"Livanda yarım milyon insan həlak ola bilər, "Hizbullah"a qalib gəlmək mümkün deyil" - "The Wasington Post"

Bizi sosial şəbəkələrdən izləyin:

"Münaqişənin Qəzza bölgəsinin hüdudlarından kənara çıxması nə İsrailin, nə regionun, nə də dünyanın maraqlarına cavab verir..."

"Hizbullah" hazırda uzaqvuran və yüksəkdəqiqli silahların böyük arsenalına malikdir, Livanla yeni savaş İsrailin bütün şimalının təxliyəsinə gətirib çıxara bilər..."

ABŞ administrasiyası özəl söhbətlərdə İsrailə Livanda vəziyyətin əhəmiyyətli dərəcədə eskalasiyası barədə xəbərdarlıq edib.

Moderator.az xəbər verir ki, bu barədə "The Washington Post" qəzetində dərc olunan məqalədə deyilir.

Ağ evin ondan çox məmur və diplomatları jurnalistlərlə söhbətlərində "İsrail ilə Livan arasında kövrək hərbi vəziyyəti" müzakirə edib.

Qəzetin mənbələrinin sözlərinə görə, ABŞ Müdafiə Nazirliyi Kəşfiyyatının yeni məxfi dəyərləndirməsində deyilir ki, İsrail Müdafiə Ordusuna uğur qazanmaq çətin olacaq, "çünki onun hərbi qüvvələri və resursları Qəzza bölgəsindəki münaqişəni nəzərə alsaq həddən artıq göyə sovrulub".

Amerika məmurları deyib ki, HƏMAS-ın oktyabr hücumundan sonra İsrailin rəsmi şəxsləri ABŞ ilə "Hizbullah"a qarşı preventiv hücumun mümkünlüyünü müzakirə edib.

Lakin bu perspektiv daima Vaşinqton tərəfindən müqavimətlə üzləşir, bu da Livanda eskalasiyanın hər iki qruplaşmaya dəstək verən İranın münaqişəyə cəlb edilməsi ehtimalı ilə bağlıdır.

Bu isə öz növbəsində Birləşmiş Ştatları İsrailin maraqları naminə hərbi tədbirlərə məcbur edə bilər.

ABŞ-ın çoxdankı düşməni olan "Hizbullah" yaxşı təlim keçmiş döyüşçülərə və on minlərlə raketlərə malikdir. Lakin ABŞ rəsmi şəxsləri əmindir ki, qruplaşmanın lideri Həsən Nəsrullah daha geniş savaşdan yan keçməyə çalışır.

"Bu münaqişənin Qəzza bölgəsinin hüdudlarından kənara çıxması heç kimin-nə İsrailin, nə regionun, nə də dünyanın maraqlarına cavab verir", - bunu ABŞ Dövlət Departamentinin mətbuat katibi Mett Miller bəyan edib.

Vaşinqton ehtiyat edir ki, İsrail ilə Livan arasında tammiqyaslı münaqişə qan tökülməsinə görə 2006-cı il İsrail-Livan müharibəsini üstələyəcək, çünki "Hizbullah" hazırda uzaqvuran və yüksəkdəqiqli silahların böyük arsenalına malikdir.

"Livanda qurbanların sayı 300-500 min nəfərə çata bilər və İsrailin bütün şimalının kütləvi təxliyəsinə gətirib çıxara bilər", - bunu Yaxın Şərq İnstitutunun Vaşinqton analitik mərkəzinin Livan üzrə ekspert Bilal Saab deyib.

Onun sözlərinə görə, "Hizbullah" İsrailə neft-kimya zavodları və nüvə reaktorları kimi mühüm obyektlərə "daha dərin zərbə vura bilər, İran isə bütün region boyunca öz "satellitlərini" fəallaşdırmaq iqtidarındadır.