ABŞ prezidenti Co Bayden, deyəsən, Ukraynanın NATO-ya daxil olmaq sorğusunun üstündən xətt çəkib. Bəzi ekspertlər hesab edir ki, NATO üzvləri tərəfindən Alyansa daxil olmadan Ukraynaya verilən istənilən təhlükəsizlik zəmanətləri "açıq-aşkar yalandır".

 

Moderator.az xəbər verir ki, bu barədə "Business İnsider" nəşri yazıb.

 

Nəşr qeyd edir ki, Bayden özünün yenidən seçilməsi şanslarını zəiflətməyəcək. Lakin NATO-ya sürətli daxil olmaq planından imtina edilməsi Ukraynanın üzvlüyə olan ümidlərini itirmir.

 

Avropa Şurasının beynəlxalq münasibətlər üzrə dəvət edilən elmi əməkdaşı Leo Litra deyib: "Bayden Amerika ictimaiyyətinin şüuruna belə bir fikri təlqin etməyə cəhd göstərir ki, ABŞ prezidentinin yenidən seçilmə şanslarını zəiflətməmək üçün müdaxilə etmək niyyətində deyil".

 

 

2023-cü ilin iyul ayında NATO-nun Vilnüs sammitində qəbul edilən G7 ölkələrinin birgə bəyannaməsinə əlavə olaraq Ukrayna NATO-nun üzv-ölkələri ilə təhlükəsizlik barədə 15 ikitərəfli saziş imzalayıb.

 

Almaniya beynəlxalq münasibətlər üzrə Şurasında Şərqi Avropa üzrə proqram rəhbəri Ştefan Mayster deyib ki, bu paketlər Ukraynaya "daha etibarlı uzunmüddətli hərbi dəstəyi və NATO-nun üzv-ölkələri tərəfindən təhlükəsizlik dəstəyini" təmin edəcək.

 

NATO baş katibinin köməkçisi Devid van Vil məlumat verib ki, uyul ayında NATO ilə Ukrayna arasında müdafiə texnologiyaları və Rusiyanın radioelektron mübarizə aparılması üzrə kəşfiyyat məlumatlarının mübadiləsi sahəsində əməkdaşlığın genişləndirilməsi haqqında sazişin imzalanması gözlənilir.

 

Lakin Mayster qeyd edib ki, 2024-cü ildən sonra hərbi yardım üzrə sabit öhdəliklərin olmaması "Ukrayna və onun müttəfiqlərinin üzləşdiyi cari problemləri və NATO daxilində ixtilafları əks etdirir".

 

Onun sözlərinə görə, bu paketlər üzv-ölkələr arasında NATO-ya inteqrasiya üzrə razılığın olmadığı vəziyyətə münasibətdir. Alyansın hər üzv dövlətinə müstəqil olaraq "Ukraynaya uzunmüddətli dəstəyi daha diqqətlə planlaşdırmaqla" məşğul olmaq lazım gəlir.

 

 

NATO ölkələri tərəfindən Ukraynaya fəal dəstək göstərilməsinə rəğmən, ekspertlər hesab edir ki, bu zəmanətlər tamhüquqlu üzvlük vəd edilmədən böyük çəkiyə malik deyil.

 

"Ukraynaya NATO üzvü olmadan verilən təhlükəsizlik zəmanətləri açıq-aşkar yalandır", - kanadalı analitik Maykl Makkey belə hesab edir. "Ukraynanın NATO-nun üzvü olmaması yalnız terrorçu Rusiya dövlətinin maraqlarına xidmət edir".

 

Belə "zəmanətlərin" boş bir şey ola biləcəyinə nümunə kimi Litra 1994-cü ilin Budapeşt Memorandumunu xatırladıb, bu sənədə görə Ukraynan ABŞ, Böyük Britaniya və Rusiya tərəfindən müdafiə müqabilində öz nüvə arsenalını təhvil verməli olub.

 

"Bu memirandumun müharibənin qarşısının alınması üçün heç bir əhəmiyyəti olmayıb", - ekspert qeyd edib.

 

Ukrayna və NATO-nun bəzi üzvləri tərəfindən bu sazişləri "Ukraynanın gələcəkdə NATO üzvlüyünə hazırlıq aləti kimi" nəzərdən keçirilməsinə rəğmən, Litra deyir ki, "xüsusilə ABŞ və Almaniyada ümumi ovqat bundan ibarətdir ki, Ukraynanın NATO-ya daxil olması Rusiya üçün eskalasiya olacaq". Maysterin sözlərinə görə isə, "NATO-ya inteqrasiyanın alternativi yoxdur".

 

 

ABŞ prezidenti Co Bayden gələcəkdə Ukraynada sülhü necə gördüyü barədə sualı cavablandırıb.

 

"Bu o demək deyil ki, onlar NATO-nun bir hissəsidir. Bu o deməkdir ki, bizim başqa ölkələr kimi onlarla münasibətlərimiz var, biz onlara gələcəkdə müdafiə olunması üçün silah tədarük edirik",  Amerika lideri bəyan edib.