ABŞ-ın ən yaşlı sakini uzunömürlülüyün sirlərini açıqladı

İsrailin şimalına güclü hücum edilib - "Hizbullah" 160 raket və 15 dron buraxıb

“Azərbaycan-Qazaxıstan dostluğu türk dünyasının birliyinə və tərəqqisinə xidmət edir”

"Amerikalı astronavtlar həqiqətən Aya eniş edibmi?" - "Roskosmos" rəsmən açıqladı

Qazax müxalifət fəalı Kiyevdə reanimasiyada dünyasını dəyişib, həyat yoldaşı Tokayevi təqsirli bilib

İsraildə Qərbi Nil qızdırması virusu yayılmaqdadır, insanlar tələf olmaqda davam edir

"NATO Ukraynaya ildə 40 milyard avro məbləğində hərbi yardım ayıracaq" - "Reuters"

“İranda ən böyük səlahiyyət sahibi Əli Xameneinin də Azərbaycan türkü olduğu deyilir: nəsə dəyişibmi?..”

"Bayden uğursuz debatlardan sonra seçkilərdə iştirakı üzərində düşünür" - "The New York Times"

ABŞ-ın ən yaşlı sakini uzunömürlülüyün sirlərini açıqladı

Oxunub: 1683

02 Jul 2024 | 23:44

ABŞ-ın ən yaşlı sakini uzunömürlülüyün sirlərini açıqladı

"Yeniliyi öyrənmək və fəal sosial həyat sürmək ahıl yaşda koqnitiv funksiyaların saxlanılmasına kömək edir..."

Bu ilin iyun ayında ABŞ-ın ən yaşlı sakini Morri Markoff 110 yaşında həyatla vidalaşıb. Tanınmış səyyah, fotoqraf və heykəltəraş sağlam beynin ən yaşlı donoru kimi rekordsmen olub.

Moderator.az xəbər verir ki, bu barədə "upl.uz" nəşri yazıb.

Məlumatda deyilir ki, "Donor beyni" layihəsinin alimləri koqnitiv qocalma proseslərini daha yaxşı anlamaq üçün Markoffun beynini öyrənməyi planlaşdırır.

Ahıl yaşına rəğmən, Markoff son günlərinədək aydın zəkasını saxlaya bilib və nevroloji xəstəliklər keçirməyib.

Qızı Cudit Hansenin sözlərinə görə, atasının uzunömürlülüyünün sirri sadə, lakin təsirli vərdişlərin uzlaşmasında olub.

"Atam həmişə deyərdi: "Mən belə yaşayıram, çünki bu, işləkdir", - bunu 83 yaşlı Cudit deyib.

Markoffun uzunömürlülüyünün əsas dayaqlarından biri müntəzəm fiziki fəallığı olub. Uzun illər ərzində o və 103 yaşadək yaşamış həyat yoldaşı Betti hər gün üç mil (1 mil 1, 6 km-dir-red.) piyada gəzib.

Bu vərdişi onlar 90 yaşınadək saxlayıb. Hətta ahıl yaşlarında uzunmüddətli gəzintilər çətin olsa da, Markoff evdə hərəkət edərək fiziki fəallığından qalmayıb.

Qidalanma uzunömürlünün həyatında mühüm rol oynayıb. Markoff ev yeməklərinə üstünlük verib, emal edilən ərzaqlardan yan keçib. Desertlərə az miqdarda icazə verilib.

"Bizdə heç vaxt mağazadan alınan peçenye və ya qazlı su olmayıb, amma qəribə də heç nəyimiz olmayıb", - Hansen vurğulayıb.

Ailə həmçinin plastik qablardan imtina edib.

Lakin fiziki sağlamlıq uzunömürlülük tənliyinin yalnız bir hissəsidir. Canlı düşüncə və ətraf mühitə olan maraq Morri Markoffun ayrılmaz xüsusiyyəti olub.

Məktəbi səkkizinci sinifdə tərk etmək məcburiyyətində qalmasına rəğmən, biliklər əldə etmək həvəsi onu bütün həyatını müşayiət edib.

Həyat yoldaşı ilə birlikdə onlar çoxlu səyahət edib, avtobus və qatarla dəbdəbəli səyahətlərə üstünlük verib.

Yeniliyi öyrənmək sevgisini Markoff yaradıcılıqda-fotoqrafiyada, metaldan heykəltaraşlıqda, bloqçuluqda, sonradan kitab yazmaqda gerçəkləşdirib.