"2024-cü ildə Krım və Qara dənizdə döyüş müharibənin ağırlıq mərkəzi olacaq" - Zelenski

Bizi sosial şəbəkələrdən izləyin:

"Krım yarımadasının təcrid edilməsi və orada Rusiyanın hərbi potensialının zəifləməsi fövqəladə dərəcədə vacibdir..."

"Putin sizi Avropa İttifaqınız, NATO-nuz, azadlıq və demokratiyanızla birgə həzm-rabedən keçirəcək..."

"Ukraynanın uğur qazanmaq sürəti Qərb tərəfdaşlarından alacağı hərbi yardımdan asılı olacaq..."

Müvəqqəti işğal edilmiş Krım və onunla bağlı Qara dənizdə döyüş 2024-cü ildə işğalçı ölkə Rusiyaya qarşı "müharibənin ağırlıq mərkəzi olacaq".

Moderator.az xəbər verir ki, bu barədə Ukrayna prezidenti Vladimir Zelenski "The Economist" nəşrinə verdiyi müsahibəsində bəyan edib.

Onun sözlərinə görə, Krım yarımadasının təcrid edilməsi və orada Rusiyanın hərbi potensialının zəifləməsi Ukrayna üçün "fövqəladə dərəcədə vacibdir", çünki bu, "bu regiondan hücumların sayının azaldılması yoludur".

Zelenski qeyd edib ki, uğurlu əməliyyat "bütün dünya üçün nümunə" olacaq, həmçinin Rusiyanın daxilində böyük effekt verəcək, çünki Kreml təbliğatının mərkəzi elementinin itirilməsi "minlərlə rusiyalı zabitin yalnız Putinin ambisiyaları səbəbindən həlak olduğunu" göstərəcək".

Lakin prezident vurğulayıb ki, uğurun əldə edilməsi sürəti Ukraynanın Qərb tərəfdaşlarından alacağı hərbi yardımdan asılı olacaq.

O cümlədən Zelenski Ukraynaya Krım körpüsünü dağıtmağa, yarımadanı faktiki olaraq Rusiyadan ayırmağa imkan verəcək "TAURUS" uzaqmənzilli raketlər verilməsini xahiş edib.

Prezident qeyd edib ki, Rusiya "bizim üçün bunun hərbi obyekt olduğunu bilməlidir".

Zelenski əlavə edib ki, bu müharibənin bilavasitə vəzifəsi "Şərqin müdafiəsi, Ukraynanın şərqdə və cənubdakı son dərəcə vacib şəhərlərinin, Xarkov, Dnepr, Zaporojye, Xerson, Nikolayev kimi şəhərlərin xilas edilməsi", habelə ölkənin mühüm infrastrukturunun müdafiəsidir.

"Putin heyvan kimi zəiflik hiss edir, çünki o, elə heyvandır..."

Daha sonra Zelenski Qərb tərəfdaşlarına və Avropa ölkə liderlərinə müraciətlə bəyan edib.

"Əgər Putin ukraynalıların hüquqlarını pozacaqsa, o zaman "bütün dünyada hüquqları pozacaq", - Zelenski qeyd edib.

Əgər Ukrayna işğalçı ölkə Rusiyaya qarşı müharibədə uduzarsa, o zaman bu ölkənin prezidenti Vladimir Putin öz müharibələrini Qərb ölkələrinə yaxınlaşdıracaq.

Nəşr qeyd edir ki, Rusiyanın hərbi səylərini fəallaşdığı, Ukraynanın resurslarının tükəndiyi bir zamanda Amerika və bir çox Avropa ölkələrinin diqqəti seçkilər ilində daxili problemlərə yönəlib.

Zelenski vurğulayıb ki, Ukraynaya pullar və silah verməklə Avropa ölkələri "özlərinə dəstək verir" və "bizim deyil, öz uşaqlarını xilas edir".

Prezidentin sözlərinə görə, əgər Rusiyaya ukraynalı uşaqların oğurlanmasına imkan verilərsə, "o, bütün dünyada hüquqları pozacaq".

Zelenski deyib ki, "Putin heyvan kimi zəiflik hiss edir, çünki o elə heyvandır", "əgər qan hiss edirsə, öz gücünü hiss edir".

"O, sizi sizin Avropa İttifaqınız, NATO-nuz, azadlıq və demokratiyanızla birgə həzm-rabedən keçirəcək", - o, xəbərdarlıq edib.