Moderator.az xəbər verir ki, bu barədə "The Guardian" nəşri yazıb.

 

Qəzet yazır ki, Ukrayna cəmiyyəti müharibədən tükənib, beyəlxalq dəstəkdə isə parçalanma baş verir. Bu isə cəbhədə döyüş sursatlarının kritik çatışmazlığına səbəb olur.

 

Bu zaman ukraynalıların əksəriyyəti sülh sazişi ideyasına dəstək vermək istəmir, çünki Rusiyanı bu sazişə əməl edilməsinə vadar etmək üçün mexanizmlər azdır. 

 

Razılaşmalar təcavüzkar üçün qüvvələrinin cəmləşdirilməsi və yeni zərbələrə hazırlıq üçün zaman ola bilər.

 

"Birinci il, sadəcə, sağ qalmaq, tamamilə sağ qalmaq ili olub...İkinci il dəyanət, müqavimət ili olub...Üçüncü il həlledici olacaq. Bu, daxili və xarici  təhlükələr ili olacaq", - bunu Zelenski mətbuat konfransında qeyd edib.

 

Prezidentin sözlərinə görə, gələcək bir neçə amildən asılı olacaq, bunlardan da biri Vaşinqtondakı vəziyyətdir.

 

"Birləşmiş Ştatlardakı seçkilər həlledici olacaq və o zaman biz gələcəkdə nələrin olacağını anlayacağıq", - o, deyib.

 

Eyni zamanda, Zelenski ABŞ Konqresində ilişib qalan böyük yardım paketi ilə bağlı müsbət ovqatdadır.

 

Xarici problemlərdən başqa, həm də daxili problemlər mövcuddur. Ukraynalılar arasında prezidentə dəstək reytinqinin hələ yüksək olmasına rəğmən, o, getdikcə daha toxunulmaz olmayacaq, Ukraynada isə siyasi rəqabət sezilməkdədir.

 

Qeyd edilir ki, Rusiyanın hərbi müdaxiləsindən sonra Zelenskinin Kiyevi tərk etməkdən imtina etməsi Ukraynada və xaricdə bir çoxlarını ruhlandırıb.

 

Lakin son zamanlar belə güman edilir ki, prezident komandası hələ də müharibənin ilk günlərindən bəri "bunker rejimindədir", dar çərçivədə idarəetməni həyata keçirir.

 

Bir neçə mənbənin məlumatına görə, son görüşlərində Zelenski müharibə vəziyyətində olan ölkəyə iki il rəhbərlikdən sonra tükənmiş görünüb.

 

"Bizə sağ qalmaq üçün igidlik, dəyanət gərəkdir. Bu il bu müharibənin başa çatmasının formatını müəyyən edəcək", - Zelenski deyib.

 

 

Bundan öncə "Business Recorde" nəşri məlumat verib ki, 2024-cü il Ukrayna üçün artilleriya böhranı dövrü bitəcək. Britaniya il ərzində Ukrayna Silahlı Qüvvələri üçün müvafiq təminata 286 milyon avro investisiya qoyacaq. 

 

Ukrayna XİN rəhbəri Dmitri Kuleba Avropa ölkələrindən Ukrayna istisna olmaqla digər ölkələrə döyüş sursatları ixracınım qadağan edilməsini təklif edib.

 

ISW yazıb ki, Rusiyanın rəsmi şəxsləri və dövlət KİV-ləri əhalinin işğaşçıların uğursuzluqlarına diddətini çəkməmək üçün Ukraynaya qarşı tammiqyaslı müharibənin ikinci ildönümünü işıqlandırmaqdan vaz keçib. 

 

Söhbət Rusiyanın xeyli itkilərindən, bəyan edilən strateji məqsədlərə nail olunmasının və Donetsk və Luqanskın zəbt edilməsi kimi vəzifələrin iflasa uğramasından gedir.