"Siqaret çəkmək insan beyninin həcmini azaldır" - ABŞ alimlərinin tədqiqatı

Bizi sosial şəbəkələrdən izləyin:

"Siqaret çəkmə və beyin həcmi arasında əlaqə gün ərzində çəkilən siqaretlərin sayından asılı olaraq dəyişir..."

"Bu zərərli vərdişdən imtina edilməsi gələcəkdə neyron toxumalarının itirilməsinin qarşısını almağa qadirdir, lakin beynin həcminin bərpası mümkün deyil..."

ABŞ alimləri müəyyən edib ki, siqaret çəkmək beynin həcmini azalda bilər, bu da öz növbəsində onun erkən qocalmasına gətirib çıxarır.

Moderator.az xəbər verir ki, bu barədə "Biological Psychiatry Global Open Science" nəşri yazıb. Məlumatı "ukr.net" nəşri yayıb.

Nəşr yazır ki, əvvəllər aparılan tədqiqatlar artıq siqaret çəkməklə beynin ölçüləri arasında əlaqəni müəyyən edib, lakin elmi birlikdə indiyədək debatlar davam edir.

Bu da siqaret çəkmənin beynin həcminin azaltdığı və ya, əksinə, beynin həcminin azalmasının siqaret çəkmək amilinin olduğu barədə debatlardır.

Bundan başqa, genetika da əhəmiyyətli rol oynayır, çünki məlumdur ki, beynin ölçüləri və siqaret çəkməyə meyllik irsən də ola bilər. Siqaret çəkmə riskinin təxminən yarısı insanın genetik amilləri ilə bağlıdır.

Vaşinqton Universitetinin Tibb Məktəbinin alimləri professor Lora Birutun rəhbərliyi altında genlər, beynin ölçüləri və siqaret çəkmə arasında əlaqəni aydınlaşdırmağa cəhd edib.

Bu tədqiqatadək onlar Britaniya Bioloji Bankının məlumatlarından istifadə edib. Bu geniş biotibbi məlumatlar bazası Avropa mənşəli yarım milyondan artıq insanın genetik, tibbi və davranış məlumatlarını özündə ehtiva edib.

Britaniya Boloji Bankının 40 min iştirakçısından yarımqrup seçilərək beynin həcmini ölçmək üçün beynin skan edilməsi aparılıb.

Alimlər beyin ölçüləri, siqaret çəkmə tarixçəsi və bu vərdişin genetik inkişaf risklərini barədə məlumatları təhlil edib.

Tədqiqat nəticəsində müəyyən edilib ki, bu istənilən üç dəyişən göstəricilər-siqaret çəkmə tarixçəsi və beyin həcmi, genetik siqaret çəkmə riski və beyin həcmi arasında arasında qarşılıqlı əlaqə mövcuddur.

Üstəlik, siqaret çəkmə və beyin həcmi arasında əlaqə gün ərzində çəkilən siqaretlərin sayından asılı olaraq dəyişib.

Hər üç amilin təhlili zamanı alimlər müəyyən edib ki, siqaret çəkmənin genetik riski və beynin həcmi arasında əlaqə yoxa çıxıb, hərçənd, bu amillərin hər biri ilə siqaret çəkmə ilə bağlı davranış aspektləri arasında əlaqə saxlanılıb.

Tədqiqatçılar hadisələrin ardıcıllığını müəyyən edib. Belə ki, siqaret çəkməyə olan genetik meyllik öz növbəsində beynin həcminin azalmasına gətirib çıxarır.