Moderator.az xəbər verir ki, bu barədə "Foreign Policy" nəşri yazıb.

 

Məqalədə deyilir ki, Kiyevin əkshücumu əksəriyyət müşahidəçilərin gözləntilərini doğrultmayıb.

 

Qərb KİV-ləti yazır ki, Avropa və ABŞ tərəfindən Ukraynanın ehtimal edilən məğlubiyyəti barəsində ölümcül mövqe yayılır.

 

 

"Həqiqət ondan ibarətdir ki, asan çıxış yolu yoxdur. Moskva dəfələrlə anladıb ki, yalnız Kiyevin təslim olmasına razı olacaq. Rusiya prezidenti Vladimir Putini öz məqsədindən imtinaya vadar etməyin yeganə üsulu Ukraynaya döyüş meydanında qələbə qazanması üçün vasitələr verməlidir. Bu, icra edilə bilməyən vəzifə deyil, lakin Birləşmiş Ştatlardan cəsarət, stavkaların anlaşılması və ən yaxşı yolun müəyyən edilməsini tələb edir", - nəşr yazıb.

 

Qeyd edilir ki, ABŞ-ın Ukraynada uğurlu strategiyası Moskvanın döyüş əməliyyatlarının həqiqətən dayandırılmasında marağını olmadığının etiraf edilməsindən başlamalıdır. 

 

2014-2022-ci ilədək Rusiya 20 dəfə Ukraynada atəşkəs rejiminə razılıq verib və dərhal bütün razılaşmaları pozub.

 

Putin yaxın aylarda daha bir oxşar təklif irəli sürə bilər, lakin bunun məqsədi döyüş əməliyyatlarının bərpa edilməsinədək öz qüvvələrinə fasilə verməkdən ibarətdir.

 

Putinin Ukraynanın artıq ilhaq etdiyi beş regionu üzərində nəzarətlə qane olacağını düşünmək real deyil. Bunlar Krım, Donetsk, Luqansk, Xerson və Zaporojye regionlarıdır, Rusiya onlardan yalnız Krıma tam nəzarət edir.

 

Qərb Ukraynanı böyük ərazilərini və milyonlarla ukraynalını Rusiyaya güsəştə getməyə vadar etməyə cəhd göstərə bilər.

 

Kiyev bu addıma hiddətli və haqlı müqavimət göstərəcək. Bu, Kiyevlə münasibətləri pozacaq, bütün Ukraynada döyüş ruhunu sarsıdacaq və ABŞ-ın bütün dünyada üzərinə götürdüyü öhdəliklərlə bağlı şübhələr yaradacaq. Bunlar həm də Putinin irəliyə getməsinə sövq edəcək.

 

Ukraynalılar Rusiyaya hərbi yolla müqavimət göstərilməsinin zəruriliyinə əmindir və bu sahədə gerçək uğurlar qazanıb. Kiyevin mübarizə üçün hələ gücü var.

 

"2022-ci ildə Ukrayna böyük qələbələr qazanıb, Rusiyanın tammiqyaslı hərbi müdaxiləyə başlanmasından işğal etdiyi ərazilərin, demək olar ki, yarısını azad edib.

 

Əgər bu il yürüstü hücum gözlənildiyindən daha az uğurlu alınıbsa, bu, bir çox səbəbdən ABŞ-ın həlledici silah, o cümlədən ATACMS və ikili təyinatlı DPICM döyüş sursatlarının tədarükündən imtina etməsilə bağlıdır. Bu, Rusiyaya səngərlərdə möhkəmlənmək üçün qiymətli zaman vermiş olub", - nəşr yazıb.

 

Bundan başqa, ABŞ-ın Ukraynaya Qərb silahından Rusiya ərazisinə zərbələr üçün istifadə etməsinə qadağa qoyması Kiyevin əl-qolunu bağlayıb.

 

"Əgər Ukraynanın əkshücumu dayanırsa və ya hətta iflasa uğrayırsa, bu, dəstək göstərilməsini dayandırmaq üçün bəhanə ola bilməz. Əksinə, bu, səhvlərdən nəticə çıxarmaq, silah axınına dəstək vermək və Ukraynanı müharibənin növbəti mərhələsinə hazırlamaq üçün zaman olmalıdır", - nəşr yazıb.

 

Bu mərhələ indi başlayır.

 

 

 

Bu yeni fazada görüləcək tədbirlər Ukraynaya daha cəsarətli və kreativ dəstəkdən ibarət olmalıdır. Tərəfdaşlar öz diqqətini Krıma yönəltməklə Ukraynanın qələbəyə yaxınlaşması üçün səylər göstərməlidir.

 

"Krım azad edilmədən Ukrayna heç vaxt təhlükəsiz olmayacaq. İşğal edilmiş ərazi həlledici platsdarm və Rusiyanın Ukraynanın cənubunda əməliyyatlarının təchizat bazasıdır. İlk addım olaraq Ukrayna Rusiyanın Krımda sərbəst hərəkət etməsinə imkan verməməlidir", - nəşr yazıb.

 

Bax, buna görə də Ukrayna dəfələrlə Rusiyanın ən qiymətli aktivi olan Kerç körpüsünü hədəfə alıb. Kiyev qüvvələri ona iki dəfə uğurlu hücum edib. Paralel olaraq Ukrayna Silahlı Qüvvələri Rusiyanın yarımada ərazisində olan hərbi obyektlərinə, o cümlədən Qara dəniz donanmasına zərbələr endirib.

 

Nəşr qeyd edir ki, Ukrayna Krıma qarşı genişmiqyaslı kampaniya başlamaq üçün siyasi iradə və kreativliyə malikdir, lakin ABŞ onun uğur qazanmasını təmin etməlidir. Ehtimal ki, Krım kampaniyası üç mərhələdən ibarət olacaq:

 

1) yarımadanın təcrid edilməsi- bu, Kerç körpüsününn məhv edilməsi və ya heç olmasa sıradan çıxarılması, Krımı Xerson vilayətilə birləşdirən, o cümlədən Genik, Sivaş və Çonqar körpüləri də daxil olmaqla həlledici tranzit qovşaqlarını hədəfə almaqdır; 

 

2) yarımadanın hərbi-dəniz və aviasiya bazalarına zərbələr- bu, ATAKCMS və "Taurus"-ların təcili və iri tədarükünü tələb edir;

 

3) Rusiyanın sıxışdırılan bölmələrinin yenidən qruplaşdırılacaq həlledici obyektlərinə zərbələr.

 

Ukrayna artıq bu bitişik regionlarda, o cümlədən Novorossiysk, Tuapse, Temryuk və Taqanroqda Rusiya bazaları, hava limanları və qərargahlarına az da olsa uğurlu hücumlar edib. Bu hücumlara dəstək vermək və onları şirnikləndirmək lazımdır.

 

"Nədən biz Ukraynadan Rusiyanın Ukraynaya amansız zərbələr endirildiyi hərbi bazalarına zərbələr endirməməyi tələb etməliyik? Amerika siyasətçiləri etiraf etməlidir ki, Ukrayna üçün qələbəyə aparan ən qısa və birbaşa yol Krımdan keçir.

 

Ukraynan yarımadaya qarşı kampaniyası nəzərə alınmaqla silahlanmalı, təlim keçməli və təchiz olunmalıdır. Rusiyanın Ukraynaya qarşı müharibəsi 2014-cü ildə Krıma müdaxiləsi ilə başlayıb, bu müharibə elə Ukraynanın, nəhayət, orada nəzarətinin bərpa edəcəyindən sonra bitəcəkdir", - nəşr yazıb.

 

 

Xatırladaq ki, dekabrın 5-nə keçən gecə işğal edilmiş yarımada sakinləri Kerç və Feodosiyada güclü partlayışlar barədə məlumat verib. Həmin gecə işğalçılar Krım körpüsünü bağlayıb.

 

Rusiya Müdafiə Nazirliyi ertəsi gün bəyan edib ki, Krım 35 pilotsuz uçuş aparatının hücumuna məruz qalıb. Onlardan, guya, 22-i vurulub, qalanları ələ keçirilib.