ABŞ prezidenti Co Bayden Konqresə Ukraynaya 60 milyard dollar məbləğində əlavə maliyyə yardımının maliyyələşdirilməsini təsdiq etməyə çağırış edib.

 

Moderator.az xəbər verir ki, bu barədə "pravda.com.ua" nəşri məlumat yayıb.

 

Prezident vurğulayıb ki, Rusiyaya qalib gəlməyə imkan verilərsə, o, təkcə Ukraynada dayanmayacaq, döyüş əməliyyatları NATO ölkələrinə də sirayət edəcək.

 

Öz çıxışında o, qeyd edib ki, G7 ölkələri liderləri ilə görüşündə o cümlədən Ukraynaya yardım məsələsini müzakirə edib. Onun sözlərinə görə, "Böyük yeddilik" və "bizim avropalı dostlarımız" bundan sonra da Kiyevə dəstək verməyə hazırdır.

 

"Birləşmiş Ştatlarda kim bundan imtina etməyə hazırdır? Sizə deyirəm, mən buna hazır deyiləm, düşünürəm ki, Amerika xalqı da hazır deyil.

 

Əgər Putin Ukraynanı işğal edərsə, o, bununla kifayətlənməyəcək. Burada uzunmüddətli perspektivi görmək vacibdir. O, davam etmək niyyətindədir. O, bunu aydın şəkildə büruzə verməkdədir.

 

Əgər Putin NATO üzrə müttəfiqimizə hücum edirsə, NATO üzvü kimi biz NATO ərazisinin hər qarışını müdafiə etmək öhdəliyini üzərimizə götürmüşük.

 

O zaman bizim niyyətində olmadığımız və bu gün baş verməyən vəziyyətə gətirib çıxaracaq və Amerika qoşunları Rusiya qoşunlarına qarşı döyüşəcək", - o, vurğulayıb.

 

Amerika lideri əlavə edib ki, bu səsvermə uzun müddət yadda qalacaq. Bayden vurğulayıb ki, "tarix azadlıq mübarizəsindən yayınanları ciddi mühakimə edəcək".

 

"Biz Putinə qalib gəlməyə imkan verə bimərik. Mən bir daha deyirəm: biz Putinə qalib gəlməyə imkan verə bilmərik. Bu, bizim milli maraqlarımıza və bütün dostlarımızın beynəlxalq maraqlarındadır. Ukraynaya dəstək vermək iqtidarında olmağımıza istənilən maneə Putinin mövqelərini möhkəmləndirir", - o, əlavə edib.

 

ABŞ-ın Ukraynaya yardımı-son xəbərlər

 

Dekabrın 6-da ABŞ Ukraynaya dəstək üçün silah və texnikanın yeni yardım paketi barədə elan edib. Buraya HHM vasitələri, HIMARS üçün əlavə döyüş sursatları, yüksək sürətli radiasiyaəleyhinə raketlər, tankəleyhinə raketlər və başqa avadanlıq daxildir.

 

Lakin ABŞ Dövlət katibi Entoni Blinken bəyan edib ki, əgər Konqres əlavə maliyyələşdirilməni təsdiq etməzsə, bu yardım paketi sonunculardan biri olacaq. Birləşmiş Ştatların Ukraynaya dəstək üçün pulları tükənir.

 

Bundan öncə Bayden hərbi yardımın mümkün kəsilməsini "ağılsızlıq" adlandırıb. O, vurğulayıb ki, belə perspektiv ABŞ-ın milli maraqlarına ziddir və "sadəcə, yanlışlıqdır".