“Orban özünü Rusiyanın agenti kimi aparır...”

Bizi sosial şəbəkələrdən izləyin:

Macarıstanın baş naziri Viktor Orban Brüsseldə özünü Rusiya agenti kimi aparır və Aİ-nin Ukrayna siyasətini əngəlləməsi sistematik xarakter alıb.

Moderator.az “UNİAN”-a istinadla xəbər verir ki, "Frankfurter Allgemeine Zeitung"-un müəllifi Nikolas Busse “Macarıstan lazım deyil” məqaləsində belə yazır.

Onun sözlərinə görə, Orbanın daimi maneələri artıq daxili siyasi motivlərlə tam izah oluna bilməz – dünyagörüşü aşkar görünür.

“Orban ələ keçirilmiş, şübhəsiz ki, qüsursuz olmayan, lakin Avropaya yönəlmiş demokratiya ilə təcavüzkar, imperialist avtokratiya arasındakı qarşıdurmada öz seçimini etdi. Seçimin Putinin xeyrinə edilməsi faktı Macarıstan tarixi fonunda sadəcə təəccüb doğurur”, - Busse bildirir.

Onun sözlərinə görə, Avropa İttifaqının digər üzv ölkələri toplantıdan-toplantıya qədər Macarıstan problemləri ilə məşğul olmağı dayandırmalıdır. Kiyevi dəstəkləmək üçün lazım olan şeylərin çoxu, o cümlədən silah təchizatı ikitərəfli əsasda və ya həmfikir qruplar şəklində təşkil edilə bilər.

"Tarixi nöqteyi-nəzərdən, biz də gələcəyə bir az daha rahatlıqla baxa bilərik, çünki bir gün Orban artıq vəzifədə olmayacaq. İndi vacib olan Rusiyanı dayandırmaqdır. Bunun üçün Macarıstan sizə lazım deyil", -deyə köşə yazarı əlavə edir.

Macarıstanın Ukraynaya yardımla bağlı mövqeyi haqda xatırlatma:

KİV-in məlumatına görə, Avropa İttifaqında Macarıstanın Ukraynaya yardım məsələsində davranışından narazılıq artır. Hazırda bu dövlət Ukraynaya 6,5 milyard avrodan çox dəstəyin buraxılmasına mane olur.

Litvanın xarici işlər naziri Qabrieliyus Landsbergisin sözlərinə görə, Macarıstan Avropanın Ukrayna ilə bağlı qəbul etdiyi qətnamələrin təxminən 41%-ni bloklayıb. "Artıq bu, çox, çox uzağa getdi",- deyə o vurğulayıb.

S.Laçın