyən  yerlipərəstlik və klançılığa son qoyacaq”, - deyə davamında analitik vurğulayıb.

 

Sultan Laçın