![Azərbaycan – neokolonializmə qarşı mübarizədə bəşərin ümid yeri!](https://moderator.az/cphoto/670x420/2024/06/16/1718542928_1.jpg)
XXI əsr ötən əsrlərlə müqayisədə demokratiya və insan hüquqlarının təntənəsi əsri olsa da, yaşadığım bu dönəmdə də zəif, azsaylı xalqların əsrətdə saxlanılması, onların maddi-mədəni sərvətlərinin istismar edilməsi hallaırna rast gəlinməkdədir. Beynəlxalq qanunlarla yanaşı, insan əxlaqı və mənəviyyatı ilə ziddiyyət təşkil bu cür hallar özünü beynəlxalq ictimai rəyə “demokratiyanın əsas ixracatçılarından biri” kimi sırımağa çalışan Fransanın fəaliyyətində daha aydın müşahidə edilir. Nə qədər qəribə olsa da, sözdə demokratiya və insan haqlarından bəhs edən Fransa, əməldə demokratiya və insan haqlarının qərliamını həyata keçirir ki, bunun da ən bariz nümunəsi Afrika, Şərqi Asiya və Okeaniyadakı bir çox ada xalqının əsarətdə saxlanılmasıdır.
Yeni Kaledoniyada ucalan üçrəngli bayraq, yaxud kiçik dövlətin böyük cəsarəti!
Fransanın əsarətdə saxladığı xalqlardan biri də Yeni Kaledoniyadakı kanak xalqıdır. Uzun müddətdir ki, Fransa əsarətindən əziyyət çəkən bu xalq rəsmi Paris tərəfindən assimilyasiyaya məruz qalmaqda, sərvətləri talanmaqda, hərtərəfli hüquqsuzluq içində yaşamaqdadır.
Azərbaycandan min kilometrlərlə uzaqda – Sakit okeanın cənub-qərb hissəsində yerləşən, Fransanın müstəmləkəsi olan bu ölkədə Parisin zülm və əsarət siyasətinə etiraz əlaməti olaraq üçrəngli bayrağımızın ucaldılması ciddi mətləblərdən xəbər verir. Bu, hər şeydən öncə Azərbaycanın, onun Prezidenti İlham Əliyevin bütün dünyada imperialist dövlətlərin müstəmləkəçilik siyasətindən təngə gələn, bu siyasətdən əziyyət çəkən xalqlar üçün ümid yerinə çevrildiyini göstərir.
Xatırladaq ki, Azərbaycan Fransanın müstəmləkə siyasətinə qarşı açıq və qətiyyətli mübarizə aparmaqda, rəsmi Parisin demokratiya və insan haqlarına zidd siyasətini konkret faktlarla ifşa etməkdədir. Azərbaycan Respublikasının Milli Məclisində Korsika xalqına dəstək qrupunun yaradılması, Fransanın müstəmləkəçilik siyasətinin Prezident İlham Əliyev tərəfindən ən yüksək tribunalardan ifşa edilməsi, beynəlxalq təşkilatlarda müzakirəyə çıxarılması, ölkəmizin bu məsələdə əzilən xalqların himayədarına çevrildiyini göstərir. Məhz bunun nəticəsidir ki, Yeni Kaledoniya və bu qəbildən olan bir çox xalq bu gün Fransanın müstəmləkə siaysətinə qarşı aparıdğı mübarizədə ölkəmizin cəsarətli mövqeyindən mənəvi-psixoloji baxımdan ciddi ilham alır, öz mübarizələrində Aqzərbaycanın və demokratik dünyanın dəstəyinə ümid edir. Bu fakt özünü sözdə demokratiyanın beşiyi elan edən Fransa və bu qəbildən olan imperialist dövlətlərdən fərqli olaraq, Azərbaycanın gerçək mənada denokratik dövlət olduğunu, başqa xalqların hüquq və azadlığına hörmət və ehtiramla yanaşdığını göstərir. Bu fakt sübut edir ki, öz xalqını başqa xalqların qanı və göz yaşını hesabına bəsləyən Fransanın əksinə olaraq, Azərbaycan bütün bəşəriyyətin rifahı və azadlığına çalışır. Öz siyasətində bu məqsədi prioritet hesab edir.
Ölkəmzidən min kilometrlərlə uzaqda yerləşən əsarət altındakı xalqların Azərbayacana dikilən ümid və mərhəmət dolu nəzərləri ölkəmizin humanistliyinin, ümumbəşəri ideyalara sadiqliyinin göstəricisidir.
Xalqı ilə yanaşı, həm də bütün bəşəriyyətin mənafeyini düşünən lider
Hər bir dövlətin xarici siyasətində milli maraqları əsas tutduğu, bütün addımları bu maraqların çərçivəsində atdığı birmənalıdır. Bu baxımdan Azərbaycanın da Prezident İlham Əliyevin rəhbərliyi altında uğurlu xarici siyasət yürütdüyü, milli maraqlarımızı beynəlxalq arenada müvəffəqiyyətlə müdafiə etdiyi birmənalıdır. Lakin digər ölkələrlə müqayisədə respublikamızın xarici siyasətinə xas tamam fərqli bir xüsusiyyət də mövcuddur. Bu isə Azərbaycanın xarici siyasətinin milli maraqlarla yanaşı, həm də ümumbəşəri maraqlara xidmət etməsi, bütün insanlığın mənafeyinə yönəlməsidir. 2020-2021-ci illərdə dünyanı ağuşuna alan koronavirus pandemiyası dönəmində Azərbaycanın “vaksin inhisarçılığına” qarşı açıq şəkildə mübarizə aparması, Qərb dövlətlərini Afrika, Asiya və Latın Amerikası xalqlarına münasibətdə ədalətli mövqe sərgiləməyə səsləməsi, bir çox ölkəyə vaksin yardımları göstərməsi buna sübutdur.
Azərbaycanın ümumbəşəri dəyərlərin qorunması, haqq və ədalətin beynəlxalq miqyasda təmin olunması, insan hüquq və azadlığının müdafiəsi yolunda atdığı mühüm adımlardan biri isə Bakı Təşəbbüs Qrupunun yaradılmasıdır.
Prometey yurdundan dünyaya səsləniş: “Azadlıq hər xalqın haqqıdır!”
6 iyul 2023-cü ildə Bakıda Azərbaycanın sədrlik etdiyi Qoşulmama Hərəkatının Əlaqələndirmə Bürosunun nazirlər toplantısı çərçivəsində “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən Bakı Təşəbbüs Qrupunun yaradılması sadəcə ölkəmizin deyil, dünya xalqlarının həyatında yeni bir dönəmin başlanğıcı oldu.
Azərbaycanın liderliyi altında Bakı Təşəbbüs Qrupunun yaradılması Fransa və digər imperialist güclərin müstəmləkəçilik siyasətinə qarşı vahid mərkəzin formalaşmasını təmin etdi. Bu, müstəmləkə siyasətinə qarşı daha sistemli və məqsədyönlü şəkildə mübarizə aparmaq üçün zəmin yaratdı. Azərbaycan bununla əsarət altındakı bütün xalqları Bakı Təşəbbüs Qrupunun simasında vahid platformada bir araya gətirməyə, ideoloji və mənəvi-psixoloji baxımdan birləşdirməyə nail oldu. Hansı ki, bu, özlüyündə imperialist güclərlə mübarizədə ilk böyük zəfər idi. Çünki Bakı Təşəbbüs Qrupu yaradılana qədər əsarət altındakı xalqlar imperialist dövlətlərlə qarşı pərakəndə şəkildə mübarizə aparır, bu mübarizə beynəlxalq səviyyədə dəstək almır, dünya ictimaiyyətinin diqqətinə çatdırılmırdı. Bu səbəbdən də Fransa və digər dövlətlər xalqların azadlıq mübarizəsini qan gölündə asanlıqla boğur, öz cinayətlərini böyük ölçüdə ört-basdır etməyə nail olurdular. Bakı Təşəbbüs Qrupunun yaradılması onları bu imkandan məhrum etdi. Bu gün əsarət altına alınan xalqların nümayəndələri Bakı Təşəbbüs Qrupunun fəaliyyətində fəal şəkildə iştirak edir ki, bu da həmin xalqların azadlıq uğrundakı mübarizəsinin hər anını beynəlxalq ictimaiyyətin diqqətinə çatdırmağa, imperialist güclərin məkirli siyasətini effektiv şəkildə ifşa etməyə imkan verir.
Azərbaycanın – Promotey yurdunun Bakı Təşəbbüs Qrupunun timsalında dünya nəhənglərini lərzəyə salması əsarətdəki bütün xalqlar üçün yeni bir ümid, yeni bir ilham mənbəyi olmaqdadır. Azərbaycanın, onun Müzəffər Ali Baş Komandanının apardığı bu tarixi mübarizəsnin nüvəsində, ana xəttində isə bu ideya dayanır: “Azadlıq hər bir xalqın haqqıdır və bu haqq hökmən təmin olunmalıdır!”
Milli iftixar mənbəyi və beynəlminəlçi qəhrəman: İlham Əliyev!
Bakı Təşəbbüs Qrupu “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən yaradılsa da, bu qurumun formalaşmasında İlham Əliyev faktorunun mühüm rol oynadığı şübhəszidir. Məhz Prezident İlham Əliyevin 6 iyul 2023-cü il tarixinə qədər diplomatiya və media paltformasında imperializmə qarşı apardığı mübarizədə, bu mübarizənin insanlıq və beynəlxalq hüquq adına önəmi ilə bağlı ortaya qoyduğu inkaredilməz faktlar Bakı Təşəbbüs Qrupunun meydana çxıması üçün gərəkli olan zəmini formalaşdırmış, bu zərurəti dünya ictimaiyyətinin diqqətinə çatdırmışdır. Elə bütün bunların nəticəsidir ki, Prezident İlham Əliyevin adı qısa zamanda əsarət altındakı bütün xalqlar arasında qısa zamanda populyalaşmış, Müzəffər Ali Baş Komandan əzilən xalqlar tərəfindən əsl qəhrəman – mənəvi lider kimi qəbul edilmişdir.
Bu gün Azərbaycan Prezidentinin şəkli Azərbaycan bayrağı ilə birlikdə əsarət altındakı xalqların təşkil etdiyi etiraz aksiyalarında ucaldılmaqda, onun portreti imperializm əleyhinə dərc edilən qəzet və jurnalların manşetini bəzəməkdədir. Buna nümunə olaraq 30 mart 2024-cü il tarixində Yeni Kaledoniyada dərc edilən “La Voix du Caillou” jurnalında İlham Əliyevin portretinin və "Dəmir yumruq" təsvirinin nəşrin üz qabağında yer alması faktını göstərmək olar. Bu fakt bir daha sübut edir ki, 44 günlük Vətən müharibəsində erməni faşizmi darmadağın edərək Azərbaycanın ərazi bütövlüyünü təmin edən, bununla da xalqımızın və bütün türk dünyasının milli iftixarına çevrilən İlham Əliyev, bu gün əsarət altındakı xalqların mübarizəsinə verdiyi dəstəklə beynəlminəlçi qəhrəman statusuna yüksəlmişdir.
Əsarətdəki milyonlarla insanın ölkəmizə, onun prezidentinə olan bu sevgisi İlham Əliyevin şəxsiyyət kimi böyüklüyündən xəbər verir. Bu sevgi həm də ondan xəbər verir ki, artıq Prezident İlham Əliyevin timsalında əsarətdəki xalqların güclü, yenilməz mənəvi ldieri mövcuddur və bu lider onların arzusundakı olduqları azadlığa qovuşmasına öz töhfəsini verəcəkdir!
Beynəlxalq birlik neokolonializmə meydan oxuyan Azərbaycana dəstək verməlidir!
Təbii, Azərbaycanın beynəlxalq birliyin dəstəyi olmadan müstəmləkə siaysətindən əziyyət çəkən xalqları öz azadlığına qovuşdurması olduqca çətindir. Ancaq bu da bir reallıqdır ki, Fransadan həm ərazisinə, həm əhali sayına, həm də iqtisadi gücünə görə dəfələrlə balaca olan, fəqət Fransadan qat-qat böyük mənəvi dəyərlərə, nəcib ideyalara sahib olan Azərbaycan müstəmləkəçiliyə qarşı sərgilədiyi prinsipial mövqe ilə bütün dünya üçün cəsarət nümunəsinə çevrilib. Dünyanın Azərbaycan nümunəsindən ibrət alması, xalqımızın digər xalqların azadlığına hesablanan mübarizəsinə dəstək verməsi vacibdir. Bu gün başının üzərində milli bayrağını dalğalandıran hər bir xalq anlamalıdır ki, humanizmin, demokratiyanın, insan haqlarının inzibati sərhədi yoxdur və onların əsarət altında əzilən xalqların məhvini seyr etməsi hər şeydən öncə insani baxımdan yolverilməzdir.
Odur ki, özünü bəşərin, insanlığın bir parçası hesab edən hər bir xalq Azərbaycanın Fransanın müstəmləkəçilik siyasətinə qarşı apardığı mübarizədə ölkəmizə dəstək verməli, əsarət altındakı xalqların azadlığına töhfə vermək üçün əməli addımlar atmalıdır. Çünki Fransanın dünyanın fərqli coğrafiyalarında qan gölündə boğduğu xalqlar bizim dünyamızın bir parçasıdır və onların azadlığına atılan hər bir güllə bütün insanlığın qətli deməkdir.
Seymur ƏLİYEV
![Ekspert:](https://moderator.az/photo/213x120/2024/07/31/1722435479_ismail_haniyeh.jpg)
![Toz halındakı qidalar qidalandırıcı yeməyi əvəz edə bilməz](https://moderator.az/photo/213x120/2024/07/31/1722434963_toz-halinda-qidalar.jpg)
![Elçin Babayev “Gənc istedadlar” liseyinin qızıl və gümüş nişana layiq görülmüş məzunları ilə görüşüb - FOTO](https://moderator.az/photo/213x120/2024/07/31/1722434781_69.jpg)
![Naxçıvan televiziyasından açıqlama](https://moderator.az/photo/213x120/2024/07/31/1722434433_ntv.jpg)
![Elcan Hacıyev Paris xəstəxanasına çatdırıldı](https://moderator.az/photo/213x120/2024/07/31/1722434273_68.jpg)
![Rusiya və İran tarixi müqavilənin şərtlərini razılaşdırıb](https://moderator.az/photo/213x120/2024/07/31/1722434046_67.jpg)
![Rusiya nüvə silahından istifadə etməyə hazırlaşır](https://moderator.az/photo/213x120/2024/07/31/1722433703_66-1.jpg)
![Sabahdan ATƏT DTİHB-in müşahidə missiyası Azərbaycanda fəaliyyətə başlayacaq](https://moderator.az/photo/213x120/2024/07/31/1722433245_65.jpg)
![Faciəvi şəkildə ölən hərbçilərimizin FOTOSU](https://moderator.az/photo/213x120/2024/07/31/1722435346_70.jpg)
![Ceyhun Bayramov ATƏT rəsmisi ilə görüşdü - FOTO](https://moderator.az/photo/213x120/2024/07/31/1722433097_64.jpg)
![](https://moderator.az/photo/213x120/2024/07/31/1722432320_62.jpg)
![Hüseyn Abdullayevin cinayət işi məhkəməyə göndərildi](https://moderator.az/photo/213x120/2024/07/31/1722432013_61.jpg)
![RİNN-də taksi şirkətləri ilə görüş keçirilib](https://moderator.az/photo/213x120/2024/07/31/1722431512_60.jpg)
![Növbəti köç karvanı Laçına çatdı - FOTOLAR](https://moderator.az/photo/213x120/2024/07/31/1722431235_59.jpeg)
![Yanmayan bonuslar “Nar”ın “Full” tariflərində!](https://moderator.az/photo/213x120/2024/07/31/1722430912_58.png)
![Avqustda hava necə olacaq? - AYLIQ PROQNOZ](https://moderator.az/photo/213x120/2024/07/31/1722430431_57.jpg)
![BDU DİM-in təşkilatçılığı ilə ali təhsil müəssisələrinin sərgisində təmsil olunur - FOTO](https://moderator.az/photo/213x120/2024/07/31/1722430288_56.jpg)
![Jurnalistika ixtisasına qəbul olmaq üçün qeydiyyatdan keçən abituriyentlərin nəzərinə!](https://moderator.az/photo/213x120/2024/07/31/1722429987_55.jpg)
![Bu il 210 nəfər Azərbaycana readmissiya olunub](https://moderator.az/photo/213x120/2024/07/31/1722429599_54.jpg)
![Bu yerlərə yağış yağdı - FAKTİKİ HAVA](https://moderator.az/photo/213x120/2024/07/31/1722429444_53.jpg)
![Hakimlərdən cüdoçumuza qarşı qərəzli qərar - VİDEO](https://moderator.az/photo/213x120/2024/07/31/1722429348_52.jpg)
![Bu müəllimlərin dərs saatları ARTIRILACAQ - RƏSMİ](https://moderator.az/photo/213x120/2024/07/31/1722429053_51.jpg)
![Haniyənin qətli ilə bağlı ŞOK AÇIQLAMA - “Bu zərbə həmin ölkədən endirə bilər”](https://moderator.az/photo/213x120/2024/07/31/1722428825_50.jpg)
![Flora Kərimovadan qızı ilə bağlı paylaşım - VİDEO](https://moderator.az/photo/213x120/2024/07/31/1722428609_49.jpg)
![Ələkbər Yasamallının evi qarət edildi, özü isə hədələnir](https://moderator.az/photo/213x120/2024/07/31/1722428300_48.jpg)
![HƏMAS liderinin öldürülməsi nələrə yol aça bilər? - EKSPERT AÇIQLADI](https://moderator.az/photo/213x120/2024/07/31/1722426972_hemas-lideri.jpg)
![Davam edən İran-İsrail müharibəsi – maraqların qurbanı İsmayıl Haniyə - ŞƏRH + FOTO](https://moderator.az/photo/213x120/2024/07/31/1722427863_47.jpg)
![](https://moderator.az/photo/213x120/2024/07/31/1722426802_46.jpeg)
![“Pulunu da verirlər, silahını da, müharibə üçün daha nə lazımdır ki?”](https://moderator.az/photo/213x120/2024/07/31/1722426147_its-an-all-out-currency-war-08062019.jpg)