Moderator.az xəbər verir ki, bu barədə "The Time" nəşri yazıb.

 

Rusiyanın Ukraynaya qarşı tammiqyaslı müharibəsinin ilk ilində fərsiz işğalçılara və onların axmaq komandirlərinə rişxənd etmək dəbdə olub. Ukraynanın sərt müdafiəsi mümkün olmayanın mümkünə çevrilə biləcəyi fikrini yaradıb. Fəqət, gerçəklik nikbin proqnozlardan fərqlənir.

 

Məqalədə deyilir ki, 2022-ci ilin uğurlu əkshücumundan sonra Britaniya Müdafiə Nazirliyinin məmurları səs-küy salaraq Ukraynanın il ərzində qələbə qazana biləcəyini güman edib.

 

"Bu həftə, Rusiyanın hərbi müdaxiləsinin ikinci ildönümündə, Ukrayna bir il öncəkindən xeyli təhlükəli vəziyyətdədir. 

 

Ukraynanın o cümlədən Baxmut, alınmayan yay əkshücumu və Rusiya qoşunlarının ötən həftə ələ keçirdikləri Avdeyevka kimi silsilə acı məğlubiyyətləri son 12 aya kölgə salır.

 

Kiyev 2024-cü ilə özünün Qərb müttəfiqlərinin sədaqəti ilə bağlı qeyri-müəyyənliklə daxil olub, hərçənd, düşmən dirçəlib və transformasiya edilib", - nəşr yazıb.

 

Ukraynanın təkcə son həftələrdə uğursuzluqları kədərlidir. Birincisi, ABŞ indiyədək yardım paketini təsdiq etməyib. İkincisi, Vladimir Zelenski Ukrayna Silahlı Qüvvələrinin Baş Komandanını əvəzləyib. Üçüncüsü, Rusiya bütün cəbhə boyunca hücuma başlayıb.

 

Bu çətinliklər Ukraynaya bu ildə məğlubiyyətinə zəmanət demək deyil. Kiyev bu problemlərin öhdəsindən gələ bilərsə, danışıqlar yolu ilə əlverişli nizamlanma əvvəlkitək mümkündür.

 

Nəşr dəqiqləşdirib ki, Ukrayna üçün Avropa İttifaqı və NATO üzvlüyünü nəzərdə tutan sülh sazişi əlverişli ola bilərdi.

 

Yeri gəlmişkən, döyüş meydanında vəziyyət Rusiyanın xeyrinə dəyişib. Düşmən tükəndirmə savaşı aparır. Ukrayna üç başlıca problemlərlə üzləşir və təşəbbüsü bərpa etmək istəyirsə onları həll etməlidir.

 

 

Hər şeydən öncə, Qərb müttəfiqlərinin Ukraynaya yardımla bağlı tərəddüdləri cəbhədə öz təsirini göstərir.

 

ABŞ-ın son yardım paketinin təsdiq edilməsində ləngimə Ukraynanı həyatı vacib olan artilleriya döyüş sursatlarından məhrum edərək Avdeyevkanın itirilməsilə sonuclanıb.

 

Avropa İttifaqı tərəfindən Ukraynaya dəstək sabit olmayıb. Ötən il Avropa İttifaqı Ukraynaya 2024-cü ilin martınadək bir milyon artilleriya mərmilərinin tədarük edilməsini vəd edib. Bunların yalnız yarıdan bir az çoxu vaxtında çatdırılıb. Bu arada isə Rusiya KXDR və İranın dəstəyini qazanıb.

 

Ukrayna özünün siyasi və hərbi problemlərində dolaşığa düşüb. Səfərbərlik haqqında qanun layihəsinin müzakirə mərhələsində olmasına rəğmən, Zelenski səfərbərlik yaşının 27-dən 18-dək azaldılmasını istəməyib. Bunun əvəzinə ön cəbhədə tükənmiş bölmələrin hərbçilərinin orta yaşı 43 təşkil edir.

 

"Ukraynanın münaqişənin digər hissələrində assimmetrik uğurlarına rəğmən, Ukraynada müharibə ərazi uğrunda gedir və onu əllərində silah insanlar udur və ya uduzur.

 

Əgər canlı qüvvə ilə bağlı problemlər tez bir zamanda həllini tapmazsa, yeni qüvvələrin çatışmazlığı Ukraynanın dənizdə qələbəsini heçə endirəcək", - nəşr yazıb.

 

Rusiya öz hərbi potensialını kəskin surətdə bərpa edib. Rusiyanın hərbi-sənaye kompleksi Ukraynanın Qərb müttəfiqlərinin mərmi və döyüş maşınları tədarükünü geridə qoyur.

 

Rusiyanın pilotsuz uçuş aparatları və radioelektron mübarizə vasitələri də həmçinin Ukraynaya nisbətən dominantlıq edir.

 

Bundan başqa, son il ərzində Moskva 300 min "könüllü" cəlb edib, hərçənd, Ukrayna səngərləri səfərbər edilənlərlə komplektləşdirməyə cəhd edir.

 

Nəşr qeyd edir ki, hazırkı vəziyyət Ukraynanın qələbə şanslarını ayıq başla yenidən dəyərləndirməyə vadar edir.

 

Analitiklərin əksəriyyəti bununla razıdır ki, Rusiyanın üstünlüyünə rəğmən, dönüş məqamı hələ baş verməyib. Əgər Qərb Ukrayna üçün silahlanma məsələlərində qətiyyətlə hərəkət edərsə, Rusiyanın üstünlüyü heçə enəcək.