Moderator.az xəbər verir ki, bu barədə Almaniyanın "Dir Zeit" və "Deutsche Welle" nəşrləri yazıb.

 

Dünən Berlində İmmanuel Kantın 300 illik yubileyi ilə əlaqədar olaraq təntənəli mərasim keçirilib. Mütəfəkkir 1724-cü ildə Keniqsberqdə (o zaman Şərqi Prussiya, hazırda Rusiyanın Kalininqrad şəhəri) anadan olub.

 

Tədbir proqramında Şoltsun təntənəli nitqi "Alman filosofu Kantın "Əbədi dünyaya" traktatı barədə düşüncələr" adlanıb.

 

Lakin Almaniya kansleri təkcə Kant barədə və ondan çox "sevimli filosoflarından" biri olan Rusiya prezidenti haqqında düşüncələrini təqdim edib. Kansler bilir ki, Kant faktiki olaraq "Kaliniqradın brendi" olub", - "Deutsche Welle" qeyd edib.

 

Öz nitqində Almaniya kansleri Rusiya prezıdentinə Kanta istinad etməyi qadağan edib. O, bəyan edib ki, Putinin buna zərrə qədər haqqı yoxdur. Lakin Putin rejimi nəyin bahasına olursa-olsun, filosofu və onun əsərlərini mənimsəməyə cəhd edir, Şolts bəyan edib.

 

Onun fikrincə, Rusiyanın Kantı mənimsəməyə haqqı yoxdur, çünki Putinin Ukraynaya qarşı müharibəsi Keniqsberqdə anadan olan filosofun bütün təməl prinsiplərinə ziddir.

 

"Rusiyanın Ukraynada törətdiyi dağıntılar onu məhv etmək istəyindən xəbər verir, bunun miqyasını 21-ci əsrdə kimsə təsəvvür edə bilməz.

 

Kant isə yazıb ki, heç bir dövlət digər dövlətin işlərinə güc yolu ilə müdaxilə edə bilməz. Rusiya prezidentinin məhz Kanta istinad etməsi faktı bu mənada cəfəngiyyat və riyakarlıqdır", - kansler bəyan edib.

 

"İmmanuel Kantın 300 illiyinin bayram edilməsi haqqında" fərman Rusiya hakimi tərəfindən hələ 2021-ci ilin mayında imzalanıb.

 

2024-cü ildə Putin öz çıxışlarında dəfələrlə alman mütəfəkkirini xatırlayıb. Bu ilin yanvar ayında o, deyib ki, ona yaxın olan yazıçı-filosoflar arasında İmmanuil Kant da var.

 

Hələ 2013-cü ildə Putin Kantı Kalininqrad vilayətinin rəmzi etməyi təklif edib. O zaman o, deyib ki, filisof təkcə region deyil, həm də bütün Avropa üçün rəmzi fiqura çevrilib.

 

Şolts öz niqtində Kreml rəhbərinin ziddiyyətli fikirlərindən istifadə edib.

 

2005-ci ildə Kalininqrad Universitetinin binasında İmmanuel Kantın xatirə lövhəsinin açılışında çıxış edərkən Putin bəyan edib: 

 

"Kant istənilən dövlətlərarası mübahisələrin müharibə yolu ilə həllinin qəti əleyhinə olub", "Rusiya Kant təlimində dövlətlərarası münasibələrin dinc yolla həllinə riayət etməyə çalışır".

 

2024-cü ildə Putin Kalininqradda tələbələrlə görüşündə diqqəti ona yönəldib ki, Kant "öz ağlından istifadə etmək cəsarətində" olmağa çağırış edib.

 

"Çünki öz maraqlarını rəhbər tutmaq və uğur qazanmaq öz tərəfdaşlarının maraqlarına hörmətlə yanaşmaq deməkdir. Biz belə də edirik, lakin biz heç vaxt Rusiyanın maraqlarını görməzdən gəlməyə imkan verməyəcəyik".

 

"Kantın öz ağlından istifadə etmək çağırışı son dərəcə aktualdır. Rusiya üçün bu, praktiki olaraq o deməkdir ki, biz öz milli maraqlarımızı rəhbər tuturuq", - Putin bəyan edib.

 

"Bu, cəfəngiyyatdır, çünki Kant dövlətlərin başqa dövlətlərin işlərinə müdaxilə etməyin birbaşa əleyhinə olub. Putinin Kanta istinad etməyə zərrə qədər haqqı yoxdur", - Şolts vurğulayıb.

 

"Buna baxmayaraq, Putin rejimi praktiki olaraq əvvəlkitək Kantı və onun əsərlərini mənimsəməyə sadiqdir", - o, əlavə edib.

 

2024-cü ilin yanvarında alman jurnalisti Mixael Tuman Kalininqraddan özünün icmal xarakterli "Bizim Kant" məqalə-reportajında yazıb:

 

"Ən azı iki Kant var-bizim Almaniyada ehtiramla yanaşdığımız Kant və Kalininqradda Putinin dünyagörüşü ilə bir araya sığdırılan dəfn olunmuş  Kant".

 

Böyük alman filosofunu Rusiya ilə birləşdirən onun bəlli olduğu kimi heç vaxt tərk etmədiyi doğma Keniqsberq şəhəridir.

 

Mütəfəkkir həm Keniqsberqin 1758-ci ildə Rusiyanın tərkibinə qatılması, həm də 1762-ci ildə onun Prussiyaya qaytarılmasını görüb.