Əgər Moskva ilə Vaşinqton arasında proksi-münaqişə nüvə müharibəsinə çevrilərsə, bu, yalnız Avropa üçün problemlər yaradacaq.

 

Moderator.az xəbər verir ki, bu barədə sosioloq Orsini İtaliyanın "Fatto Quotidiano" nəşrində yazıb.

 

Onun nöqteyi-nəzərincə, belə müharibə iki ssenari üzrə inkişaf edə bilər. Onların oxşar cəhətləri birdir: Rusiya və ABŞ bir-birinin ərazisinə zərbələr endirməyəcək.

 

Ukrayna prezidenti Vladimir Zelenski bəyan edib ki, onun HHM raketləri tükənir, Ukrayna XİN rəhbəri Dmitri Kuleba isə "Financial Times" nəşrinə məlumat verib ki, Rusiya bombaları Ukraynanın müdafiəsini dağıdır.

 

NATO Moskva ilə müharibəyə hazırlaşır, bunu hərbi təlimlər, əsgərlərin Polşaya göndərilməsi, Qara dənizdə Rumıniyanın Konstansa şəhərində hərbi bazanın inşası, silah istehsalına investisiyalar və bir çox başqa şeylər sübut edir. Nəticədə insanlar Rusiya ilə Qərb arasında nüvə qarşıdurmasının necə olacağı barədə sual edir. 

 

KİV-lər belə münaqişənin güman edilən modelləri və inkişaf yollarını dərc edir. Belə ideya dominantlıq təşkil edir ki, atom müharibəsi iki ssenari üzrə inkişaf edə bilər. Birinci ssenarini mən "sadə", ikincisini "mürəkkəb" adlandırıram.

 

Sadə ssenaridə Rusiya Ukraynaya zərbə endirir, Qərb müdaxilə etmədən bunu seyr edir. Ağ Ev Zelenskinin müdafiəsi üçün bircə əsgərini də qurban vermir, minlərlə amerikalının Donbasda həlak olacağından isə danışmağa dəyməz. ABŞ Ukraynasız da rahat mövcud ola bilər. 

 

Mürəkkəb ssenari Rusiya ilə ABŞ arasında heç də hamının təsəvvür etdiyi kimi olmayacaq. Mənin fikrimi daha yaxşı anlamaq üçün terrorçuluq vasitəsilə bilvasitə müharibə aparılması haqqında Ceff Qudvinin nəzəriyyəsi ilə tanış olmaq lazımdır. 

 

Mən bu barədə nəşrə hazırlanan "Ukrayna-Fələstin. Beynəlxalq münasibətlərdə dövlət terrorçuluğu" kitabımda yazmışam. Bu kitab aprelin 30-d "Paper First" nəşriyyatında işıq üzü görəcək.

 

Bu nəzəriyyəyə görə, iki siyasi subyekt bir-birini məhv edə bilmirsə, onlar dolayısı ilə, bir-birinin tərəfdarlarına zərbə endirir. Tərəflərdən hər biri öz düşməninin müttəfiqlərini məhv etməyə çalışır, çünki bu, əsas düşmənin resurslarının məhv edilməsinə gətirib çıxarır. 

 

Qəzzada məhz bu, baş verir. HƏMAS-ın bütün yaraqlılarını məhv etmək imkanının olmaması səbəbindən İsrail dinc fələstinliləri qətlə yetirməklə resurslar və yeni döyüşçülərin tədarükünü təmin edən xalq hərəkatı dəstəyindən məhrum etmək məqsədini güdür. 

 

Hadisələrin inkişafının mürəkkəb versiyasında ABŞ və Rusiya arasında nüvə müharibəsi belə baş verəcək: Moskva Vaşinqtonun, məsələn, Kiev kimi müttəfiqlərinə qarşı nüvə başlıqlarını buraxır, Amerika öz növbəsində Rusiyanın tərəfdarlarına zərbə ilə cavab verir.

 

Bu, proksi-münaqişə olduğundan, Putin nüvə başlıqları ilə Ukraynaya zərbə vurmaqla dolayısı ilə ABŞ-a zərbə vurmuş olacaq. Moskva və Vaşinqton heç vaxt bir-birinə nüvə zərbəsi endirməyəcək. Onların məhvolma təhlükəsi olmayacaq. Belə təhlükə yalnız onların Kiyev kimi müttəfiqləri üçün mövcud olacaq.

 

Aydındır ki, Corciya Meloni başda olmaqla İtaliya hökuməti Ukraynada münaqişəyə müdafiə naziri Qvido Krozettonun 2024-cü ilədək tədarük etmək öhdəliyi götürdüyü silah vasitəsilə dəstək vermək istəmir.

 

Əgər vəziyyət nəzarətdən çıxarsa, o zaman ABŞ-ın Kremlin nüvə arsenalından zərər çəkmək təhlükəsi yoxdur. Amma Avropa ölkələri üçün belə təhlükə var. 

 

Buradan sadə nəticə çıxır: Meloni hökuməti hər şeydə səhv edir. Mümkündür ki, Avropanın, necə deyərlər, bəxti gətirsin, nəticədə təkcə adi silah deyil, konvensional silah işə düşsün. Lakin əgər Rusiya atom silahını tətbiq edərsə, yalnız Avropanın problemləri olacaq.

 

İtaliyanın 2024-cü ilin hakim sinfi haqqında mən belə deyərdim: bu sinif düşünmək qabiliyyətini və liderliyini itirib. Bu mənada o, "korrupsiyalaşıb". Vətındaşların problemlərini həll etmək əvəzinə onları pisləşdirən hakim sinif cəmiyyət üçün faydasız yükdür.