Moderator.az xəbər verir ki, bu barədə "interaffairs.ru" nəşri məlumat yayıb.

 

ABŞ-ın BMT-dəki nümayəndəsi Robert Vud ölkəsinin qərarını onunla izan edib ki, tədqim edilən qətnamə layihəsi "reallıqdan uzaqdır", həm də müəlliflər Vaşinqtonun HƏMAS-ın pislənilməsi və İsrailin özünümüdafiə hüququnun təsdiq edilməsi barədə təkliflərini nəzərə almayıb.

 

"Təəssüf ki, bizim tövsiyələrimizin, demək olar ki, hamısı görməzdən gəlinib, - Vud bəyan edib. - Belə tələsik prosesin nəticəsi olaraq reallıqdan uzaq, balanslaşdırılmayan qətnamə layihəsi üzə çıxıb".

 

ABŞ "yeni müharibə dalğası toxumlarını səpəcək həyati qabiliyyəti olmayan atəşkəsə" dəstək verə bilməz.

 

Buna baxmayaraq, Təhlükəsizlik Şurasının 15 üzvündən 13-ü, o cümlədən Rusiya və Çin qətnamənin lehinə səs verib, Böyük Britaniya bitərəf qalıb, çünki qətnamə HƏMAS-ı pisləməyib.

 

"Atəşkəsə çağırış bu fakta etinasız yanaşır ki, HƏMAS terror aktları törədib və indiyədək yerli sakinləri girovluqda saxlayır, - Böyük Britaniyanın BMT-dəki nümayəndəsi Barbara Vudvord öz qərarını şərh edib. - Biz HƏMAS-ın oktyabrın 7-də İsrailin günahsız mülki şəxslərinə qarşı törətdikləri vəhşilikləri pisləməyən qətnamənin lehinə səs verə bilmərik".

 

Vudvord əlavə edib ki, Böyük Britaniya Qəzzada humanitar vəziyyətlə bağlı "ciddi şəkildə narahatdır" və "yardım edilməsi və daha çox girovun azad edilməsi üçün döyüş əməliyyatlarında "bundan sonra da daha uzunmüddətli" humanitar fasilələrə çağırış edib.

 

Rusiya, Çin və BMT Təhlükəsizlik Şurasının bir neçə digər üzvü ABŞ-ı "müharibənin davam etməsi və dinc fələstinlilərin həlak olmasına" göz yummaqda ittiham edib.

 

O cümlədən Rusiya nümayəndəsi Dmitri Polyanski ABŞ-ın mövqeyini "dikbaş və təkəbbürlü" adlandırıb və bəyan edib ki, bunun nəticəsi "fələstinli uşaqların məzarlığı" olacaq.

 

"Siz qeyri-insani barbar hərəkətlərə dəstək verməklə tarixin yanlış tərəfində olacaqsınız", - Rusiya nümayəndəsi bəyan edib. Bunu Ukraynada törətdiyi müharibə ilə bağlı Təhlükəsizlik Şurası qətnamələrini əngəlləyən ölkənin nümayəndəsi deyib.

 

Çin nümayəndəsi Çjan Tszyun ənənəvi olaraq ABŞ-ı ikili standartlarda ittiham edib.

 

"Döyüşlərin davam etməsinə göz yumaraq qadınların, uşaqların, insan haqlarının qorunması barədə xatırlatmaq son dərəcə riyakarlıqdır, - Çin diplomatı deyib. - Bütün bunlar ikili standartların nə demək olduğunu nümayiş etdirir".

 

İsrail nümayəndəsi Qilad Erdan, əksinə, ABŞ və prezident Baydenə vaxtında görülən tədbilərə görə minnətdarlıq edib.

 

"Atəşin dayandırılması yalnız bütün girovların azad edilməsi və HƏMAS-ın məhv edilməsi şərtilə mümkündür", - o, deyib.

 

İsrailin mövqeyi ilə Fələstin Administrasiyasının nümayəndəsi Riyad Mansur razılaşmayıb. O, ABŞ-ın qətnaməyə qoyduğu vetonu kədərli adlandırıb.

 

"Biz BMT sistemindən hiddətlənən və məyus olan xalqımız kimi məyusuq, - Mansur bəyan edib. - Və düz də edirik, çünki İsrailin güclü hərb maşınının minlərlə insanımızın qətlə yetirdiyini görür, bu zaman Təhlükəsizlik Şurası iflic vəziyyətdədir".

 

Oxşar bəyanatla Fələstin Muxtariyyətinin baş naziri Məhəmməd Ştayye də çıxış edib.

 

"Təhlükəsizlik Şurasının təcavüzü dayandırmaq iqtidarında olmaması rüsvayçılıq və qətllərin, dağıntıların və yerdəyişmələrin davam etməsinə verilən lisenziyadır, - o, bəyan edib. - Veto hüququndan istifadə edilməsi müki əhalinin həyatına qayğı göstərilməsini bəyan edənlərin riyakarlığıdır".

 

Fələstin baş naziri qərnaməyə səs verən öklələrə minnətdarlıq edib və humanitar yardımın davam etdirilməsi, habelə İsrailin Qəzza bölgəsinə hücumlarının dayandırılmasına cəhdlər üsrə səylərini davam etməyə çağırış edib.

 

Xəbər verildiyi kimi, bundan öncə BMT Təhlükəsizlik Şurasının təşkilatın baş katibi tərəfindən çağırılan iclasinda Antoniu Quterriş Fələstin bölgəsində "bütün region üçün dağıdıcı nəticələrə" gətirib çıxara biləcək yaxınlaşan böhran haqqında xəbərdarlıq edib.

 

O, yaranmış vəziyyəti beynəlxalq sülhə və təhlükəsizliyə təhlükə adlandırıb və BMT-nin bölgə əhalisinə yardım göstərə bilmədiyini etiraf edib.

 

"Yaranmış vəziyyətdə biz mandatımızı icra edə və lazımi humanitar yardımı çatdıra bilmirik. Qəzzada təhlükəsiz yer qalmayıb. Ərzaq tükənir, səhiyyə sistemi kollaps həddindədir", - o, bəyan edib.

 

Quterriş həmçinin vurğulayıb ki, İsraildə "HƏMAS-ın törətdiyi qəddarlıq Fələstin xalqının kollektiv cəzalandırılmasına haqq qazandıra bilməz".

 

Buna cavab olaraq İsrailin BMT-dəki nümayəndəsi Qilad Erqan qeyd edib ki BMT daha geniş miqyaslı münaqişələr-nə Rusiyanın Ukraynaya hücumu, nə Suriyadakı müharibə, nə də Yəməndəki müharibə ilə bağlı 99-cu maddədən istifadə etməyib.

 

"Sülhə aparan əsl yol atəşkəsə çağırış deyil, İsrailin missiyasının dəstəklənməsidir", - Erdan deyib.