“Rusiya Ukraynaya hücum zamanı malik olduğu tankların 90%-ni itirib...” – “Forbes”

Bizi sosial şəbəkələrdən izləyin:

“Rusiya Federasiyasının Ukraynaya qarşı tammiqyaslı işğalı zamanı işğalçı ölkə ən azı 2619 tank itirib ki, bu da işğalçıların hücum vaxtı əllərində olan ümumi tank sayının ən azı 90%-ni təşkil edir”.

Moderator.az “NV” kanalına istinadla xəbər verir ki, bu haqda yanvarın 10-da “Forbes” məlumat yayıb.

Jurnalistlərin qeyd etdiyinə görə, işğalçılar Ukraynaya qarşı müharibəyə 2987 tankla daxil olub və 23 aylıq döyüşlərdən sonra ən azı 90 faiz itki veriblər. Nəşr bildirib ki, söhbət 1735 məhv edilmiş, 205-i tərk edilmiş və 544-ü götürülmüş “T-55”, “T-62”, “T-72”, “T-80” və “T-90” modelli tanklardan gedir.

“Əgər Kremlin müharibədəki itkiləri kompensasiya etmək üçün heç bir variantı olmasaydı, Rusiya ordusunun tank korpusu cəmi 368 tanka qədər ixtisar ediləcəkdi: bu da Ukraynanın zirehli korpusundan müdafiə olunmaq üçün çox azdır”, - “Forbes” yazır.

Eyni zamanda, Kreml “intensiv sənaye səyləri” sayəsində 2023-cü ildə 1500 yeni və modernləşdirilmiş tank buraxdığını iddia edir. “Forbes” ehtimal edir ki, buna görə hazırda Rusiya Federasiyasında 2400 mövcud tank olmalıdır, lakin əslində bu say "daha az olmalıdır". "Çünki Rusiya Kremlin iddia etdiyi qədər yeni və modernləşdirilmiş tanklar istehsal etmir", - deyə nəşr qeyd edib.

Fransanın "ARI" kəşfiyyat qrupunun təhlili sübut edir ki, Rusiya sənayesi ildə cəmi 390 tank istehsal edir. Bu o deməkdir ki, 2022 və 2023-cü illərdə Rusiya cəmi 780 tank düzəldə və ya təmir edə bildi. Əgər bu, doğrudursa, o zaman Rusiya Silahlı Qüvvələrinin tank ehtiyatı 1180 tanka qədər azaldıla bilər. Ola bilsin ki, hazırda Ukrayna Silahlı Qüvvələrində olduğundan bir az daha çox tank var”, - “Forbes” əlavə edib.

Dekabrın 13-də Litvanın Müdafiə Nazirliyi bəyan edib ki, Rusiya ayda təxminən 100-150 tank istehsal etmək və ya təmir etmək gücündədir.

Ukrayna ordusu Baş Qərargahının məlumatına görə, Ukrayna tammiqyaslı işğal başlayandan bəri işğalçı ölkənin 6060 tankını məhv edib və ya zədələyib...

S.Laçın