Dəbli geyinən və tərz görünən kişi millət vəkillərimiz... - FOTOLAR

Bizi sosial şəbəkələrdən izləyin:

Bir ili də beləcə geridə qoyduq. 2024-cü ilin ilk həftəsini yaşayırıq.

Yeni ildə tanınmış modelyer-dizayner Xəyalə Məsimovaya parlamentin ən dəbli və zövqlü geyinən millət vəkillərini soruşduq. Xəyalə Məsimova Moderator.az -a ötən ilin ən dəbli geyinən millət vəkillərinin adlarını açıqladı:

"2023-cü il ilin ən dəbli və öz seçimləri ilə yadda qalan millət vəkilləri kifayət qədərdir, amma mən bir neçəsinin adını sadalayacam.

Onlardan biri Elşən Musayevdir. O, öz klassik tərzi ilə seçilir. Xüsüsi olaraq rəngli və milli ornamentli naxışlardan istifadə edir. Bu naxışları əsasən istifadə etdiyi qalstuklarda görmək olar. 2023-cü ilin ən dəbli aksessuarından biri qalstuklar idi. Bu 2024 -cü ildə də davam edəcək.

Tərzi ilə diqqət çəkən növbəti millət vəkili Nurlan Həsənovdur. O, öz geyimlərində daha çox polklassik stilə üstünlük verir. Seçdiyi rəng tonları öz dəri tonuna düzgün uyğunlaşdırılır. 2023-cü ilin ən dəbli geyinən kişi millət vəkillərindən biridir.

Növbəti geyimi ilə diqqət çəkən vəkillərdən biri Vüqar İsgəndərovdur. O rəngli və naxışlı printlerdən ibarət pencəklərə üstünlük verir. İlin ən dəbli trendi, naxışlı parçalar və pencəklər hesab olunur. Aksessuar olaraq daha çox saatlar əsas seçimidir.

Növbəti millət vəkili Kamal Cəfərov da öz geyimi ilə fərqlənir. Belə ki o 2023 - cü ildə iştirak etdiyi tədbirlərdə daha çox monoxrom rənglərdən istifadə edib. Bu stili geyimlərində çox düzgün formada işlədilir.

Bu millət vəkilləri arasında ən seçiləni isə Ziyad Səmədzadədir. O öz stilində müxtəlif rəngli eynəklərdən istifadə edir ki bu onun stilinə xüsusilik qatır. Geyimlərində daha çox ağ- qara rənglərdən istifadə edir. Bu rəng tonlaması və aksessuarı isə həmişə dəbdə olur. Yaş olaraq həmkarlarını nəzərə alsaq çox maraqlı tərzi var və trendlər ilə ayaqlaşır.

Tanınmış millət vəkilimiz Arzu Nağıyev öz həmkarlarından seçdiyi renglərə əsasən fərqlənir. Belə ki, o kostyumlarında daha çox kontrast rənglərdən istifadə edir. Bu rənglər bir- birinə uygunlaşır və rəng çevrəsində öz əksini tapır. Diqqət etsək görərik ki, pencəkləri daha tünd rənglərdə istifadə edən Arzu Nağıyev, köynəklərdə daha açıq rənglərə üstünlük verir. Bu stildə o aksent rəngi qalstukda istifadə edir. Bu rənglər daha çox qırmızı, bənövşəyi, yaşıl rəng tonlarıdır".