Moderator.az xəbər verir ki, bu barədə onun həkimi dövlət başçısının illik tibbi müayinəsindən sonra məlumat verib. Məlumatı  BBC telekanalı yayıb.

 

Gözlənilir ki, bu dispanserizasiyanın nəticələri noyabr seçkilərindən öncə Baydenin sağlamlığı barədə sonuncu informasiya olacaq.

 

Seçkilərdən öncə sağlıq durumu son dərəcə diqqət mərkəzində olan 81 yaşlı Bayden çərşənbə günü Merilend ştatında hərbi hospitalda tibbi müayinədən keçib. 

 

Doktor Kevin O'Konnor öz hesabatında bəyan edib ki, Amerika liderinin sağlamlığı ilə bağlı hər hansı yeni problemi yoxdur. 

 

"Prezident Bayden 81 yaşında sağlam, aktiv, dözümlü kişidir, prezident vəzifələrini, o cümlədən icra hakimiyyəti başçısı, dövlət başçısı və Ali Baş Komandan vəzifələrini uğurla icra etmək iqtidarındadır", - O'Konnor qeyd edib.

 

O, öz hesabatında tibbi müayinəyə cəlb edilən həkimlərin ixtisaslarını və müayinələri müfəssəl qeyd edib.

 

Bunlar optometriya, stomatologiya, ortopediya, fizioterapiya, nevrologiya, yuxu təbabəti, kardiologiya, radiologiya və dermatologiyadır. Sənəd Ağ Evin tibb xidmətinin digər həkimləri tərəfindən də imzalanıb.

 

"Bu mütəxəssislərdən hər  biri müstəqil şəkildə prezidenti müayinədən keçirib və mənim nəticələrim və tövsiyələrimlə razılaşıb", - O'Konnor qeyd edib.

 

Müayinənin nəticələrinə görə, Baydenin çəkisi 80, 7 kq, boyu 182, 8 sm-dir, bu da onun 2023-cü ilin fevralında sonuncu fiziki müayinənin göstəricilərinə uyğundur. Həkim iddia edir ki, siyasətçi həftədə beş dəfədən az olmayaraq məşq etməkdə davam edir.

 

Əvvəlki müayinələr zamanı Baydenin onurğa beyninin "istismarı" ilə bağlı yerişi məhdud olub. Lakin son nəticələrə görə, Baydenin oynaq dəyişiklikləri mülayimdən ağır dərəcəyədəkdir, lakin hələ ki, bunlar sinir kötüklərinin xüsusi müalicə tələb edən sıxılmasına gətirib çıxarmayıb.

 

Hesabatda deyilir ki, Amerika lideri bu yaxınlarda sol budunda ağrılardan şikayət edib, bu da heç şübhəsiz onun yerişini ağırlaşdırıb. Baydenin yerişinin çətin olaraq qalmasına rəğmən, ötən ildən bəri pisləşməyib.

 

Hesabatda deyilir ki, Bayden səyrici aritmiyadan müalicə almaqda davam edir, qanı duruldan, habelə qastroezofagial rüflüks və hiperlipidemiyaya qarşı dərman preparatları qəbul edir.

 

Qeyd edilir ki, müfəssəl nevroloji müayinə Parkinson xəstəliyinin hər-hansı əlamətlərini aşkar etməyib. Bayden həmçinin dəri xərçənginə görə planlı müayinədən keçib.

 

Xatırladaq ki, fevralın 27-də Nümayəndələr Palatasının üzvü Ken Bak Konstitusiyaya 25-ci düzəlişdən istifadə edərək Co Baydenin psixi yararlılığı ilə bağlı məsələlərlə əlaqədar olaraq vəzifəsindən kənarlaşdırılmasına çağırış edən qətnaməni ABŞ Konqresinə təqdim etmək niyyətində olduğunu bəyan edib.

 

Buna səbəb kimi respublikaçı xüsusi prokuror Robert Hörün Baydenin məxfi sənədlərlə işi barədə hesabatını qeyd edib. 

 

Hesabatda hazırkı prezidentin ünvanına hər-hansı ittihamlar olmayıb, lakin o, dəfələrlə onu pis hafizəli qocalan lider kimi təsvir edib.

 

"Lənət şeytana, axı, o, bu məsələni qaldırmağa necə cəsarət edib? - Bayden xüsusi prokuroru nəzərdə tutaraq deyib. - Mənim onun tövsiyələrinə ehtiyacım yoxdur".