Moderator.az xəbər verir ki, bu barədə "The Waşington Post" nəşri yazıb.

 

Putin tamaşaçıları tarixi bilikləri ilə bağlı xəyali eridisiyası ilə heyrətə gətirməyə cəhd edib və Karlsona tənqidi suallar verməyə imkan yaratmayıb, jurnalistlər əmindir.

 

Onlar bəyan edib ki, Putin bu müsahibəyə Karlsondan daha yaxşı hazırlaşıb. Qeyd edilir ki, "yaxşı təlim keçmiş "DTK agenti" Karlsonun birbaşa cavab almaq üçün nadir cəhdlərindən asanlıqla yan keçə bilib.

 

Jurnalistlər həmçinin qeyd edib ki, bütün müsahibə boyu Putin Karlsonu məhz Rusiyanın "bu münaqişənin qurbanı olduğuna" inandırmağa cəhd edib.

 

"Putin hər bir sualdan istifadə edərək başlıca dəlilini ifadə edib. Bu da ondan ibarətdir ki, guya, Rusiya zərərçəkən tərəfdir, Qərbin dəfələrlə verdiyi yalançı vədlərinin qurbanıdır.

 

Buna baxmayaraq, Putin təkid edib ki, Moskva müharibənin dayandırılması barədə  danışıqlar aparmağa hazırdır, lakin bunu Birləşmiş Ştatlarla edə bilər, çünki, onun vurğuladığı kimi, Ukrayna hökuməti Qərbin qeyri-legitim oyuncaq rejimidir", - jurnalistlər yazıb.

 

Onlar həmçinin Putinin tarixi işıqlandırmaq zamanı manipulyasiyalara yol verdiyini qeyd edib. Rusiya prezidentinin gətirdiyi bir çox faktlar, sadəcə, uydurulub.

 

"Müsahibənin özəyi Kiyev Rusiyasının yaradılmasından bugünədək olan tarixin min illik dövrünü əhatə edən uzun sürən mühazirəsi olub.

 

Bütün bunlar Putinə ukraynalıların rus imperiyasının "ucqarlarında" yaşayan ruslar olduğunu sübut etmək üçün lazım olub. 

 

Onun boşboğazlığının mahiyyəti ondan ibarət olub ki, faktlar "sunamisi" ilə tamaşaçıları heyrətə gətirsin, bununla da özünün xəyali erudisiyası ilə onları məftun etsin", - qəzet yazıb.

 

Jurnalistlər Putinin Rusiyanın danışıqlara hazır olduğu barədə daha bir manipulyasiyasını qeyd edib:

 

"Fəqət, danışıqlara hazırlıq görüntüsü Ukraynanın yalnız tam təslim olması, o cümlədən böyük ərazilərin təhvil verilməsinin müharibənin başa çatmasına gətirib çıxaracağı ilə bağlı Rusiyanın uzun müddətdir təkidi ilə kəskin təzad təşkil edir".

 

 

Bu günlər Rusiyanın Ukraynaya tammiqyaslı hərbi müdaxiləsi başlanandan ilk dəfə olaraq Putin Qərb KİV-lərinə müsahibə verib.

 

Kreml bu qərarını onunla izah edib ki, Trampyönümlü amerikalı aparıcısı Taker Karlsonun mövqeyi "başqalarından fərqlənir".

 

Karlsonun özü iki saatlıq müsahibədən sonra etiraf edib ki, Kreml rəhbəri "izah etməyi bacarmır". O, həmçinin deyib ki, Putin öz mövqeyini ardıcıl olaraq ifadə etməyib.

 

Ağ ev bu müsahibəyə cavab verib və qeyd edib ki, bu müsahibəni həqiqət kimi qəbul etməyə gərək yoxdur. ABŞ vətəndaşları "Ukraynanın nə uğrunda mübarizə apardığını anlayır və onların bizdən istədikləri yalnız yardım göstərməyimizdir".

 

Siyasi texnoloq Boris Tizenhauzenin fikrincə, bu müsahibənin iki məqsədi var. Birincisi, "xortdana, qatilə və manyaka adam sifəti vermək", ikincisi məqsəd isə məhz ABŞ-da prezident seçkiləri ilə bağlıdır.