Bunu Moderator.az-a açıqlamasında Xocalıda sonuncu toyun bəyi Vidadi Qafarov deyib.

 

 

 

“Həyat yoldaşımla eyni yerdən idik, bir qəsəbədə yaşayırdıq. Xocalının özündə. O vaxt Xocalıda toyları daha çox şənbə və bazara salırdılar. 2 gün toy olurdu. Qardaşımla yoldaşım möhkəm dost olublar. Yanvar ayının 6-da bizdə nişan oldu. 1 ildən sonra yanvar ayının 18-də toy baş tutdu. Toyumuz yarımçıq saxlanıldı. Səs-küyü, musiqini saxladılar. İşıq da yox idi. Hər dəfə o günü düşünmək mənim üçün ağırdır. Hər gəncin ürəyində arzuları var idi. Cehizlərimdən ürəyim istəyən kimi istifadə etmədim. Arzu etdik ki, ürəyimizdə qalan arzuları balalarımız üçün edək. Onlar üçün gün ağlayaq. Xocalıdan çıxanda heç kim heç bir şey çıxartmadı. O bəzənmiş evdən biz də bir cehiz götürə bilmədik. Bütün xəyalım, fikrim o evdə qalıb. 1 ay o evdə qalmadım. Dəfələrlə o evi yuxularımda görmüşəm. Arzu edirəm ki, nəvəmin toyu Xocalıda olsun”, - deyə Xocalı sakini bildirib.

 

 

 

“Xocalıda Əliş dayı adlı bir fotoqraf var idi. O dövrdə toylarda fotoqraf olmurdu. O vaxt yoldaşım onu dəvət etmişdi, o da gəlib çəkmişdi. Məlum hadisələrdən 4-5 ay sonra yoldaşımı görüb demişdi ki, “evdən bir zənbil götürmüşəm, fotoaparat da onun içindədir”. Yoldaşım ondan xahiş edib ki, şəkilimiz olan lenti tapsın. Əliş dayı da tapıb yoldaşıma vermişdi. Şəkili görəndə çox sevindik”, - deyə o bildirib.

 

 

 

“Təəssüflər olsun ki, müəyyən səbəblər üzündən hələ də Xocalıya getməmişəm. Amma qardaşım getmişdi. Çox kədərlənirəm ki, valideynlərimin əzab-əziyyətlə tikdikləri evdən əsər-əlamət yoxdur. Xocalı aeroportu istiqamətində olan bütün evləri yerlə-yeksan ediblər. Bir daxma belə yoxdur ki, təsəlli tapaq. Çox istərdim Xocalıya gedim və orada gözəl bir nəvə toyu edim. Allah bütün şəhidlərimizə rəhmət etsin, qazilərimizə can sağlığı versin. Allah dövlətimizi, dövlət başçımızı qorusun”, - deyə Xocalı sakini bildirib.